|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
09-25-2002, 01:23 PM
| ||||
| ||||
 انا والنمله على السرير (الله لايفضحنا) ---------------------------------------------------------------------------- سريت نهار الخرج من السبت على موتري الشبح وفي الصندوق حزمتين حطب وكرش التيس من رحلتنا انا واخوياي الاسبوع الجاي .. ( اكيد محد فهم شي.. عادي ترا) .. وانا اسوق رايح لبيتنا اخر الليل .. ومطلع رجلي مع القزازه (<< يعني اني اعرف اسوق ) وراسي مره يطيح يسار واذا بنـّط في القزازه رجع وطاح يمين من كثر النوم اللي فيه .. شوي الا وفيه تفتيش ويوم قربت من العسكري واناظر رجليني عشان ادعس فرامل .. الا ورجليني كل وحده تحلف على الثانيه .. انتي الاوله .. لا لا لا .. انتي الاوله .. الله ابوكم وش تسوون؟؟ ... وبالغلط يدعسون بنزين حتى العسكري جاه صداع في المصران الاعور اللي في اصبع خشمه يوم مريت من جنبه مسرع ... واقعد افكر وش ذا النكبه ... انا افكر وافكر وافكر وراسي يفكر معي .. يا ولد وش السواة الحين؟ وارجع لهم واروح لواحد منهم واممممممطخه على راسه قلت هذا اكيد من ربع مصرقع كان لابس البريهه مايله ( يا روحي يا حايل ديرة العقال المايل ) واجحد العسكري الثاني من شفته وانا كني شايف لي بقلا .. سمحوا لي وطسيت للبيت ويوم وصلت وانا اصفط الددسن !! واممممطخها على راسها .. قالت لي ابروح اسهر مع خوياتي .. طيب روحي ( داشره ذا الكرسيدا) وافتح باب بيتنا واجي ابدخل .. احاول .. مقدرت !!! يوم اناظر رجليني الا والمخفات يتعازمون من اللي تدخل الاول ... وانتي الاوله ولا لا لا انتي الاوله .. الله ابو ذا شسمه اخلصوا علي ابي انخمد ... وادخل وافصخ نعالي واحطها في مخباتي عشان الخدامه ما تدري اني جيت ... قصدي ابوي ما يدري اني جيت .. وارقى الدرج ويوم دخلت غرفتي وتقوم نفسي وتنطل نفسها على السرير وتجي المخده وتحط نفسها تحت راسي ويجيك اللحاف يدربي راسه من الغيره ويروح يرقد في الزاويه واصفقه بالزنوبات ويجي يدربي راسه مره ثانيه لين ما غطاني ( منتب سهل يا عصر التقودوم ) ومع براد المكيف انعست لي شويتين .. شوي الا اللي يدعيني .. يا ردمد .. يالدلخ .. يهووووه .. واجي ابفتح عيوني بس مقدرت .. طلعوا يتحالفون بعد من اللي تفتح الاوله ( << ترا امرضتنا يالشين .. طيب يخوي لا تدف .. اقول اخلص علينا لا اتمردغ في بطنك الحين.. طيب ابشر طال عمرك) .. وافتح عيوني وادور بس مالقيت احد .. واقلب نفسي بس ما شفت شي .. وتجي نفسي وتقلبني بس حتى هي ما شافت شي .. وارجع ابي اغمض الا الصوت من دجيج قصدي من جديد .. وعقب ما صرت احول لقيت ذيك النمله واقفه على راس خشمي و تتمايل !!! -هاه وش تبين يالعبده لا انتفتس بوووز بوحده من اصابعي ترا اليوم ملبسها كنادر =قالت لا تسب وتشتم انت وذا الوجه اللي كنه صينيه بقلاوه لا انتف شنبك ... تسمع!!! -هع نمله وعربجيه ماصارت.. شوي واشوفها تقرب من عيني .. شوي شوي شوي !!!وعينك ما تشوف الا النور وعقبها ما صرت اشوف الا زي البرق .. والله ياهي تعرف للبقس ذا العبده .. صفقتني على عيني ولادريت بنفسي الا وانا في ذيك الديره وصرت صغير كبر ذا النمله .. طلعت ديرة النمل.. مواترهم ابو جعل ويا كثر ما يفحطون به ( واحد منهم كاتب عليه.. قراندي ) و مانمشي في طريق الا وكل شوي لازم يتناطحون ذا المخفات.. ماخذين لهم قوطي صلصه مليان مويه ويقولون البحيره العظمى (الله يرحم مزنه<< منهي ذا المزنه !!) وندخل بيت مدري وش يبي .. حاطين تمثال صرصور على الباب واذا جيت لازم تخفس راسه .. على بالهم يعذبونه .. .. طلع ذا البيت شقق ونملتي ساكنه فيه ... قعدت عندهم فتره اتمشى في ذا الاسواق .. قواطي ودهاليز .. واسهر في البارات ونشرب ( وحل ) المهم واشتهر عندهم واصير على كل لسان ( علك باطوق ) وذاك اليوم وانا متمدد على سريري في بيت نملتي ( السرير غطا بيبسي ) ويطق الباب .. -من؟؟ =انا وذا شسمه!! - من انتوا؟ ووش تبين؟ =انا خالتك تخلخلت عظام صرصور(منهو ذا صرصور) وش عندهم ذا العبدات صايرين عرابجه ... وافتح الباب ( الباب قشرة فصفصايه) الا وانا فذيك العجيـّز معها عصاتها ( عود اسنان ) ومعها شايب انيابه برتقاليه ( يسمعون بالمعجون مدري الفلاش ) .. (( حديجان .. تخيل انك نمله؟؟ حرااام يا شيخ اقرب زبيريه على طووول )) .. .. -هلا يالله حيهم .. تفضلوا الباب يفوت ظاطور .. =المهلي ما يولي (<< شكلهم يتابعون المسلسلات البدويه) = حنا يا وليدي ارتحنا لك وحبيناك وصرت منا وفينا ونبيك تاخذ من بناتنا عاد انت طب وتخير <<<<<<<<<<< هذا وجهي عقب ما خلصت كلامها <<<<<<<<<<< وهذا وجهي يوم انا افكر في كلامها واقعد اتخيل .. اتخيل عيالي بعدين؟؟ يجيك واحد راسه راس نمله ويلبس صروال سنه؟؟ والا بناتي .. بتعقدون من شي اسمه استشوار.. .. والا ولدي معه قرون وما يخلي جدار ما ينطحه والا المدام بالله شلون ابنزل انا واياها السوق؟ (<< قولكم بتقوس عليها العبايه المخصره؟ والا عباية راس اصرف؟ ) طيب واذا ما كبرت ولاصارت في حجمي؟ وشلون اباخذها معي؟؟ احطها في مخباتي؟؟ والا اعلقها في المرايه قدامي في السياره؟ .. شكل على الطبلون احسن لها تفحط على كيفها.. وفي البيت !! كيف ابعطيها بوسه وانا طالع الدوام؟؟ اباكلها على كذا .. طيب يخوي افرض اني سهران مع الشباب وجت هي تبي تطلب عشا .. تنطط على ازرار التلفون ثم تطلب حبة رز؟ لا لا لا لا لا لا ما يصير شلون يا ناس قصدي يا نمل فكرو معي .. ابيكم ترجعوني زي ما كنت الله .. تخيلي دروا عيالي عن شي اسمه ملاهي؟ وقامت وقعدت الا اجيب لهم ملاهي والا اوديهم؟ ما معي الا اقرب قوطي صلصه ومصاقيل .. (( حديجان تخبر يوم اكفلك يوم مسكوك الجوازات تبيع فصفص حول الملز؟؟!! )) .. .. رجعووووووووووني مثل اول = وش اللي نرجعك انت الثاني .. الحين صرت منا وفينا نمله يعني - والله النكبه .. صرت انا نمله الحين يا مال البف باف؟ شوي وتطلع لي صور من مخباتها وتوريني وتقول امسك شف وتخير لك وحده من ذا الزيون ( اربع عبدات وثنتين بيض ( بيضاوتان) كلهم لابسين بكيني ) - وشو ؟ ابتزوج طقاقات انا!! ( يا ولد اغراء ذا البيض .. منتب خسران شي) وريني ذا البيض خليني اشوف... الله الله الله وش ذا الزين والحلا؟؟ الروج معبي الوجه ( تقول طاحت بوجهها على قلم روج بالغلط ) والا المسكره خخخخخخخ يسمعون بذا الاشياء .. الحمد لله ( يرحمك الله ) وافكر فيها يا ولد!!! وشرايك تمرح مع ذا الربع قصدي ذا النمل وبلا بشر بلا هم بلا فشكلك .. تفتك من المبزره وعيال وزوجه .. وودني السوق وبيت هلي .. وجب لي صنفره ركبي سوود ( اكثر ما كثر الله ذا الجدران .. ضاقت يعني؟) وخلك مع نملتك يا ردمد ( هذا راسي اللي يفكر الحين مهوب انا ) واذا جاء العصر اطلع انت واياها وروحوا فحطوا على ابو جعل .. اممممممممممممم ومن القهر ومن زووود الخربطه قمت وتهاوشت مع ذا العجيـّز وشايبها ( ذا الشايب يتمقلني طول الوقت تقول بيرسم كروكي لوجهي) وكرشتهم من العماره ( يا شيخ اي عماره يرحم والديك .. مزاز حق سن توب ويخب) .. وارجع واتمدد على غطا البيبسي واقعد افكر وارتب خلايا مخي عشان يفكرون صح ( يا رجال ما فيه الا خليه وحده اصلن ما تدري هي تقابل عيشتك والا دوجتك والا دلاختك والا تحب عنك وتحل الواجبات وتذاكر و .. و.. الخ ) المهم شوي شوي شوي الا والباب يطق again افتح .. الا انا في ذا العبيد وكل عبد ماسك دبوس قصدي رمح في يده .. شكل ذا العجز اللي من شوي راحوا واشتكوني عند الوالي - مرحبا = قششششششف << - مرحبا اخوي =طاااااااااااااااخ << رفصه -يا هلا فيكم والله شرفتونا = قربااااااااااااااااااااااع << بووووز الله ابوكم عبيد ما يتفاهمون الا بلغة الاشاره .. ويلقطوني بجلابيبي ولا فكوني الا في بلاط رئيستهم .. وحده بيضاء طخمه تشبه لام بشار .. وانا ادعس واممممممممطخهت على دمجتها بين قرونها ( اقردن فيها عشان تفكني من شرهم ) ولا سمعت الا صيحة واحد من ذا العبيد هجووووووووووووم وهاتك يا دبغ .. ياهم تمردغوا في بطني .. والدبابيس اشتغلت زصرنا نبشر مع كل مكان .. من اول ما نعرف الا مكان واحد ومع ذا النمل صاروا عشرين .. والابقاس اشتغلت ومحمد علي كلاي يتفرج (<< من وين جاء ذا؟ ) .. (( حديجان متى بتنزل شريطك مبطين عن كسراتك مع مايكل اقواليرا )) .. شوي الا البقس الل يمشي مليون على عيني واحس ان فيه نمل يدور فوق راسي عقب الصفقه مثل افلام كرتون .. وافتح عيوني عقبها الا وانا انسان زي اول ونفسي باقي زي ما كانت .. ناطله نفسها على السرير والمخده باقي راسي فوقها واتحيول ( صرت احول) الا نملتي توها تمسح يدها من عقب البقس اللي وقع على عيني منها .. تحمدت لله اني منيب نمله والا كانت علوم .. -وش باقي تبين يا مقفى الفرن يالزيت المحروق =ابوك لا ابو من ترجى حنانك ابروح اشوف لي غيرك يفتح لي صدره ويحبني - خخخخخخخخخخخخ اقول اذلفي والا ترا ابشوف لتس اقرب صرصور والا بف باف يالشينه طسي والقطها وادعي لي صرصور كان مار من تحت سريري وعلى كتفه عود ومربوط فيه كيسه شكله مسافر ( مثل افلام كرتون) واهديها له ويعلقها على صدره ويطس فاقول (( اللي خويته نمله والا يعرف له نمله .. من الحين يعطيها بووووز يحبه قلبك .. واقعععععععععد
_________________ سير علينا sayer_alina@hotmail.com .................................................. . التوقيع مغلق للتحسينات مع تحيات وزراة الزراعه والمياه والدعوه والارشاد الطلابى |
|
09-26-2002, 08:58 PM
| ||||
| ||||
| ههههههههههههههههههههههههههه سير عيب انا استحي خخخخخخخخخخخخخخخخخخخخخ وش السالفه والله انك خبل انت والنمله اضنك اخذ حقت جيرانكمن يالله لاتفضح سرنا
_________________ [FL=http://mypage.ayna.com/prince44/dhim.swf] width = 350 height = 200 [/FL] |
|
09-26-2002, 11:19 PM
| ||||
| ||||
| ههههههههههههههههه هههههه ههههههههههههههههه هههههه ههههههههههههههههه هههههه ههههههههههههههههه هههههه ههههههههههههههههه هههههه والله انك عسل سير علينا وقسم بالله انك عسل <<<<< ( يمدحك عشان تشبكه مع النمله ) خخخخخخخ والله انك منسسسسسسم ومنتهي وقاضي قازك نعنبو دارك قضن المواضيع ؟ ما لقيت الا نمله ؟ هههههههههههههههههههههههههه لو انت قايل غزال والا بقره والا عنز كان اهون شوي ههههههههههههههههههههههه تسلم يمينك سيرووووووووه والف الف شكر تحياتي .......... :p
_________________  |
|
09-28-2002, 03:16 AM
| ||||
| ||||
 لو مارجعت كان صايرن طقاقه يابعد كل النمل يسلموووووووووووووووووووووو سير والله انك دااااااااااااج وبقوه
_________________ مــااقول انسى عيون الناس من شأنك<br /> <br /> اقول انسى جميع الناس لعيونك  |
|
09-30-2002, 08:08 PM
| ||||
| ||||
| ههه ههههههههههه هههههههههههههههه ههههههه مشكووووووور اخوي كــ$$ـين
_________________ قريبا ... قريبا ... قريبا ... أنشاء الله منتـــديات مدينة المرجوجين www.marjojen.com مع تحيات اخوووووووكم كين ............. أبو الفقشات |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| ابو بكر الصديق أول الخلفاء الراشدين وأحد العشرة المبشرين بالجنة | saad_saad_1962 | المنتدى الاسلامى | 7 | 03-05-2008 12:21 PM |
| 50حديث ثابتة لفضائل الأعمال | عبد الله 77 | المنتدى الاسلامى | 3 | 01-22-2008 10:28 AM |
| لا يـفـوتكمـ (__حـــامــــد زيــــــد جديد اكثر من روعه وانا متاكد راح يعجبكم ..؟ | ولـــــــــــد الخــبـــر | بلوتوث في bluetooth افضل مقاطع البلوتوث الجديدة | 19 | 12-19-2007 07:25 AM |
| بمناسبة قرب شهر ذى الحجة ما فائدتة @@@ | abo_amro | المنتدى الاسلامى | 4 | 12-05-2007 06:08 PM |
| ..الذي ابكى الرسول صلى الله عليه وسلم((موضوع جدير بالقراءة)) | ♥diamond♥ | المنتدى الاسلامى | 1 | 11-30-2007 03:03 PM |
-
-
العرض العادي
