هل حقا السعودية حنين اللتي علمتنا الترقيم سعودية!!!

تعليق على ما جاء على هذا الرابط وما كتبته اختنا نور جدة

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ونبذة عن المقال ان السعودية حنين كيف تكلمت على انها من بنات جدة وانها ترقم الشباب وهذا شي عادي

لا ومنتشر في جدة زي السلام عليكم

بصراحة انا استغربت من هذي الجريدة وعمري ما سمعت بيها

حتى اني قلت ان الموضوع هذا مسوينو بالكمبيوتر عشان يسوي زحمة بالنت

اليوم وبالصدفة وانا قاعد اتكلم الا انتبهت في يد امي جريدة شمس...

نفسها اللي كانت في الخبر

وقلت طلعت من جد وهذي جابو خبر عنها كذا وكذا وقريتو في الت

الا طلعت خالتي متابعة الجريدة اول باول

وتقلي هذا اللي اتنشر في النت

بس للأسف ما اتنشر التكذيب حق هذا الخبر!!

انا عاد استغربت مرة وقلت لها وفي تكذيب للخبر كمان؟؟

تقلي ايوا جا تكذيب وطلعت البنت مهي سعودية اماراتية من دبي !!

ومسكوها الشرطة ومدري ايش سار فيها

المهم انا خلاص معدني مع خالتي ايش بتقول

حاولت ادور في النت على التكذيب مني ملاقيه!!!

مافي غير الخبر هذا وبس

ليه يعني؟؟؟


وبصراحة مو شاهد ان البنت اماراتية ولا حتى ايش ما تكون

لان لو كنا واقعين في بنات ساقطات زي كذا كثيرين في كل مكان!!!

عجبنا ولا ما عجبنا

لكن مسألة انها تطلع للإعلام هذي معناها كبير

اولا ان هذي الحركة عادية عند المجتمع السعودي وعادي الخبر يطلع في جريدة سعودية ما عندنا مانع

ان الظاهرة هذي وان كان في من يستنكرها فخلاص طلعت من مرحلة المعالجة وسارت ظاهرة تمرد مستحيل تتعالج

واقلكم مرة شفت تحقيق اخباري في السي ان ان عن السعودية

جايبين مقابلات مع الوليد بن طلال ووزير الداخلية وشخصيات كبار

وجايبين واحد نجس ما اعرف من فين لقوه هذا اللي باع سمعت دينو

يقول للمذيع لو شفت بنت في السوق وقلت لها هاي مسكوني وحبسوني في السجن شهرين

تشوفوا هذا عدل !!!

حسبي الله ونعم الوكيل!!!

طيب ما فكرنا ليه الاعلام يحاول بجدية الاطاحة بسمعت بلاد الحرمين؟؟

يوم نسمع اننا ارهابيين

ويوم نسمع باننا متسلطين

ويوم نسمع باننا ما نعرف حقوق المرأة ومستعبدين النساء

ويوم نسمع باننا في الخارج ما نروح الا البارات

وننسب لاي فئة قليلة!!!

لو واحد راح الخارج وسرق قالو السعوديين حرامية

ليه كل هذا الحقد على السعودية؟؟

انا اريحكم من هم التفكير

لاننا بلاد الحرمين

واذا شوهوا سمعتنا

حيكونوا شوهوا سمعت الاسلام

واي احد سواء من السعودية ولا لاء

يقولولوا انتا مسلم؟

من فين جبت دينك شوف بلد الحرمين اللي فيها مهبط الوحي فيها كذا وكذا وكذا

فيا صاحبنا ينصاع لهم ويرتد

واما يسببوا فتنة بين المسلمين

تفكير خبيث

يعني تتوقعوا من جد اللي طلع مقولة (مكة اطهر ارض وانجس شعب) هذا واحد عاقل ومسلم؟

الاخ نسب النجاسة لكل سكان مكة مع ان فيهم من احفاد الرسول وفيها من العلم ومن الأئمة ما فيها

للأسف احنا شعب قلبنا مهو على البلد

ومشغولين بين هذا قصيمي ولا وخر يا نجد ولا اترك الحجازي ماعندو سالفه

ولا حساوي هطف ولا صفر سبعة

وماشيين على العصبية القبلية

ونسينا ان الرسول عليه الصلاة والسلام نهانا عنها

قلنا (( دعوها فانها منتنة ))

لكن للاسف ضعاف قلوب احنا

فين شجاعتنا وفين نخوتنا العربية الاصيلة

فين المروة؟

كلمات سارت لا اكثر

نتفرج على العالم وهما يحذفونا بكلمتين ونستنكر وبس

لاحول ولا قوة الا بالله

غاليه انتي يا بلادنا

ولو محد عرف مقدارك

فوق هام السحب

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]