سلام عليكم ,,

قررت اني اكتب تجربتي بالحياة ,, ويعلم الله ان هدفي منها افادة الجميع ,,

طبعا بكون صريح مرره وراح تنصدموا من بعض الكلام لكن كل اللي بكتبه صار وانتهى ,,

البداية ,,

من بداية ما استرجع ذاكرتي اول شيء اذكره كم كنت اعاني ايام المرحلة الابتدائية من تحرش الشباب لي ,, اول درس بحياتي اخذته اني ما اثق بأقرب الناس لي ,, تجاوزنا المرحلة الابتدائية ودخلنا المتوسطة ,, ما اذكر اني يوم رجعت البيت من المدرسة بدوون ما يصير مضاربة ,, كنت كل اسبوع افصل ثوب لان الثوب يا يتشقق او يصير لونة احمر من الدم واخاف اوريه اهلي ,, كنت اعيش بخوف بصورة خيالية كل ليله عرف ان اليوم اللي بيجي راح يصير مشاكل ,,, بتسألوا عن السبب ,, بجاوب ,,, كان الكل يتمحرش فيني حتى اساتذتي بالمدرسة وبعض الناس تتمادى وتوصل لمرحلة الطعن ,, بتسألوا وين اهلي ؟ ما كنت اقدر اقول اني تضاربت اليوم مع واحد لانه شافني حلو وتمحرش فيني ,لاني بطيح من عين القريب قبل البعيد ,,
كنت ادعي ربي كل يوم ان يصير لي حادث وينعدم وجهي اصير ابشع انسان ,, ماكنت ابي احد الاحظ يدمعتي ,,, لهالمرحلة كان اكبر همي اني اشلون احافظ على نفسي ,,, كانت اتسامتي تنفهم بالعكس ,, ووالله اذكر انه صار في بعض الاساتذة الجرئة انه يتمحرش في امام طلاب الصف بدون ما يشيل هم احد ,, كل هالكلام بالسنة الاولى من المتوسطة ,, انتقلنا للسنة الثانية وتغيرت كل حياتي ,, جاء انسان من برى المنطقة مع اخته لانها صارت تدرّس بنفس منطقتنا وهو جاء معها ,, اول انسان اثق فيه علمني اشلون اواجه مخاوفي واشلون اني ما اسامح وخصوصا بمثل موقفي ,, كوّنا قروب انا وهو بالبداية بعدين صار عددنا كبير صرنا نجتمع بكثرة لحد ما سيطرنا ع المدرسة بكل شيء ,, كانت المخدرات تباع بالصف ! ايه مخدرات حشيش وحبوب ,, كبرنا نشاطنا لخارج صرنا نماشي ناس اعمارهم كبيره ومدمنين ووو لسبب واحد ,, السيطرة ,,, مرة سنة ودخلنا ثالث متوسط ,, الكل بستغرب طلاب بالمتوسطة يسووا هالشيء !! الدنيا اجبرتنا نسو هالشيء ,, اخر سنة من المتوسطة سميتها سنة الانتقام ,, فكرت انتقم من كل انسان تمحرش فيني وانا صغير كل انسان فكر يأذيني ,,, ياما انتقمنا من ناس كانت تسيء (الزمن دار) ,, استمرينا ع هالحالة فترة لحد ما تغير نشاطنا وصار هدفنا البنات ,, وش نبي من البنات ؟ والله ما عرفت الاجابة الا قريب ,,
ما كان هدفنا الجنس ... او مافكرنا بهالشيء لسبب واحد ,, ممكن تدور الايام ونصير حنا الضحية,,
والله اذكر انا كنا بمرحلة مافي بنت ثانوية او جامعة او مدرسة بنفس المنطقة اللي انا فيها وكانت سيئة وما اعرفها ,,, كل الشقق كان لنا علاقات معهم اذا لاحظوا اي شيء يخبرونا وبمدارس البنات لنا علاقات ببالبنات بكل شيء يخبروونا ,,
القروب بدأ يتففك لان صرنا مراقبين وناس كثير راحت الاحداث (سجن القصر) .. وبدأت ناس تفكر تنتقم منا وبالفعل انتقمت ,, تنومت بالعناية اسبوعين تعرضت لاطلاق نار مرتين ,, جسمي من كل مكان اثار طعن ,, قرر ابوي ينقلنا من المنطقة اللي كنا فيها والحمد لله تغيرت الحياة مرة ثانية ,,,
الثانوية مرت 3 سنوات بدون اي شيء يذكر كانت المنطقة نادرا ما يصير فيها مشاكل وانا ما صدقت جت الفرصة انسى اللي صار ,,,
كنت اعشق شيء اسمه بنت ,,, ما اذكر بنت بنفس الحي ما كلمتها ,, بس كلام كنا ع نياتنا يومين واسحب واشوف غيرها يعني تسليه ,, مرة السنة والسنة لحد ما وصلنا لاخر سنة بالثانوية ,, بهالسنة طلعت اول بنت معي والهيئة كانت بالمرصاد بس عدّت خير للحين كانت نوايانا نظيفة بعيدة عن الجنس ,,, تعرفت ع بنت كانت ذكية حيل وتعلقت فيها مرره ووقفت هالهبال حاولت اكون الحبيب المخلص لحد ما ابوها كفشها وهي تكلمني (ابوها امام مسجد) وشال عنها الجوال وانقطعت اخبارها ,, تأثرت كثير وقتها لان حبيتها من كل قلبي ,,,
انتقلنا للجامعة ,, وكانت هالمرحلة بحياتي عبارة عن ترفيه ,,, نادرا ما اداوم بالجامعة ..
تعرفت على بنات كثير لان كنت ابي انسى اللي حبيت ولا قدرت ولا مرة حتى اني صرت انام عندهم ولا في فايدة ,, تزوجت مسيار مرتين وتندمت كثييييييييييير ,,,, ما كنت اخذ شيء بحياتي بشكل جدي ,,, المرة الثانية اللي تزوجت فيها مسيار الشيخ لعب علي حط المهر مؤخر في حالة الطلاق 300 الف ,,, وما دريت الا بعدين مع انها كانت تكبرني اكثر من 13 سنة ومممكن اكثر ... كانت انسانة ذكية وقد المسؤلية وكانت من مدينة مختلفة وكنت كل ما ابي اصارحها بالطلاق اخاف عليها ,,, انتهت هالسالفة بخير ,, ما كان عندي هدف بالحياة غير اني اسافر كل ما قدرت ,,, طبعا نسيت اذكر شيء بدايتي الفعلية بالنت كانت لما انقطعت عن البنت اللي حبيتها حتى اذكر وقتها اني كنت مسوي لامي ازعاج يمه ابي اتزوج ابي اتزوج ,,,

تعرفت مرة ع بنت كتحدي مع احد الشباب وفزت بالتحدي لكن خسرت البنت كانت يتيمة وماكان تمر مكالمة بدون ما تبكي من قلبها ,,, فاقدة كل شيء حلو ,, انا كل ما اكلمها دموعي تنزل واصير حزين لحد جت مرة وانا عند اقاربي بمدينة ثانية ودقت وكانت تبكي وقلت لها : خلاص مو كل مرة ولا مرة خليتيني اضحك او سويتي لي شيء حلو بس تحزنيني , اصلا انا ما عمري قلت لك احبك انتي اللي افترضتي هالشي وكنت ابي اساعدك وخلاص ماعاد فيني حيل اساعد احد مو قادر اساعد نفسي ولا هنتي لا عاد تدقي الا اذا احتجتي شيء ,, وقفلت السماعة واليوم الثاني وصلني انها انتحرت بحبوب ,,, جلست اسابيع ما اكل غير اشرب تمنيت الموت وقتها لحد ما قدرت انساها وعاهدت الله اني ماعاد اكلم بنت ,,
نادرا ماصرت اطلع من البيت لحد ماصرت احس ان اهلي خايفين علي ومسبب لهم قلق وحاولت اغير من نفسي ,,

سويت مجموعة كبيرة من المواقع وتعلقت بالنت كثير , مرة جا في بالي اسو موقع( حل مشاكل اسرية الخ) ,, وتم تنفيذ الفكرة وبعد 14 يوم قفلناه ,,, كل الحالات تم حل مشاكلها ولله الحمد لكن مشكلتي انا بدت تكبر ماصرت اشوف اي هدف بالحياة ... من هالموقع كانت فيه بنت عندها مشكله وانها حاولت تنتحر كذا مرة استمرت تكلمني برى الموقع لحد ما تعلقت وكنت خايف من هالشيء وكان تفكيرها غير عنا عندها الانتحار شيء سهل زي ما كنها تعاقب نفسها بشيء عادي ,,, صارحتها والا اخوها الكبير يدق علي اليوم الثاني لاني كنت اكلمه واقله عن حالة اخته من وقت ما قدمت طلب استشارة ع الموقع وقلي انها انتحرت امس اخر اليل ..... قفلت الجوال ورحت سريع اشغل نفسي باي شيء مابي افكر بالموضوع وركبت السيارة ومع السرعة والتفكير سويت حادث وكم قلبة اخذتها ,, كل ما اتقدم بحياتي ارد لنقطة البداية ,,,
وبكذا انتهيت والله يرحم موتانا من المسلمين ,,



في تشتت كثير بالكتابة واتوقع صعب الواحد يفهم او يستنتج الاهداف ,, لكن هنا بختصرها /
::::::::::


البنت السهلة دائما ما تكون علاقتها مع امها سيئة !
كل البنات اللي عرفتهم كانت علاقتهم مع امهم سيئة !
البنت محتاجة تسمع وتحس بالاشياء الحلوة ولو ما جت من الداخل بتبحث عنها بالخارج ! يعني اللي بيكون قاسي مع بناته وعيالة يعرف انه سبب اي انحراف بيصير !
مهما كانت البنت متدينة وملتزمة تكون سهلة اذا ما كانت متشبعة من الداخل , طبعا اقصد حنان اهلها والكلام الحلو !!(من تجربة شخصية) ..
لا تغركم المظاهر ابد ولا كل من تبسم لك نواياه صافية ,
......................


اللهم اغفر لي ذنبي ,, اللهم اغفر لي ذنبي ,,

الموضوع تو كتبته , الساعة 5:40 صباحا .. 14 /1/20010 م
شاكر لكم ع حسن المتابعة ,,

منتديات مدرسة المشاغبين - حواء النسائي الربايع و الستات للبنات نسائي حريمي بنوتات امومه طفوله فقط

إرعصوا هوون ...}