مااطول عليكم قبل فترة اتفقت انا واركان وقمووره اننا نتقابل فى مكان ما (طيب قولى المكان هاأأأأوو حامض على بوزكم حشا اسامه بن لادن وايمن الظواهرى ورمزى بن الشيبه ... انا طبعا اسامه بن لادن :D
المهم ركبت السياره انا وزوجى المصرقع هذاك ماغيره اللى كلمتكم عنه ايوووه ههههههههههههههاااى اللى اول ماساق السياره يحسبها زى السيكل يطلع رجله مع الباب ويلف علشان يفحط ... خبل الله يستر عليه .. ترى والله انى طحت له من السماء ... والحمدلله هجدته والا كان علوووم ... اقولكم كيف هجدته وخليته يوقف عن طريقته فى التفحيط !! قمت كل ماطلع رجله من الباب حق السواق علشان يلف السياره ورجله فى الارض قمت اطلع رجلى من الباب الثانى ولا اخليه يلف .. شفتوووا الذكااء اللى علي

المهم ... مشينا بالسياره ... وسوالفنا المعتاده ومزحنا اللى متعودين عليه ... يكفخنى بالجوال .. وارص وجهه بالكعب ..يعطينى كف على وجهى وهو يضحك يعنى يمزح .. وانا اعطيه بالشنطه على وجهه لين يسيل الدم من خشمه .. يعنى عادى مزح عادى ... مثل اى زوجين يمزحوون ودق التلفون الجوال ووقفنا مزحنا العادى ورديت على التلفون ...الا صوت وحده تبربر كانها عجوووز مصريه تبيع فجل فى سوق الخميس .. ومافهمت من كلامها ولاشئ .. قمت وسالتها : ياحجه كم كيلو الفجل ؟؟ قالت : فجل فى عينك بلا فى شكلتس .. شكلتس !! ماتجى مصريه وشكلتس !! الصوت صوت ناديه لطفى والحتسي حتسي عبدالله السدحان !! قالت : وجع وجع وجع انا ركووون .. قلت : اهلين ركووون والله مادريت انك خليتى المنتدى وصرتى تبيعين فجل ؟؟! قالت : وجـــــــــــع وجـــــــــع وشووو فجله ؟؟ قلت : انتى من شوى ماكنتي تحرجين عالفجل ؟؟ قالت وجعوووووه ياضيوووونوووه ... وشووووو فجله ؟؟ انا اكلمك اقول وينك انا انتظرك عند باب المحل من يومين من غلاى لها يومين تنتظرنى حتى راعى المحل قال يمكن هالمره فقيرة مسكينه كل يوم يمر على ويحط فى يدى ريال ونص !! ماادرى وش سالفة هالنص .. بس اخر مرره قلت له : يااخى الانصاص تضيع عندي خل الريال والنص عندك الى بكره وعطنياها ثلاثه ريال مرره وحده :Dذكيه موووووو المهم وينك ..انا سامته وجهى هنا كانى من تماثيل الفترينا !! قلت لها : ايوا الله ركووون .. يابعد هاللى جنبي !!! قام وخزني بعينه واقووم اخزه بعيني .. وخزه بخزه لين كسرت عينه قام يصفر يضيع السالفه .. قلت لركوونه : انا فى الطريتس الطريتس !! والله ما عمرها صارت بس تعودنا على تس تس .. كلها عشر دقايتس وانا عندك بس الله يفرجها على بعض الناس ويفكونا من التفحيط اللى ماله سنع .. والا بذمتك فيه رجال عاقل ومحترم وزوجته معه يروح لحارة فيها عيال صغار يفحط قدامهم علشان يصفقون له ..المسيكين عنده عقدة حب الظهور من يوم انه صغير !! ...خلاص ركونة اركني على جنب أنا بأدق الحين على قمووورة ..

قبل ما أدق على قموووورة لاحظت شيء غريب ألا وهو ان السيارات يضربون لنا بواري ويولعون أنوارهم علينا..واللي لفت انتباهي ان سيارتنا هي السيارة الوحيدة اللي تمشي قدام والسيارات الباقية جاية عكسنا ..! والكائن الحي البشري اللي جنبي فاتحن كشرته ويضحك ..

قمت دقيت على قمووورة وقلت له بسرعة وبابتسامة تشق الوجه فرحانة مسكت عليه شيء قلت له : يا مازولتي ... من اللي عطاك رخصة سؤال بريء ؟! ..قال : ليش حبيبتي ...عجبتس سواقتي ؟! ..قلت : لأنك ياابو الشباب طالع رونغ سايد يعني عكس السير يا بعد تسبدي ! ..قام الرجال ينتفض وتجيه الحالة ويتقمص شخصية توم كروز ويقعد يلفلف بالسيارة يمين ويسار لين صدم عمود النور ,

وتجمعوا الناس ونزل زوجي يترنح ..وقال له واحد من الناس اللي تجمعوا : عسى ما شر ..عسى ما شر ؟...قال زوجي : لا أبد أنا توني جاي وش صاير ؟ المهم ...دفوا الناس السيارة ..وأنا كنت داخلها مبسوطة منشكحة على الآخر ...ذكروني بأيام الملاهي المهم طلعوا السيارة وكملنا مسيرتنا ...

دقيت على قمووووورة وبعد عشرين رسالة استغاثة يا ثقيلة انتي ...يا اللي ما تردين على الأرقام الغريبة ...انتبهي على نفتس يا لورا بوش ردت علي ..وصراحة يوم سمعت صوتها بغيت أصيح ..خانتني العبرة ...كان يشبه صوت جدي الله يرحمه !!

قالت : أنا في الطريتس اليكم يا بنات حواء ! ..ايتها الفتيات اني قادمة الأخت داخلة حرب ...هو احنا حنحارب ..يعيش محمد علي كلاي ...وتعيش الأمة العربية ...ويعيش الملا محمد عمر ...ويسقط منتدى حواء !! الأخت وشفيها قلبت قلت : خلاص ..خلاص يا معمر القذافي ! ...سكرت السماعة ووصلت للمكان اللي تواعدنا فيه ...

قال زوجي ...ايه زوجي ما غيره المفحطاتي : عندتس عشر دقايتس بعد ساعة من الآن شفتوا الذكاء وقوة الشخصية اذا ما جاو تطلعين لي برااااااا بسرعة !! زوجي حمش ...وحمش زوجي ...وخشبة السجن خمس خشبات وخشبة ..والا أقول لكم ..تقدرون تقولون لوري ورا لوري عشرطعش مرة ...واللي يجيبها صح له كيلو فجل من بعض الناس

قلت : طيب ..يا أحلى مازولة منتهي تاريخ صلاحيتها !!

نزلت ودخلت السوق وبدأ مسلسل المخازز ! ..كل وحدة تمر من عندي أخزها من فوق الى تحت وأقول لنفسي هذي يا ركوووونة يا قمووورة! وعلى هالحال لين وصلت لمقهي الأنترنت النسائي اللي متواعدين فيه ...بيني وبينكم فيه وحدة قعدت تخزني ! ..تشان أخزها ...تشان تخزني ! ..تشان أخزها ...عيونها جريئة ..وخزة بخزة ..وعقرا بقرا ..قل لي ربي عدي العشرة ..خزة ...ثنتين.. ومع كل خزة خزة ..وبين كل خزة وخزة خزة ! ..طلعت الأخت حولاء وانا مدري ..ودخلت المقهي ...و......

أخلي الجزء الثاني بعدين لأني تعبيت ..

مع خالص تحياتي لك....@@3

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه