خلونا نستعرض أهم الاحداث اللي تصير(للتمااسيح) قبل العيد وبعدة

1- عند الخياط ..


لازم كل تمساح يستلم ثوبه الجديد بليلة العيد .. لان كل التماسيح يتذكرون انهم مافصلوا ملابس الا بآخر لحظة..

و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب..

وحالتهم حالة ... لو توقف عند باب الخياط .. ماتشوف غير اثواب تتطاير وتتحذف .. واللي يصرخ ويقول هذا ثوبي يا تسلب وراك عفطته ..
والثاني ينشق حلقه وتطلع بلاعيمه ويناشق لان عزوز اخذ ثوبه بالغلط ..

وعبود ماسكن صويلح من رقبته عشان يتأكد ان اسم صويلح مكتوب على الورقة المعلقة برقبة الثوب ..
ومناحي منسدح من القهر على بطنة لان ثوب ولد عمة سلوم طلع اطووول من ثوبة..
واللي يشق راس الخياط بالمقص عشان سعر الفاتورة ...

واللي يصن الخياط ببقس على دميحته لانه طالب قماش زبدة والخياط مفصل له ثوب من خامة تريكو ...

وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...

واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب ..هع هع






2- في الحلاق..

تشوف الشباب صافين بالدوور.. مثل طابور مخبز الكراامة
..خخخخخخخخخ

بس من جد حالتهم تقطع القلب ..

واحد يجره ابوه من كشته .. تقول نعيمية ... ..واللي يبكي لان اخوه متعود يحلقه على الصفر ..ويقول له تكفى خل لي خصلتين <<<< و هو صادق ..على الاقل تنفع قرون استشعار .

واللي مايبي الحلاق يحلق له بموس لان الصلعة حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..خخخخخخ

و ابوبندر ..بعد حيي والله جاي يصبغ هالشعرتين اللي براسه ....

و دحووم ينتظر دوره عشان يضبطون له حواجبه بالخيط ...واللي يبسط بالحلاق للفجر .. وهات يا صنفرة و سمكرة ...

واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على راعي الكامري اللي صافطه وراه ..

واللي ينجلط الا اكتشف ان السكسوكة اختربت... واللي يلعن الحلاق لانه قص له مارينز بالغلط ..
واللي جاي يزرع

وما خفي اعظم ..

3-صباح العيد..


ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..
وخويلد يتهاوش مع منيرة اخته .. ويبي يتروش قبلها ...

وكلن يتروش بذمة و ضمير .. ويلعن اسلاف الليفة بالصابون .. ويقعد يفرك بها الين يلمع ويلق ويعرف ان الله حق ..

و حمود يسطر منقاش ... لان منقاش لبس طاقيته المشخله بالغلط ..

واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري

واللي تحرق الشغالة شماغه..

وبعدين يرتفع صوت الصراخ .. لان الاستشوار حق مزنة احترق... ولازالت كشة مهند واقفه و تسبح لربن خلقها .

واللي يتدرب شلون يصب القهوة للرجاجيل في المجلس ..

واللي يبكي و مضيع بوكه الجديد بولمعة .. واللي اخترب طقم الكبكات الفضة حقه ..

واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم هاوشته ومارضت تكوي له ثوب غيره

وغيره محتار ومايعرف يختار نسفة لشماغه ..



4-برى البيت..
سعيدان ..قائلا : اهبببببببببب يا محمد .. شف نوير بنت عمي اللي ماتستحي ..ماهيب لابسة سروال ..

ومطلعتن كراعينها ..وسعيدان يرد عليه ويقول له .. استح .. هي لابستن هيلاهوب بيج ...


واللي يتهاوشون على الطراطيع ... واللي مطنقر وماد البوز مترين لان خاله جحده ولا عطاه عيدية
وبعد ماتصير الساعه 8 ...


تلاقي نص الشباب بالثمامة..هات يا تفحيط و تقحيص

... و الزحمة تصير عند شواية الخليج ...

واللي يطلع القنص مع الاهل في وادي الدواسر والربع الخالي..

وياخذ معه عدة الصيد : وااللي تتكون من شوزن و بندق و خنجر..<<على بالهم رايحين حضرموت

واللي يبسط بالنعيريه ويأجر دبابات من عند المصري..

_________________


نــــايف هــزازي تسونامي الخليج....متى ترجع يالغالي فقدناك.....

هههههههههههههههههههههههههههههههههه من جد ههههههههههههه حتى اخوي بالعيد الصبح طلع ثوبه من الخياط بدون ازره ههههههه
عاااد هذا لحاله



ابوكوبرا وخرو عنه من قده متكشخ ههههههههههههههه

تسلميييييين يادج دج

_________________

يوووه ذكرتيني بالعيد وشوقتيني له يلعن ام الفله بايام العيد..
بس الحركات والازعاج كانت زمان تصير الحين كلن يلبس وهو ساكت..

صااادقه واالواحد يلعن ابو البيت كله عشانه مضيع طقيته والله حاااله تسلموووووووون ع ردودكم

_________________


نــــايف هــزازي تسونامي الخليج....متى ترجع يالغالي فقدناك.....