مشاركة من الليدي عمشاء



يوم في حياة طقاقة ......



ماذا تشرب الطقاقة؟؟



متى تنام؟؟


كيف توفق بين عملها ومنزلها ؟؟


هل أصابعها أكثر من خمسه؟؟


العلاقة التي تربط اللي " تضرب الطيران " بشركة بنادول العالمية؟؟


لماذا لا تأخذ الطقاقة مكانتها الفنية التي تستحقها<< قولوا إيه بس


لماذا كل اللي يغنن مع الطقاقات طاقهن السلاّل؟؟هل هو سوء تغذية أو أجسامهن تحرق الأكل أسرع من البنات العاديات بحكم إنهن جنب " الدوافير" كل الليل؟؟


ليش كلهن بهن " بحّه " تحسسك إن هناك شنب تحت البرقع؟؟


والسؤال الأكثر أهمية لماذا توقف الطقاقة وتستنزل إذا رقصت بنت مزيونه؟؟


كل هالأسئلة طرحناها على الطقاقة الأكثر شعبية بعد أحداث 11 نوفمبر<< نغير شوي عن ديسمبر ..أحس إنها ملغت عاد


أحـس أنه ملغه الدبوج 11 ديســنبر
مب لازم أمـون


الطقاقة هي..


هي..


هي..


هي..


هي..


أموووت على الإثارة والتشويق


هي ...... جاكلين سعد جمعة بس تراها ماتقرب لسعد ولا تمت له بصله" بس تشابه عروق


أهلا وسهلا بطقاقتنا..


لو سمحتي أنا فنانة ..وأرفض مسمى .. طقاقة .. بأي شكل من الأشكال ..لما فيه من إقلال لمكانتنا ووظيفتنا


طيب يافنانتنا تاكلين سعد


لو سمحتييي ..جاكلين سعد مهوب تاكلين سعد..وش أبيبه آكله..من زينه هو ولحمه المحرق


ترفقي يالشحمه .كلكم من ؛قِدرن ؛واحد


أنا أنسحب ..من المقابله خلاص


صحيح ما تنتحارشون...خلاص ياجاكلين الشحمه


أولاً حبيت أسئلك أنتي تبع أي فرقه؟؟


أنا تبع فرقة ياساري سرى الليل


أووو هووووو ...هذي فرقة ماقد سمعتبه<< <<أبد ماحطمته


كيف يعني ماسمعتيبها... والله غريبه...مع إنا أشتهرنا تقريبا ليس فقط قطريا(بيرق قطـر) بل خليجياً << على جثتي


طاايب .. أختنا عسووله عندها رغبة تكون طقاقه ..أيش تنصحينها فيه في البداية قبل الإحتراف؟؟


أنصحها طبعا تركب سن ذهب << علامة الجودة ..وأيضاً تحاول كل مامرّ من عندها أحد أخوانها إنّها تضربه على شان تعوّد أصابعها على الإحماء ... وتزرع في البيت حتى لو كان الأمر مايستوجب..على شان الأحبال الصوتية ماتستنكر بعدين " سمعتي عسوووله


طيب .. سمعنا من أحط مصادرنا أن هناك خلاف دبّ الهيش<< ..بينكي وبين عبدالمجيد عبد الله ..يتهم فيه الطقاقات إنهن مستقعداتن لأغانية ..هل هااظ صحيح أم صحيح؟؟


هو مهوب صحيح ميه بالميه لكن هو فعلا صحيح ..بس الواجب هااظ الشي يبسط عبدالمجيد إن البنات يتمايلن على أغانية هو وخشمه << ماتعرف ولا تجمع الهرج


طاايب ماتحسين إن هذا مو مبرر على شان تسرقون أغانية عيني عينك


وليش تسمونها سرقة...هذا إسمه إقتباس ومحاكاة وهذا غير اللطش طبعا


بس هو لطش للكلمات واللحن؟


هو صح نفس الكلمات ونفس اللحن بس مهوب نفس الصوت ...إذن مايسمى لطش<< يامحجرلهم


أفحمتينا بسراحة ..إذن نقول لعبدالمجيد ومن هذا الموزوع. .على تبن.. الطقاقات بريئاات من هالتهمه ..والعب بعيد يابابا وإلا ركب سن ذهب ونشيلك على روسنا


خارج المقابلة المخرج يطلب من الطقاقة كصدنا الفنانة إنها تصك فمّها لأن سنّ الذهب يسطع بالكميرا ..والفنانة زعلت وفصخت الطقم كله وصمخت به المخرج..والمخرج أوصيب بإرتجاج خفيف على المعده"


نرجع لأسئلة المشاهدين..وهاااظ حسيننوووه الشري يقول بالله ماألقى عندكم وظيفة؟؟ لو أشيل الطيران ميخالف؟


والله حنا مستاجرين واحد يقاله القطع يودينا للحفلات ويجيبنا..بس ودنا نغيره لأن موتره رجّ روسنا مهـيهب جمس صـغيرون..فـ إذا الأخ حسينوه وسيم وطويل وموتره ماهـوب قطع عشـره يراسلنا على الإيميل اللي...لحظة أنا جايبته معي بالشنطة لحظه





ودي اسأل سؤال في تسبدي من زمان ... أيش مأهلك العلمي ؟؟


وضحي مافهمت وش تقصدين؟؟


يعني أنتي دارسه إلى وين؟؟


إلى ثاني متوسط وبعدين فصلتني أمي على شان أكمل مشوارها الفني


طيب ليش خلتس تدرسين من البداية مدامها تبي تفصلتس ؟؟


على شان أعرف أحسب وأطرح وأجمع


وهذي رجـــه تقول..أنتم تنومون مثلنا ؟؟؟وليش كل الطقاقات طاقهن السلآل


والله بالنسبة للنوم فـ حنا زي العصافير ..مايمدينا نغمض إلا حنا مغمضين<< ونقوم إذا شبعنا ..ولازم نحط تحت روسنا وسايد...بس كله بأجره ..هذي وظيفتنا ولازم نستحمل...وبالنسبة لقولتها طاقهن السلآل ..فـ أتوقع الموضه الآن تحتم علينا هالسلاّل قصدي النحافة ,,,وبعدين غمارة الددسن ماتكفينا ..فـ لازم ننحف


معنا المتابع النبيه والدائم لبرامج سعة الصدر الأخ رد مد يقول....هالحين الإجازة صدز خلصت وإلا إشاعه؟؟


نتجاوز هالسؤال<< الله يقطعك يالمهف


في ختام هالمقابلة الزيرانية والرائعة ..نحب نطلب من فنانتنا إنها تغني لنا أحب وأقرب الأغاني إلى نفسا


والله كل الأغاني بمثابت عيالي..ومثلكم عارفين الأم ماتفرق بين عيالها << قاريه مقابلة أحلام قبل ماتجي


حبيت أقول قبل ماتصكون المقابله..ترانا نبي بنات معنا بالفرقة..فـ اللي تشوف في نفسها الرغبة ترسلنا على هالإيميل...لحظه ...أنا حاطته بالشنطة...لحظة









تراي حلمت حـلم .. عقب قيلوله .. بعد تناول إفطاري .. غبيبه من عشــــا البارح ؟؟
بعـد الحلم .. قالت له أمه .. جـر يالهيس الأربـد؟



يعاني الشباب السعودي خاصة والباكستاني عامة من اثر المتغيرات في اساليب حياتهم


مما ينتج عنه حاله من تمازج الثقافات البشرية فيلجأ الهنود الى ممارسة لعبة الكريكيت < - - -


تعرفون الواحد الا منه بلغ (اقولها وانا مستحي واعيباه) يبى يجيه حارش مارش يعرفونها


هالحارش المارش يبدى يخليك بعض المرات تاكل خبز بدون جبن (خخخخخخ) وهذا اللي حصل لي


يوم وصلت 25 سنة وبدت بوادر البلوغ علي بلوغ فيل ماهوب ادمي))من اثار البلوغ اللي اتكلم عنها مثل انك تقلب قلبتين قبل تطب بالمسبح وانك تروح لجدة الحالك وتركب مع راعي تكسي بكل ثقة < - - لاتواخذونه هذا مفهوم البلوغ عنده .. إخسسس ياقـوي


المهم ما اطول عليكم تصادف بلوغي مع ان الوالد الله يغفر له ويطول بعمرة !!عدوها عشاني)) جاب شغالة اندونيسيه فيها سحبة عين ولا اطلق بخارية يعني كل عينها سحبة والا ماهناش عين


والخشم اللهم ياكافي كنه مجلسنا 4في6 وعليها جبهة ياشيخ ان ياخذها السعيدان ويوزعها مخطط واغرب شيء ان ماعندك مشكلة بالطول والعرض يعني 2في 2 ..


ماعلينا اخوكم مثل مانتم عارفين لاعب بحسبته الاخ حارش مارش يوم شفتها وانا اللي اشهق مادري وش اللي جاني بس حسيت انها فتاة احلامي ومستقبل حياتي < == = البلوغ قصدي الحب اعمى



عندمـــــــــــــــا ينحـــــــــــــــاس مريــــــــــــــــــــــــــــــرك







صبرت اسبوع اسبوعين الاها تبادلني نفس المشاعر والاحاسيس …مع العلم انها من فصيلة المفصليات يعني مادري وشلون تحس مثلنا ..


قررت اني افاتح الوالدة بالموضوع المهم تحينت فرصة ذاك اليوم اللي كانت الوالدة مسفهله وخواتي الكبار عندنا وراحوا بدون أي مناوشات او قلاقل ..


ومثلكم عارفين شغل الدحوسة والتلزق ويمه وشلون اركيباتس وتبين امرخس ناقصس شيء تبين شيء…


المهم الوالدة شكت بالموضوع طالعتني بذيك النظرة ولا خالد الفرحان( شــعلاوي يحبه الخـرجاوي القطع ) اذا شاف يوسف الثنيان وقالت لي وهي تحاول الامساك باقرب زنوباتها .. وش عندك ياظلال رونالدو ((نسيت اعلمكم الوالده ثقافتها برازيليه..وفي رواية مستندها ضعيف ان اصلها برازيلي)) .. ماعلينا قلت ابد ياميمتي بس


ابي فزعتس في موضوع .. قالت هات اللي عندك يالبطة العرجاء ((عادي ام تدلع ولدها)).


قلت ابد ياميمتي انا ابي اعرس ..والله وتسفهل وتفحز الزبيرية (اللي هي الزنوبة لاتفرحون بس استعارة مكنية) < - -قاريها في البلاغة.. والكشرة متر .. قالت بعدي ايه هذا اوليدي اللي انا


اعرف (بلاتس ماتدرين وش بيقول).. لا وعلشان اغريها زود قلت بعد ابترك التتن وابدا اشيش هي افرحت (( تحسب الشيشة شيء زين))


قالت من اللي حاط عينك عليها ياوليدي؟ قلت ابد يمة على بالي ابقرب لها ومابي اصدمها ..قلت شفتي شغالة جيراننا تراي ما ابيه ولا شغالة ابو اعزيز


حسيت انها وبحركة لا ارادية قربت الزنوبة مرة ثانية فاستعديت لتلقي سطرة مفاجئة بسرعة 100عقدة /سا((ثقافة بحرية كنت اغزي مع بباي)) ..


ابعدت اشوي والقيت بالقنبلة ..قلت يمه ابي سوهااااااااااتي شغالتنا ..في تلك اللحظة اول مرة اقتنع ان امي اصلها برازيلية ..


انقزت مترين فوق ثم جت على جنب ودبل كيك في جبهتي وانا اللي انقز وابنط في النخلة وارتد مرة ثانية وهي اللي ترقدني على صدرها ثم اتنزلني على ركبتها وهووووووووب على الطاير في باطن القدم في الثمانيات حقت باب الحوش قووووووووووول ..قاموا اخواني يطامرون واللي فصخ فنيلته ..على بالهم هدف ذهبي


قمت ونفضت الغبار ولملمت جروحي وقلت كله عشان سوهاتي يهون .. فقلت لامي انا طالع ومانيب راجع للبيت الحد ماتوافقون على خطبتي ..طبعا ماكملت الا ذاك التبسي اللي كنه الصحن الدوار في جبهتي والوالده واقفه وقفت حقين الكونج فو..بس برضه اصريت على موقفي وطلعت


بعد ان اصريت على موقفي واستمريت بمقاطعة المنتجات المنزلية في بيتنا واضربت عن المطازيز والقرع وصرت ناحل(ن) جسمي وحالي عدم ..


رضخت عائلتنا الكريمة لمطالبي وقررت الموافقة بشروط..وعندما زارتني مبعوثة السلام اختي في غرفتي وقدمت عرضهم للمصالحة توصلنا الى حل اعاد العلاقات المبتورة بيننا واعادني الى مجموعة العائلة الكريمة


وكان ابرز شرط ان يكون زواجا عائليا ((قبلت كخطة مرحلية))..


عاد انا قلت لازم الشوفة الشرعية قبل أي شيء يعني تشوفني واشوفها .. اتفقنا على يوم الاثنين وطلعت من بيتنا وقعدت في المجلس احتريها تجيب العصير مادري الشاهي ..وشوي وهي داخلة على استحياء .. ومعها صحن الاندومي..اقصد الشاهي وتروح تركض ( نعنبوا ابليستس كل يوم


دابلت تسبدي بس وش تقول حركات حريم ..يسوون لي فيها مستحين وهم مابقي الا ينطون عليك J ..


المهم انها شافتني وشفتها الشوفه الشرعية اما الشوفات اللي قبل كلهن ماهن ابشرعيات J

:D




تمازج الثقافات السعـــــــــــــــودية والاندونيسيــــــــــــــــــــــة



في اليوم الموعود اصيب حينا السكني بشلل كامل..جميع البيوت اصبحت مضطربة وذلك لعدم


وجود شغالات وسواقين في البيوت ..طبعا اكيد عارفين السبب علشان عرسي وبعد عمري سوهاتي


المهم مدينا مفاطيح الاندومي وكانت ليله من ليالي العمر .. وانا نقلت غرفتي الى السطح ..


واول اسبوع راح ماعندك ازين منه ..لكن مع بداية الاسبوع الثاني بدت مطالب الحريم


لاحووووووووول حتى انتم بعد ..قلت سمي امري تدللي يابعد عمري وش تبين ..


قالت سوف حبيبي انا مايبغى ساعه صيني انا يبغى ساعه كاسيو (على بالي بتقول كنكورد والا رولكس) سيم سيم سغاله مال ابو علي..قلت سمي يازين طلباتكم ان زودتو وصلتوا مية اريال ..بعدين هبيبي انا خلاص مدام انت لازم مايروح ديره سوي سوبينج (تسوق يالقرويه) انا فيه


روه سوق حزاب (حجاب) < -- -وجع مانيب قاعد اترجم لكم تعلموا اندنوسي جعلكم للطبيله.


قلت يالله مايخالف برضه تكلفه بسيطه لو ذالشيون حريمنا المملكه والا الفيصليه لا واذا رجعت


تتهاوش معك ..لابوكن لبو الســعالوا واتقولون ورى مايعرسون الشباب ..


المهم اكمل لكم قالت بابا انا صيف لازم روه التايف سيم سيم سغاله ابو ناصر قلت سمي أي والله اللي ماقالت اورلاندو والا كان ..يازينكم بس ..

آسف على الاطاله ..
للتواصل /aziz1551@hotmail.com

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه