جنـون الحُـب


يابحور الشعر خطّي قصة الحب الجديده ............. وانطقي منظوم حرفي بعد طول الانتظار

سطّري أحلى حكايه في حبيبٍ كنت أريده ............ عاشقٍ مخلص ووافي وفي محبته افتخار

بنت عِز وأصل ثابت .. كل مزاياها فريده ............ دلوعةٍ ماأحلى شَعرها .. الحرير اِمنه يغار

ان تبسم ثغرها ذابـت قـلوبٍ ركـيـده ............ وعيونها ماسه ثمينه حولـت ليـلي نهـار

ليتني ساكن قربها وتقصر مسافه بعيده ............ فرحتي تكبر وتكمل .. آه ياحسن الجوار

كيف أوصف حالتي؟! كل أفكاري شريده ............ اسلبت عقلي وقلبي وعيشتني في انبهار

حرت أوصفها بحروفي هذا شيئ ٍ ماأجيده ............ قدام هالطله البهيه .. كل كلماتي صغار

مرات أحسها طيبه وامرار في حبها عنيده ........... لو اجيـها من يمينٍ تبتعد عني يسـار

الله يازينه حسنـها والدلـع فوقه يزيـده ........... ياتغليـها وزعلها وفتحها باب الشِجار

لأجل أراضيها وأضمها وداخل فؤادي أعيده ......... لأجل يحس انه ملكني بكل حسنٍ واقتدار

ان نـطقت بحـبها كـلمتي صدقٍ أكيده ............ وان قلت انّي أبيها .. هذا هُو أصلا قرار

ماأغيـر كلمـتي .. ثـابته مثل العقيـده ........... هل يجوز أنكث بوعدي؟! أو أبدّله المسار؟!

جننتني في هواها .. هالجنون والله أريده ............ دامني ساكن قلبها .. في جنوني انتصار

تقبلوا احترامي لكم
ابوفارس

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي