يا زمان العجايب وش بعـد مـا ظهـر=كـل مـا قلـت هانـت جـد عـلـمٍ جـديـد
إن حكيـنـا ندمـنـا وإن سكـتـنـا قـهــر=بيـن قلـبٍ عطيـب وبيـن راس عنـيـد
لـو تفيـد المـدامـع كــان أسـيّـل نـهـر=ميـر كثـر التوجّـد والـدمـع مــا يفـيـد

اصبـر ايـام واشهـر واتصـبـرّ دهــر=وان حصلّ لي مناتي جيت لوني بعيد
ارجـي الله واراقـب كـل طالـع شـهـر=يجلـي الهـم عنـي أو عسـى مـا يزيـد
يا غزالٍ فضـوح الزّيـن عنـه أشتهـر=في عيوني ملاك ووسـط قلبـي وحيـد

مخطـي اللـي يشبّـه وجنتـك بالـزهـر=الزهر مـا لـه رمـاحٍ تصيـب وتصيـد
لو جحـدت المحبـة سقـم حالـي جهـر=ميـر مـا كـل قلـبٍ ياصـل اللـي يريـد