Put pirated software is forbidden skimmed
protection or contains, for example patch crack KEYGEN Serial key allows for
only free programs or programs full of same company 1- يمنع منعا باتا طرح مواضيع منقولة سواء
مفيدة أو غير ذلك 2 - يمنع منعا باتا طرح أي برنامج
مقرصن منزوع الحماية أو يحتوي مثلا على باتش كيجن سيريال كراك
مفتاح يسمح فقط بـ برامج مجانية أو برامج كاملة من نفس الشركة 3 - يمنع طرح الأفلام المقرصنة أو تم نشرها
بدون علم الشركة المنتجة 4 - يمنع طرح أكثر من موضوع بنفس العنوان
سواء بأقسام متعددة أو بقسم واحد 5 - يمنع وضع أرقام الاتصال أو البريد في
عنوان الموضوع هذا مايخص قسم للبيع والشراء نعتذر مسبقا فان مخالفة ماسبق ذكره سيتم
إيقاف العضوية بدون تحذير سيتم فلترة الروابط المطروحة بشكل دائم
قعد اسمع ان بالمدارس هابين بسالفة حب بنت لبنت... حبيت اقول قصه سمعتها وابي ردودكم ورايكم عن هالموضوع...
يلا نبدي
بسمالله الرحمن الرحيم
صارت هالقصه بالعيد الوطني وعيد التحرير كانوا بمدرسة من مدارس المتوسط في الكويت يحتفلون بهاليومين ، كان في بنتين بنت اسمها ريماس وبنت اسمها حنان ، ام حنان رفيجة ام ريماس حيل ورفيجات عمر ، بس هالبنتين ما كانوا يدرون بالعلاقة اللي بين امهاتهم وعوايلهم حنان اول ما شافت ريماس لفت انتباهها جمالها وهدوءها وادبها واخلاقها ، بس ريماس عندها بنت خالة بالمدرسة بعد فكانت بنت خالتها ( معجبة ) بحنان وطبعاً هالشي ما هم ريماس لان ما كان عندها مشاعر تجاه حنان ابداً ، كان واصل كلام حق حنان من قبل ان ريماس ( معجبة ) فيها وهالكلام كان من مريم بس بعد احداث اكتشفت حنان ان هالكلام خطأ وقالته مريم بصيغة بنت خالتها ( ريماس ) عن نفسها ، وهالكلام ما هم حنان كلش لان حنان ما كانت تدري ولا كانت عارفة منو ريماس وقتها ( طبعا صار هالكلام قبل العيد الوطني والتحرير ) ، بعد ما حنان شافت ريماس اليوم الثاني على طول قالت حق بنت خالتها انها ( معجبة ) فيها ، وبنت خالتها وصلت الكلام لها طبعاً البنت ما همها بس هالشي ازعج رفيجاتها لانهم ( ما يحبون هالسوالف ) ، ما هم حنان كلام رفيجات ريماس فكانت حنان تقولها كلام غزل مثل فديتج وحياتي وقلبي...الخ ، كانت تقول كلام علني ما كان يهمها احد بس ما لاحظت ان هالشي ممكن يأثر على البنت وهذا اللي خلا رفيجات ريماس يكلمون حنان ، طبعا كانوا يكلمونها بأسلوب مو ودي واهي كانت تتجاهلهم لانهم رفيجاتها وتدري يبون مصلحتها ( جزاهم الله خير ) ، بعد فترة ...~ تمت الاحوال جذي كانت تلحقها ويكلمونها رفيجاتها وماكو فايدة بعدين اهي لاحظت على البنت ان البنت قامت تعطيها ويه شوي ، فصارت كل يمعة ( جمعة ) تتصل على بنت خالتها وتكلمها وتكون ريماس يمها كانت ريماس بنت خجوله فما تحب تتكلم مع احد ما تعرفه عدل ، وبنت خالتها كانت تحب حنان بس ما كانت تبينلها ، كان اسلوبها معاها مو حلو بالمره طبعا هالشي ماهم حنان لان حنان ما كانت تبي مريم ( بنت خالة ريماس ) كانت تبي ريماس ، ومرت فترة على هالحال تقريبا 3 او 2 اسابيع كانت مريم احيانا تتصل من ارقام غريبة حتى لو تكون بروحها بس كانت حنان تكلمها من باب الادب ، مرت فترة واتصل رقم غريب على حنان ردت واهي مستانسة متوقعة ان تكون مريم وتكون معاها ريماس بس للاسف كانت بس مريم ، لمن ردت على مريم مستغربة ان صوت مريم كان غريب قالت مريم " حنان ريماس تبي تكلمج " ( ملاحظة : اول مرة تكلمها ريماس ) ، وعلى حسب علم حنان ان ريماس فاستانست ان راح تكلمها بس استغربت من صوت غريب واول مرة تسمعه وكان هالصوت صوت اخت ريماس الكبيرة ! تفاجأت حنان بس ردت عليها السلام بكل احترام وثقه ، وكان اسم اخت ريماس الكبيرة سارة وكان عمرها تقريباً 23 سنة ، اشرحت سارة بكل ادب وتفاهم حق حنان انها ما تشجع فكرة بنت تحب بنت وبينت لها ان الاعجاب لازم يكون من ولد لي بنت مو من بنت لي بنت ، حنان تقبلت الوضع و وافقت على كل شروط سارة واولهم كان ( الابتعاد عن ريماس ) وهني حست ان معرفة ام حنان لأم ريماس ممكن تأثر وسببت خوف حق حنان لان مابغت تخرب علاقة قوية بين امها وام ريماس ، طبعاً بعد المكالمة حنان تعبت حيل وبجت وهني لاحظت انها مو ( معجبة ) في ريماس لاحظت انها ( تحب ! ) ريماس ، مشاعرها تجاهها كانت قوية رغم ان البنت ما تحبها وما بينت اي شي للحب تجاهها ولا عاطفه ، في اليوم الثاني من المدرسة نفذت اوامر اخت ريماس ( سارة ) وابتعدت عن ريماس لكن لاحظت انها وين ما تروح تشوفها ، وكانت تلاحظ على ريماس انها مستغربة من بعادها بس كان في بال حنان ان هذه رغبة ريماس ، لانها ازعجتها بالاقوال العلنية ، تأثرث ريماس في بعاد حنان وتأثرت وانصدمت حنان من اتصال اخت ريماس فاحتارت...، بس ما قدرت تبعد من ريماس اكثر من جذي ما همها فردت اتابع ريماس وحطت في بالها ان - الحب لاهو حرام ولاهو عيب - وكملت الـ 4 اشهر لي شهر الفاينل اللي اهو شهر 6 كان بالنسبه للمتوسط كانت تنطرها بكل هدا عشان تكلمها بس ما كانت تشوفها كانت ريماس تستحي ، كانت حنان تبي تعرف اذا ريماس تبيها او لا لان حست انها صارت مصدر ازعاج لها فما كانت تبي تزعجها اكثر من جذي فسألت ريماس اذا كانت تبيها وكان جوابها اي ، على اخر يوم من ايام المدرسة كانت امنية حنان وريماس انهم يلمون بعض بس للاسف كان خجل ريماس عائق حق هالشغلة فابتعدت عنها حنان بكل عصبية وخلصت المدارس وكل واحد رد بيته ، و اول ما ردت حنان شبكت على المسن مسنجر وبعدها شبكت ريماس وقعدوا يسولفون واعتذرت حنان على عصبيتها وسألت حنان شنو كان ودها يصير بهذا اليوم فقالت ان كان ودها ان حنان تلمها بس ماصار هالشي لسوء حظهم ، وظلوا يكلمون بعض لمدة كل هالاشهر ( العطلة الصيفية ) وحنان ما سافرت بسبب الحب ، والحين صاروا عاشقين ومغرمين ابعض ( طبعا كل هذا بدون معرفة اخت سارة بالموضوع ) ، والحين العائق الوحيد عندهم اهو بنت خالة ريماس واخت ريماس ، اما بالنسبة حق حنان مشكلتها الوحيدة هي امها ههههههههههههه الامهات مشكلة مساكين ، عقب كل هالفترة ما لموا بعض الا بعيد ميلاد ريماس لمن اهدتها حنان عقد لولو ثمين بس بالنسبه حق حنان ان مهما يكون غالي ما يساوي غلا ريماس بالنسبه لها ، وللأسف من شده التأثير بجت ريماس على جتف حنان وحست بالراحه ، وكان بالنسبة للأثنين احلى يوم بحياتهم ، ولي يومكم مع بعض ومغرمييين بمعنننننننى الكلمة .
والله عاد الصراحةً بالنسبة لي ماكو احلى من هالحياة المهم انك تحب وتكون مع اللي تحبه
12-26-2009
حب البنات 
المواضيع المتشابهه 
-الدورات
التدريبية بجامعة نجران-
العرض العادي
