اولا شباب حبيت اقولكم اني سفير المشاغبه في جميع الدول يعني بالعربي ( راعي سفريات )
واحب السفر بالعربي ومافي عطله الا اسافر وبصراحه انا مااقولكم اني شاعر وامدح نفسي لكن عندي حب لكتابة الشعر الفكاهي واي حدث مناسب يصير لي في حياتي باكتب عنه قصيده فيها شي من المزح والضحك .........الخ عموما مابغا اطيل عليكم هذي قصيده في اندونيسيا كمايسميها البعض ( بلاد العمه ) و( بلاد الطبيعه ) ( بلاد الاندوم ) ( بلاد الالـــ1000ـف جزيره ) عموما مابغا احكيلكم عن السفره فوالله شي خيالي لو اقولكم حكايتي فالسفره ماتكملون نص القصه الا مختمين الجواز واخذين تذاكركم على هذه الدوله خضااااار بصراحه قمت استحقر اللي يسافر للبلاد العربيه وانا مستعد اكتب موضوع في هالناحيه بس المشكله مافي قسم في المنتدى احط فيه موضوعي :: اقرو القصيده وامانه كل مين يعطيني رايه بكل صراحه ويعطيني تقييمها من خمس نجوم كم تستحق نجمه :

قصيدة في اندونيسيا
بأسم الله ابدي ثم الحن واغني في الديره الخضره بها كل فني
وان غبت عنها والله ماهو بمني وهذي السنه نفعل بها كل ماطاب
بأبدا لكم في شرح سفره غريبه في شهر خمســ5ــه يم ديره حبيبه
وان شاء ربي رجعتنلي قريبه وهذي السنه نفعل بها كل ماطاب
السبت والله اعلنو وقت الاقلاع والطائره تبي تحرك بالاسراع
ثمن ركبنا كلبونا بالاجماع وهذي السنه نفعل بها كل ماطاب
يوم الاحد يوم وصلنا للاندوم في الطائره وقتي غدا كلها بنوم
من هم الاسهم صار ممدوح مهموم وهذي السنه نفعل بها كل ماطاب
ثم اخذنا غر فه وسط هوتيل ارب4ـع نجوم واقترب تالي الليل
ومن التعب بكره ترى الشوط تكميل وهذي السنه نفعل بها كل ماطاب
وفي اليوم الثاني دفعنا لنا حساب والله واخذنا تذكره لكل الالعاب
( دنيا فانتاسي ) تجمع لنا احباب وهذي السنه نفعل بها كل ماطاب
ثم ذهبنا بعدها للتلفريك والانقلش ياصاحبي افضل اسبيك
فوق السماء سبحان منهو معليك وهذي السنه نفعل بها كل ماطاب
ثم نزلنا تحت نشوف الاسماك جميع مافي البحر تلقاه ويلقاك
والله بتتعب ياخوي دوم رجلاك وهذي السنه نفعل بها كل ماطاب
وفي اليوم الثالث كل شي زيني يم التراث الهندسي تمن ميني
ياصاحبي كل يوم بانسى سنيني وهذي السنه نفعل بها كل ماطاب
وفي اليوم الرابع رحنا لبونشاك يم الديار الي تنسيك ماجاك
يانعنبو من جاء للاندوم ماجاك وهذي السنه نفعل بها كل ماطاب
اخذنا في باريتا فله ث8مان وكاس العالم بدا عند الالمان
خضار باالفله مهو طعوس بران وهذي السنه نفعل بها كل ماطاب
ثم نزلنا ياجماعه للتيوس يارخصها ياناس بديار بقوس
ماتصلخ بسكين تصلخ ترى بموس وهذي السنه نفعل بها كل ماطاب
ثمن تعشينا وجتنا الامطار وثم نمنا لين جاء وقت الافطار
ثم ذهبنا يم حديقه ازهار وهذي السنه نفعل بها كل ماطاب
وفي اليوم السادس مشينا سفاري شفنا جميع حيوان بذاك الخضاري
وتشوفها بعينن عقب كنت قاري وهذي السنه نفعلبها كل ماطاب
ثم رحنا لبحيرة صغيره تسمى بالليدو بحيرة شهيره
ثم ركبنا به قوارب خطيره وهذي السنه نفعلبها كل ماطاب

وفي اليوم السابع رحنا البراشوت صملنا لكن فجاءه خفنا من الموت
وسبحان من نجى نبيه من الحوت وهذي السنه نفعل بها كل ماطاب
ثم اخذنا جيب بنص مليون يانعبو عيشه من كان تكرون
وصلنا لباندونق وصرت مجنون وهذي السنه نفعل بها كل ماطاب
من بعدها رحنا على الوتر الحار وقبل تدخل لازمن تدفع ايجار
والصدق يوم تطلع تصير محتار وهذي السنه نفعل بها كل ماطاب
ثم طلعنا فوق لعند بركان وريحة الكبريت ماتعجب انسان
واحنا طلعنا سوي جئلان جئلان وهذي السنه نفعل بها كل ماطاب
وفي اليوم التاسع رحنا شباناس وهزني الشوق لديار ريماس
رجعت متبلل وكم صرت منحاس وهذي السنه نفعل بها كل ماطاب
وفي اليوم العاشر اخذنا راحه وزارد قلبي ياخوي في جراحه
بونشاك تسوى 200 ابها وباحه وهذي السنه نفعل بها كل ماطاب
وفي يوم اخر رحنا لسوكا بومي بلابان راتو والله تزيل الهمومي
ومافي المدينه غير ذيك السمومي وهذي السنه نفعل بها كل ماطاب
ثم اخذنا رحلة فوق دباب نمشي نوقف عند منظر خلاب
اقول صادق والله ماني بكذاب وهذي السنه نفعل بها كل ماطاب
رحنا نقضي يم شمباكا ماس وحصلنا في منقادوا كل الاجناس
واسواقهم والله تفتحلك انفاس وهذي السنه نفعل بها كل ماطاب
والحمدلله لله حنا رجعنا بسلامه ولبسنا ثوب وعقال وعمامه
وش ذنب من مايهتني في منامه وهذي السنه نفعل بها كل ماطاب
ــــــــــــــــــــــــــــــــــــــــــ
وسلامتكم
مع تحيات ابو ريماس
المدينه المنوره
ترجمه لما ورد في القصيده جئلان جئلان = نتمشى الووتر الحار = الماء الساخن في باندونق

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي