 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
12-29-2009
| ||||
| ||||
 الأخيــره ‘ ؛  شيخة الحور وقمرهن بيضهن واحلى سمرهن واجمل اجمل من عرفت من العذارى واكمل اكمل من مشت بين العذارى والمحال الممكن والصعب والسهل البعيد اللي وصل وشهقة الشعر وزفيره والاخيره ؛ ريحيــني من ابو زيد الهلالي والملوح قيــس اقلبي التاريخ في عيوني تعالي واشرقي بلقيس . وامنحيني في الشهر حصة غرام درسيني في مجازات الكلام علميــني الفرق بين المبتدا.. وبين الختام عافوا الطلاب جهلي ، وفكري المسكون حيره وعفت انا التدريس والحصة الاخيره . كل مهنة غير حبك يابعد عمري سخيفة اتركيني فيك اهيّم واتركي نبضي بكيفه . رزقتي شوفة عيونك والهيام اروع وظيفة !! لاتلفيني بسكوت، ولاتذليني بصمتك غردي يا لعنبوها خفقة ماصهللت لك انحرى رقاب الاماني والظنون صبّحي عيد الجنون .. وفجري بين العواذل حسرة تعمي العيون . خبريهم من تكوني ..خبريهم من اكون ولاتهابين السيوف اللي من الغيره مغيره دام باقي للامل فرصة اخيرة كنك المنوة هملتي في مرابيع ٍ خلية. بك تجدد روضي الذابل ، وشال السامرية ان طلبتك حلم صرتي .. وان بغيتك واقعية. بالصحاري ريم عفرا وبالشواطي ساحليه . عشتك بكل الحضاره ،وكل ذيك الجاهليه في ليالي الصخب كنتي، وباليالي الشاعرية . يابنيه.. يافضا العاشق وطيره مانسيتك واذكر القصة الاخيره ازعلي مااقول حدّك سافري في كل وقت لديرة عنادك وصدك مزقيني انزفيني عاتبيني من يحدك ؟ اه يازين العتب لامن تحدر فوق خدك !! واه ياحلو الرضى عقب اشتعالك وشّدك لولا لحظات التغلي ، والتظلم ، والظليمه ماعرفتك باالتجلي ولاغدى للانس قيمة ولولا ذلك يالظما ذيك الظهيرة .. ماعرفنا قدرها .. القطرة الأخيرة . في مساحاتك يضيع الهم يرتاع برحَبها كنه جبال الجليد، وكنك الشمس ولهبها تزرعي شكواي ،واطلع غنوة يصدح طربها تمنحي ظلماي صافي نورك الاسنى والابهى تأخذيني طفلك المطلي شقاوه تغسليني بالدموع وتمسحيني بالتلاوه وتبهجي حزن السريره وابتسم لك .. وأعزف الآه الأخيرة . اعذريني لو بخلت احيان واحيان بكلامي لهفتي لك ياغرامي دوم تسرقني كلامي ومسمعي من ثرثرة شوقي يغار ومن لساني لاتغزل بك يغار وداخلي ديره وشيبان ٍقدامى ودهم بالاختصار ..! والحكي ريح ومراكب لليتامى ولا على ارضي بحار ..! والمعاني لص بين الناس بارع والحرس في كل شارع وابتهالتي كثيرة ارتجلها .. بس في اللحظة الاخيرة من شمال اقبلت اسابق في طموحي احسب الدنيا طموحي احسب القصوى طموحي لين جيتي وابتدا فعلاً طموحي . انغرستي بين مااشوفه وشوفي وبين رغباتي وعزوفي وبين جثماني وروحي . كنك بصوتي الحروف الابجدية والملامح والهوية والتعابير الصغيرة و العشيره صدقيني .. انتي اول من عشقت من النسا وانتي الاخيرة كل انثى غيرك بعيني سراب وكل منفى غيرك إجحاف وعذاب وكل حب غير حبك سفسطة وكل درب غير دربك مرمطة وكل طير ماشدى باسمك كذوب وكل فجر مااشرق برسمك شحوب وكل شاعر ماقصد لاجلك لعوب وكل عين ماقرت حسنك ضريره سيرتك اغلى كتاب .. وبيدي الطبعة الاخيرة صورتك، في كل صبح لي جريده وهجها اسرار واشعار ونشيده ورحلة فوق السحاب وسلة ورود جديدة . ياملاك جاوز ادراك البشر من سقى الضي القمر ومن عطى اللحن الوتر ومن ملا وحشة حياتي وعطر انفاس الزهر؟ ومن نثر فيني فصوله ولمني بين الطفوله والرجولة غير طيفك لادنت حزّة وصوله .. بالمواعيد الأخيرة . ماعرفت اني ظلالك قبل اعْرفك مابقت فيني خليه ماتعرفك ابتهاجاتي تعرفك انفعالاتي تعرفك انكساراتي وذاتي واتجاهاتي تعرفك . ساعتي ..عطري ..مفاتيحي.. وحاجاتي تعرفك وكل من كان وعرفت، وصار يعرفني يعرفك ومن سمع عني قصيده لو قصيره ومن سمع اول قصيده ومن سمع هذي الاخيره طال عمرك أو قصر .. ماهمني مادمت أنا عمرك مادمت أنا أمرك مادام قلبي لك مكان .. مادام نبضي لك زمان .. مادام شعري جلستك .. ودلالك .. وتمرك .. ومادمتي في عرشي الأميرة .. كل عام وانتي بخير وكل عام وانتي الاخيرة. الدكتور صالح الشادي ، |
|
#2
12-29-2009
| ||||
| ||||
| رد: الأخيــره ‘ أولآ: مــســاء الورد.. ثانــيآ: لكـ وحشه اخوي سهم .. ثالثا : روعة الكلمات طغت على معاني الاحاسيس بجد راقت لي كثير الله يعطيك الف عاافيه / والله مره مبسوطه اني اكون أول رد ع طرحكـ الراقي .. / دمتم بحفظ الله .. |
|
#3
12-30-2009
| ||||
| ||||
هلا والله اخوي سهم اهم شي لاتطول علينا :)  جلكسي ردت قبلي / ماعرفت اني ظلالك قبل اعْرفك مابقت فيني خليه ماتعرفك ابتهاجاتي تعرفك انفعالاتي تعرفك انكساراتي وذاتي واتجاهاتي تعرفك . ساعتي ..عطري ..مفاتيحي.. وحاجاتي تعرفك وكل من كان وعرفت، وصار يعرفني يعرفك ومن سمع عني قصيده لو قصيره ومن سمع اول قصيده ومن سمع هذي الاخيره اخوي سهم كالعاده لا جديد . . تأتي لنا بقصيده تسحرنا بكلماتها وتأسرنا معانيها وتجعلنا في لهفة وشوق دائم وتطلع الى جديدك القادم بكل مشاعر الاخوه تقبل مروري
_________________
|
|
#4
12-30-2009
| ||||
| ||||
 جميل ‘ صباح الشعر يالذّة السكّر يروقني هدوئك ويبهرني حضورك وذوقك يقفز بي نحو حديقة الورود البيضاء متألق ياسهم اقتباس:
اقتباس:
شكرا لك وشكرا لذوقك وشكرا لكي شيء تكون انت أحد عناصره  وصح لسان الدكتور الشاعر/ صالح الشادي
_________________ . . |
|
#5
12-31-2009
| ||||
| ||||
| رد: الأخيــره ‘ اقتباس:
أهلا بـ / الجالكسي أنثى كرقة الورد  حضرت فـ / أشرق المكان كل الشكر لمرورك المتميز والشرف لي كونك اول من رد دمتي / بحب وسعاده . . |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
