 |
|
|
||||||
 |
 |
|
 |
 |
 |
 |
 |
 |
 |
 |
 |
البعض يتسائل كيف يمكنني التسجيل و ماهي طريقة الحصول على عضوية بدون مشاكل الحل سهل جدا شرح كامل بالصور ( من هنا )
روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || طلب كود تفعيل العضوية على البريد
طفولة الخجول (( قصيمي )) قصة رائعة لا تفوتكم $الجزء الثالث$
 |
|
|
أدوات الموضوع | انواع عرض الموضوع |
09-01-2006, 04:41 PM
|
||||
|
||||
|
طفولة الخجول (( قصيمي )) قصة رائعة لا تفوتكم $الجزء الثالث$
الجزء الثالث...... نكمل لكم الجزء الثاني واللي وقفنا عند ثلاث الصبايا...... قصيمي :- مرحبا ، أي خدمه .. البنت الأولى :- يااااي يتكلم بلهجه سعوديه بعد . قصيمي :- نعم أي خدمه اختي << الإحترام بالسعوديين فطره . البنت الثانيه للبنت الثالثه :- يووه شوفي شعره ياربيه والا عيونه تهببببل .. البنت الأولى :- لو سمحت نبغى جوتي مقاس 38 << نصابه مقاس رجلها 44 بس غصب الا تصغر قصيمي :- ( طبعا الى الحين ما اخذ الخبره الكافيه ) امم طيب اي لون تفضلي بني والا اسود << مايعرف الا هاللونين البنت الثالثه :- هههههه ياقلبي لا نبغى فوشي . قصيمي :- ( تغير لونه ويفكر بهالكلمه قد مرت عليه بس وين ما يدري ) طيب مو مشكله .. البنت الثانيه :- لا شوف خلاص ما نبغى هذي ، طيب وين الموديلات الجديده . قصيمي :- ( وهو يتنفس الصعداء لانه متوهق مع اللون ) كل الموديلات هذي جديده بس أنتي آمري . البنت الأولى :- لا شكله ماصلح لنا شي ، طيب انت جديد تشغل هنا << فترة تعارف . قصيمي :- ايه هذا اول يوم اشتغل فيه هنا . البنت الاولى :- ايه بين عليك عليمي << طبعا من ورا قلبها بس يعني تراك ما همني شكلك قصيمي :- طيب بإيش أخدمكم << مسكين يبغى يثبت وجوده . طبعا مشو البنات بكبرياء والكبرياء ظاهره عليهم لكن بداخلهم الله اعلم به ... قصيمي قاعد يرتب في الجواتي ويدرسهم وماسكه معه يعرف وشو الفوشي ، وبينما هو جالس هكذا << ملعوبه إذا بواحده بنت تناديه ... البنت :- لو سمحت ( بصوت رقيق ) قصيمي :- يهز راسه ويتعوذ من الشيطان .. البنت :- هيه هيه لو سمحت ( ايضا بصوت أرق وارق ) قصيمي :- يرفع الجزم يناظر تحت الرف يقول وش ذا لا تكون الرفوف بتطيح . البنت :- تطق كتف قصيمي برقه تااامه وهي تقول له ايضاء شفيك .. قصيمي :- يلتفت وهو يناظر الملاك الطائر قدامه بنت لابسه فراشه ومتلثمه لثمه تطيح الصقر وتطيح اطلق شنب ويطيح قصيمي ويدوخ ويجي السواق ويصحيه ويصفقه ويروح << فلم هندي البنت :- ابغى آخر الموديلات عندكم .. قصيمي :- وهو في حالت تفهاة كامله ( تفهاة = أقوى من مفهي ) هذي كل الموديلات الجديد شوفيها على الرف بس أنتي آمري و ش النوع اللي في راسك وش الالوان << طبعا لازم يحوف الألوان كلها لعيونها ... البنت :- امممم ابغى بوت تركوازي .. قصيمي :- تامري أمر لو تبغين غطاس ( غطاس = حق المزارع والبرك يسوون له بير ارتوازي ) البنت :- ( طبعا مافهمت كلام قصيمي لانها ما تعرف الا كل شي ناعم واكثر شي دبدوبها ) لا بس ابغى مقاس 35 << صريحه قصيمي :- طيب من عيوني . البنت :- تسلم عيونك ( يعني متفتحه ) << الله يكفينا شر هالتفتح . قصيمي :- تفضلي إن شاء الله هالشكل يعجبك والمقاس كويس . البنت :- ايوه كويس هذا اوكي . قصيمي :- اوكي هذا حقه 450 . البنت :- اوك خلاص وتطلع الكارد وتحاسب زي السلام عليكم << وعليكم السلام قصيمي :- بين مصدق والا ما صدق وش هذي وين أنا فيه .. البنت :- تطلع للمحل وتقول لقصيمي مع السلامه يابو عيون عسليه .. وتمر الأيام والمحل تزود مكاسبه خاصه مبيعات الجزم وكل يوم يتطور عن اليوم اللي قبله وينطرد اللبناني ويمسك ادارته قصيمي<< منقهر من اللبنانيين وفي يوم تدخل وحده على قصيمي ... الوحده :- مرحبا قصيمي .. قصيمي :- مين ( طبعا قصيمي صارت له معارف ) الوحده :- انا العنود ماعرفتني . قصيمي :- إيه اهلين ريم كيفك ( الله واكبر يالدنيا ) العنود :- شفيك قصيمي عسى ماشر شفيك متغير علينا . قصيمي :- أبدا سلامتك بس تعرفي الشغل .. العنود :- ايه الشغل ما يخلص لكن الواحد لازم يهتم في نفسه . قصيمي :- ايه صح بس انا مالي في هالدنيا الا شغلي ولا لي شي ثاني .. العنود :- ياحراام والله اني رحمتك .. قصيمي :- طيب عسى ماشر شفيك جايه للمحل .. العنود :- لا بس اليوم مسويه حفله في البيت وجايه اعزمك شخصيا .. قصيمي :- اممم مدري على حسب فضاوتي لكن بحاول ( ايه هين والا بداخله مجهز حتى وش يلبس ) العنود :- لا حاول عيوني لازم تجي انا مجهزه لك مفاجأه .. طلعت العنود وقصيمي قاعد يخطط ويفكر وكل شي ... جت موعد الحفله خلص قصيمي من دوامه ولبس وراح لبيت العنود ... دخل البيت ماشاف احد الا شموع مولعه وسلو ميوزك وتقابله الخدامه وتقول له تفضل .. جلس قصيمي وهو يطالع يمينه ويساره ... دخلت العنود ومعها الخدامه << عشان ما تصير خلوه .. قصيمي :- وقف وهوو يقول مرحبا .. العنود :- اهلين مواعيدك مضبوطه اماك تقول على حسب فضاوتي .. قصيمي :- ايه تعرفين خلصت بدري وجيت منشان مفاجأتك يعني << مسوي ماهمه .. العنود :- ممكن أنت ما تعرف عني الا اسمي ومحلي . قصيمي :- ايه صح هذا اللي اعرفه .. العنود :- شوف ياقصيمي انا بقول لك كل شي عني بس ما ابغاك تفتح افمك في شي ابد ولا تسأل لين أقول لك قصيمي :- طيب أبشري . العنود :- شوف انا وحيده مقطوعه من شجره أمي وأبوي توفو وانا صغيره وتركو لي أموال ماتنعد ولا تحصى المحل اللي انت تشتغل فيه هو قطره من بحر هذا شي بسيط جدا من اللي عندي .... وبصراحه مالي سند أبدا ومثل ما انت عارف انا بنت وخايف ومستحيل اثق في أحد بس لما شفت جالس في الكوفي كذا مره لما اجي للمجمع اشوفك وبصراحه اتنهد واقول وش طلع هالقمر في عز النهار .. قصيمي :- حمرت خدوده وانطوى الا درجة صار راسه وصل الارض .. العنود :- ايه صحيح ياقصيمي بس تعرف دخلت قلبي من اول شي وحبيت اجربك اشوف درجة امانتك وإخلاصك .. فلما اشتغلت في المحل وشفتك وانت تشتغل وتطور المحل وتخلص في الشغل أحسن من اللي كانو فيه اللي يلعبون ووضع المحل على ماهو من فتح كله بسبتهم وبصرراحه زاد اعجابي فيك وزادت ثقتي ... قصيمي :- من غير ما يشعر بشي هذا اقل شي اقدمه لك لانك ساعدتيني << ياعيني على الاخلاق . العنود :- طيب وش تشوف الحين << تفكر بالمثل اللي يقول اخطب لبنتك ولا تخطب لولدك قصيمي :- وشلون << هو اصلا يبغى يقوله بس يستدبش يعني انتي قوليها .. العنود :- شفيك قصيمي انا اسألك << ودها تقولها بس بنت تعرف العيب . قصيمي :- شفيك زعلتي << خايف على شعورها .. العنود :- خلاص طيب . قصيمي :- تتزوجيني << خاف انها تقفل على الموضوع العنود :- ( بلهجة الفرح وبغت تنقز ) موافقه . وجابو المأذون وتزوجوا وعاشو بسعاده تامه واشتهر قصيمي بحكم فلوسه عفوا فلوس زوجته ،،، توسعت تجارتهم وصار عندهم اموال طائله ،،، لكن ماكانت تجارتهم موحده وعلى هالاساس قعد يفكر قصيمي بتجاره تثبت وجوده على الصعيد العالمي ،، فكر ودبر وتذكر لشي وحن له غصب عليه الا وهي سيارة الفليت ،، فطنت براسه فكرة تجارت الفلبيت ودرسها ولقاها ناجحه وبدا مشروعه وتوسع ووصل لنجاحات واسعه وصار عنده معمل ابحاث لتطوير الفليت وفي يوم من الأيام ,, فكرو انهم يزيدون تركيزه بحيث انه مع قتل الحشرات يقتل الحيوانات الزاحفه ،، وفعلا طوروه ولكن قبل لا يبتدون بطرحه في السوق حبو انهم يجربونه من خلال كاميرات عرض واسعه الانتشار وبحكم قصيمي راعي المشروع وصاحبه هو اللي راح يجرب ويبخ البخه الأولى معلناً انطلاقة المشروع طبعا تجهزو ولبسو اقنعه ولباس خاص منشان الإحتياط لكن كانت المشكله ان القناع اللي لابسه قصيمي منشق وفيه تهريب لكن محد انتبه لهالشي ،، أعطوا الضوء الاخضر لإبتداء البخه ضغط الزر قصيمي وبدا يبخ وانتشر رذاذ البخه وتدخل الريحه على قصيمي من خلال فتحت القناع ويشمها قصيمي ويحس بإنتعاش مو بسيط ويحن على الريحه ويزيد ويشم وهو في حاله هستيريه لأنه إنتعش بزياده ويزيد ويضغط وهو خلااااااص داخل بجو وكنه يشوف سيارة الفليت قدامه ويغوص في ذكرياته الجميله وفي لحظه يفقد الوعي ويشلونه للمستشفى وهو في حالة غيبوبة كامله ويقعد له على هالحال ثلاث ايام وبعد ثلاث ايام يصير مثل ما صار له قبل بحيث انه صحى من صرخة الممرضه وهو في حاله يرثى له لكن بوجه غير طاح شعره اللي كانوا اول البنات يتغزلون به وتجعد وجهه وفقد الذاكره ،، وصار يركض بالشارع وهو يصوت فليت فليت فليت ،،،،،،، وتوته ياتوته وانتهت ا لحتوته .... وياحبني لك يا * قصيمي * تقبلوا تحياتي.... «®°·.¸.•°°·.¸¸.•°°·.¸.•°®»الدندوشي المصرقع  «®°·.¸.•°°·.¸¸.•°°·.¸.•°®»اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية 
|
|
09-01-2006, 06:04 PM
|
||||
|
||||
|
ههههههههههههههههههههه
هذي قويه ياالدندوشي المصرقع يعطيك العافيه وتسلم أناملك يابو خدود تسلم اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
09-01-2006, 06:44 PM
|
||||
|
||||
|
هههههههههههههههههههههههههه
حلوة خل يمثلونها ما شاء الله عليك كاتب فذ تسلم على القصة اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
09-01-2006, 06:52 PM
|
||||
|
||||
|
هع هع هع هاااااااااااااااااع
كل اللي جاه وفي الاخير فقد الذاكرة ينطيك العافية على هيك قصص اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
09-02-2006, 03:38 PM
|
||||
|
||||
|
اقتباس:
اغاني اسلامية اغاني جديدة اشرطة اناشيد جديدة احدث الاغاني افضل الاناشيد اخر و احلى الالبومات كتب اكترونية
|
|
| مواقع النشر |
«
انذل رساله في العالم
|
طفولة الخجول (( قصيمي )) قصة رائعة لا تفوتكم $الجزء الثالث$
|
استخرج اسم امك --------> فوت وشوف
»
| أدوات الموضوع | |
| انواع عرض الموضوع | |
العرض العادي
|
|
الساعة الآن 01:23 PM.