ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

دلوعه ابوها والناس عاتبوها · #1 01-14-2010

شاب فقير خطب بنت عمه المليونير

وزاد عمه في طلباته عليه فقال قصيدة

1- سبحان من يرزق بتوع الملاييـن

الرازق اللي ما يخيب الرجـا بـه-

2- لي عم عنده معـرضٍ للصواليـن

أموت واعرف بس من وين جابـه -

3- وإذا سألته قـال بعـت الدكاكيـن

ما يدري إني ما هضمت الإجابـه -

4- الشاهد إني رحت له قبـل يوميـن

في قصره العامـر ودقيـت بابـه -

5- قال ارحب ارحب عدّ ورد البساتين

يا مرحبا باللـي لفـا يـا هلابـه -

6- قلت البقا عـدّ النفـل والرياحيـن

يا شيخ شمل اهل الكرم والذرابـه-

7- قال اسلم الله يحفظك لي من العين

وآمر أوامر حضرتـك مستجابـه -

8- قلت الصراحة طالبٍ قرب غاليـن

ودي تزوجنـي كريمتـك يـابـه-

9- ثنّى وقال اهليـن والله وسهليـن

والكون ترخص لجل عينك رقابـه -

10- لكن ترا عندي شـروط وقوانيـن

قلت اشرط اشرط يا حبيب الغلابـه -

11- قال أولاً مهر العروسـة ثمانيـن

غير الرسوم وغير حق العصابـه -

12- والثانية عمك يبي منـك سبعيـن

رسم الأبـوّة والنسـب والقرابـه-

13- وام العروسة حقها منـك ستيـن

عشانها ست الحسـن والمهابـه -

14- واخوانها كلن يبي منـك خمسيـن

عداً ونقـداً تنـدرج فـي حسابـه-

15- وخواتها الخمس اعطهن من ثلاثين

عشان تتوثـق عـروق النسابـه -

16- وتجيب طقم عيار واحد وعشريـن

وخاتم من الماس المصفى ترابـه-

17- واكياس متروسة كعوب وفساتيـن

ألوانهـا واشكالهـا مـا تشابـه -

18- وموتر بسواقـه وفيـلا بدوريـن

أثاثهـا مـن بطرتـه ينحكـابـه -

19- واحجز لنا قاعة بقصر السلاطيـن

واحجز بهـا رقاصتيـن وربابـه -

20- وامنع دخول اهل اللحى والبزارين

واعزم أميـر المنطقـة بالنيابـه -

21- هذي الشروط اللي على بالي الحين

وذكرني اللي ما حسبنـا حسابـه -

22- قلت اذكر الله يا عـدو المساكيـن

واستغفـره لا يبتلـيـك بعـذابـه -

23- الظاهر إنك منت عارف أنا ميـن

أنا لو ارقا فـوق متـن السحابـه -

24- ما جبت حتى نص درزن مواعيـن

واضحك بكيفك واعتبرهـا دعابـه-

25- شروطكم هذي شـروط المجانيـن

شروطكم شغـل ابتـزاز ونهابـه -

26- شروطكم تقصم ظهـور البعاريـن

شروطكـم همّـن وغـم وكآبـه -

27- شروطكم والله سيوف وسكاكيـن

تذبح بنات المجتمع مـع شبابـه -

28- وين الرضا والعطف واليسر واللين

اللي ذكرهـا الله بمحكـم كتابـه-

29- وين الصفات اللي أمرنا بها الديـن

وين اختفى نهج النبي والصحابـه -

30- يا عم جعل اللي خلقنا من الطيـن

يرد عقلك مـن خطـاه لصوابـه -

31- ويجعل نصيبي عند غيرك قل آمين

ويحسن عزا الصابر ويجزل ثوابه -

32- قال انت لو فكرت تفكير صاحيـن

ما شفت في مجمل شروطي غرابه -

33- حنا بعصـر العولمـة والمزاييـن

ماهوب عصر الفلسفة والخطابـه -

34- الناس تسعى للرتـب والنياشيـن

وانت اهتمامك بالشعـر والكتابـه-

35- والشعر ما ينفعك لو هو دواويـن

ما دام جيبك مثـل بيـت الخرابـه -

36- يا بوك لا تسمع كلام المصاخيـن

واسأل مجرب عاش في وسط غابه -

37- قلت الله اكبر يا محـرر فلسطيـن

من يسمعك يحسبك ذيـب الذيابـه-

38- تراك شايب راس مالـك رياليـن

والبنت ما تسوى جنـاح الذبابـه -

39- قال انقلع مالت على وجهك الشين

لا عاد اشوفـك عندنـا يالزلابـه -

40- قلت ابشر ابشر لكن الباب من وين

ووقفت من عنده على صوت بابـه-

ـــب بنـــــــــــــــــــــت عمـــــــــــــــــــــــه

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

دلوعه ابوها والناس عاتبوها · #2 01-14-2010

ياالظالمين 541 مشاهد وولا رد

دلوعه ابوها والناس عاتبوها · #3 01-14-2010

ادري مواظيعي ماتعجبكم اوك معد راح اطلب ردود لانكم انحشتو

عندليب مدرسة المشاغبين · #4 01-18-2010

أفا عليك دلوعة الحسن والذوق واللين ::: مرحبا باللي نزل الموضوع وكله مهابه

يشرفني أول رد لموضوعك الزين ::: يا ليت تقبلي صداقتي وتقولي هلا به

تقبلي مروري

حـزيـن الــشــمــال · #5 04-18-2010

اسمح لي ابدي اعجابي بقلمك وتميزك واسلوبك الراقي وتالقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
جدول مباريات الاهلي في مسابقة كأس الأمير فيصل بن فهد + نظام البطولة	حسين الرحيلي	نادي الاهلي السعودي - القلعة	6	08-28-2010 10:57 AM
اجمل نكت على الاغبياء...	ساهر الحزين11	ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه	6	02-18-2010 06:07 PM
نكت	جمس الهيئية	ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه	0	01-11-2010 06:30 AM
نادي النصر العالمي عشق لن ينتهي	قلب حبيبته	نادي النصر السعودي - العالمي	13	12-09-2009 08:47 AM
101 نكته تموت ضحك	砂の我愛羅	ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه	2	12-01-2009 01:28 AM