((كل الحوارات التالية تحدث بالحصة وبين الطالبة والمعلمة))


ـ معلمه مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة


ـ معلمه ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟


ـ معلمه ..ممكن اروح الحمام؟
ـ يعني ماافتكرتي الروحة الا الحين...بعد الحصة روحي،انتم زي الاطفال رايحين جايين على الحمام


ـ معلمه ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتسولفين وتتكلمين


المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ معلمه..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا


معلمه منهجنا صعب...خططيلنا على الكتاب-
من قبل المعلمة فيه 3 ردود لهذا الطلب: الرد الاول:ايش؟؟؟اخططلكم؟؟اطفال انتم.؟؟
)الرد الثاني:انتي واحدة كبيرة..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه من الجلده للجلده


ـ معلمه..دفتري ضايع..وش أسوي؟؟
في هالحالة الابلة ترد باحدى هالثلاث ردود: الرد الاول:هاه..نعم؟؟! وش تسوين؟؟ايش رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترك..راح تعيدينه لي كامل


المشهد/بنت تمسح السبورة ومشتطة ..بعد ماخلصت من التسميح:
ـ امعلمه..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل


ـ معلمه..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا


ـ معلمه..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..


ـ معلمه الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي..لا ماراح نفتح ـمعلمه بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس


ـ معلمه..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم


ـ معلمه..صراحة..الامتحان كان مرة صعب
ـ اسكتوا ماحد طلب رايكم :eek: (( الله أكبر قويه))


ـ(هذا في حصة الفراغ) ـ معلمه..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى


ـ معلمه..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين) ((:D طبعا برائه ياحليلنا))
ـ انتم ملاقيف بس تبغون تعرفون اسرارنا..ايش رايك بعد تساليني متى تزوجت؟هذا اللي ناقص!!


ـ معلمه..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي, ((ترى وربي تقولها))


المشهد/دق الجرس وبدأت فسحة الصلاة والابلة باقي تشرح الدرس البنات يقولون :ـمعلمه..نبغا نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..وتدورون بالاسياب؟؟


المشهد:المعلمة تملي البنات الدرس..
ـ معلمه..ايش؟عيدي ماسمعت
ـ اسكتوا وبتسمعون ولا ايش شايفيني قاعده أتكلم سكريتي ((مدري ايش يبي هالتاني))


ـ_معلمه..نذاكر من الدفتر ولاّ من الكتاب؟؟
تتحول ملامحها الى ملامح شر:mad: وتقول: ـ من الأثنين..


المشهد/المعلمة داخلة الفصل..والبنات بتأفف يسالونها
ـ معلمه,,اليوم بتعطينا درس؟؟
ـ اجل ليش جايتكم؟؟


ـمعلمه..ماجبت الدفتر
في هالحالة المعلمة تختار احد هذه الردود:
(1) ليش؟؟ايش قاعد يسوي في البيت؟؟نايم؟؟
(2) اجل ليش جاية المدرسة؟؟؟ المفروض الدفتر يجي قبلك
(3) شلون نسيتي الدفتر؟؟انحبكت من كل المواد مانسيتي الا دفتر مادتي؟؟
(4) ليه نسيتي الدفتر انتي ناسية مصروفك مثلا؟؟

ـمعلمه..ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا ايش ذنبي؟؟روحي المكتبة‍
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)


ـ معلمه..لا تمتحنينا بالدرس الي راح..كان علينا اليوم امتحان وماامدانا نذاكر الدرس الي فات
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان عرفتوا تحلون الاسئلة حتى لو ماذاكرتوا


ـ معلمه..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس ((ياحسره أي صديقات الي يسمعك يقول حاطيننا بمنتصف المدرسه والله العالم انكم حاطيننا بالمحجر لا نشوف أحد ولا أحد يشوفنا))


المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ معلمه..ممكن اكلم (فلانة)
ـ لأ..بعد الحصة‍‍
ـمعلمه..بعطيها شيء وأروح
ـ لأ..أطلعي بره..قلتلك بعد الحصة ((والله عال معلمات آخر زمن))


المشهد/الأبلة تفتش على الواجب..بنت توقف وتقول
ـ معلمه..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟ اليوم ماشاءالله كل سبل الأتصالات موجوده سوآء كانت من نت أو تليفون أو جوال والجوال حدث ولاحرج كل واحد بالعيله معاه واحد أو اتنين يعني مجموع كل جوال بكل بيت فوق عشرة جوالات

ـ معلمه..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت



**الامثلة كثيرة..لا تعد ولا تحصى..لكن لاحظوا كيف المعاملة والرد من قبل المدرسات واكرر واقول ليس الجميع

تحياتي
المعذبه لأ لأ أمزح
LOLITA

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه