السلام عليكم ورحمة الله وبركاته
وشولنكم ان شاء الله الجميع بخير
قبل لا أبدا احب اذكر ان هذي مجموعة دروس ابدا فيه بمقدمة عن المواقع ثم الشروط البرامج اللي لازم تكون متوفره ثم بعدين التطبيق بعدين على البركه الموقع وان شاء الله الجاي أفضل واحلى ترقبونا بس لامنا جينا أشرلنا <<< قــام يحوس الله يخلف عليه هههههه
الجزء الاول

هذا الدرس اقدمله لكم للي ناويله على منتدى أو موقع عموما وتستاهلون أكثر بس يبيلكم تنتبهون زين اثناء الشرح مو القى واحد سرحان واللي نايم لا لا لا والف لا ترا بعدين اطرده برا الفصل
أشووووف! لا اشوا كلهم منتبهين الحمدلله
المهم اول شي لازم اعرفكم على الشروط اللي لازم تتوفر عشان تركب منتدى
--------------------------------------------------------------------------------------------------------------------------
1- مساحة
اول شي وشي المساحة
المساحة هي انك تملك سعه على الانترنت عشان تحمل عليها ملفات المنتدى وغيره وتكون مربوطه بدومين (ابعرفه لكم بعدين) وهذا الدومين (الرابط)تحصل اخره .COM أو .net مثال : bdr130.net , google.comوتربطه بالمساحه وغالبا تلقاه مربوط من المواقع الي تقدم لك خدمة الاستضافه(هذي شركات على الانترنت تدفعلهم ويعطونك مساحه مع دومين) (طبعا الدومين انت اللي تختاره وهم اللي يحجزونه لـك ويربطونه بالمساحه. وعلى حسب كلما كانت المساحة أكبر كلما يزيد السعر وانت اهم شي خذ الشركات الكبيره ولايهمك السعر عشان يبقى موقعك 24 ساعة على الانترنت وبأمان طول فتره الاستضافه
---------------------------------------------------------------------------------------------------------------------------
2- قواعد بيانات
طبعا هذي تجي مع الاستضافه دايركت وهي اللي يصير فيها مواضيع الاعضاء والمشاركات وفيها جداول
كل جدول له اهميته.
مثلا جدول user <<< هذا اللي فيه الاعضاء وتواقيعهم ورتبهم ...الخ
وتفرق من منتدى لمنتدى
وطبعا قواعد البيانات لها مهام ثانيه مو بس ذي
---------------------------------------------------------------------------------------------------------------------------
3- دعم بي أتش بي
هذي تجي مع الاستضافه ايضا يعني اذا كنت دافع روح للشرح وانت تضحك ها ها ها لكن الضحك هنا ممنوع ههههه
---------------------------------------------------------------------------------------------------------------------------
طيب واحد منكم يسأل كيف يقول تركبه على جهازك وبعدين يقول تدفعون !!!؟
انا أقولك
هذا برنامج تحطه عندك بالجهاز حجمه بين 8 ميجا والاصدار الجديد مايتعدى الـ14 ميجا يعني حمله وانت نايم وماياخذ منك ساعتين بالكثير
وظيفة البرنامج يترجم الاوامر البرمجية اللي توضع فيه ويطلعها لك على شكل معلومات (مثل الاستضافات لكنه داخلي بالجهاز)
يعني على بلاطة المنتدى اللي تصلحه يصير كانه برنامج بجهازك ماحد يشوفه الا انت وتقدر تتصفحه بدون انترنت وغالبا يستخدم للتجارب والتصاميم لانه اسهل واسرع
طيب هذا البرنامج
اول شي اعرفكم على معلومات البرنامج
---------------------------------------------------------------------------------------------------------------------------
اسم البرنامج: Appserv
اصداره: 2.4.0
الحجم : 8.48 ميجا
التحميل: اضغط هنا
---------------------------------------------------------------------------------------------------------------------------
- اوكي وهذا اخراصدار من منتديات الفي بي (95% من المواقع تستخدم منتديات الفي بيvBulletin وهي مشهوره )واذا حبيت تعرف وش نوع واصدار المنتدى اذهب بمنطقة الفوتر (اخر المنتدى عند الحقوق )بتحصل مكتوب Powered by vBulletin 3.6.0 هذا معناه ان نوع المنتدى vb (اختصار كلمة vBulletin)واصداره 3.6 وهي النسخه الجديد <<< وش قالولك هم دلوخ مايفهمون خخخخخخخ
طيب اليكم المنتدى

--------------------------------------------------------------------------------------------------------------------------
اسم الملف: منتديات في بي النسخه الماسيه من مدرشة المشاغبين تطوير(أبو عمر) الله يجزاه خير
اصداره: 3.6.5 اخر اصدار

التحميل: اضغط هنا لتحميل النسخه الماسية (بدون هاكات) تم التحديث
الحجم: 2 ميجا بايت
اضغط هنا لتحميلها مع الهاكات تم التحديث
الحجم: 3ميجا بايت
--------------------------------------------------------------------------------------------------------------------------
اوكي هذي بس مقدمه حول المواقع <<< يلعن ابو الكلام كل هذا مقدمه هههه انا اقول عشان تعرفون كل شي عموما حنا لسا ماخشينا بالدرس <<< اظن انكم بترقدون من هالحين عموما يالله انتهت الحصه رح روق وجبلك كاسة شاهي ابركلك ههههههههه انتهاء الجزء الأول
تررررررررررن يالله روحوا تفسحوا هههههههه
اختصار هذا الدرس تعرف وشي المساحة والدومين وتنصيب برنامج الاباتشي (السيرفر الشخصي) والحمد لله رب العالمين
يتبع>>> شرح البرنامج وطريقة تركيب منتدى ترقبونا .................
والسلام عليكم ورحمة الله وبركاته ;)

_________________


أن تضئ شمعة صغيرة .. خير لك من أن تنفق عمرك تلعن الظلام

السلام عليكم
الجــزء الثـــاني
[2] طريق تركيب الباتشي (السيرفر الشخصي)

الان جينا للأهم وهو طريقة تركيب السيرفر الاباتشي
ومثل مايقولون وعلى قولتهم (الصورة تتكلم)
<<<لكن أن أخطات الصوره انا مالي شغل ههههههههههه :D

[1]
اضغط على الايقونة التي امامك



[2]الان قاعد يحميل السيت اب


[3]
أضغط على الموضع أمامك


[4] الان احفظ هذا c:/appserv وكمل الشرح


[5]خذ الخيار الاول بعدين اضغط على الموضح امامك


[6]الان خل المعلومات مثل ماهي لا تغير فيها شي
localhost
yourname@myhost.com
80


[7]
عدل المعلومات حسب الموضح امامك


[8] الان قاعد ينصب السيرفر الاباتشي خله لاتسوي شي


[9] الان اضغط على close


الحين لاحظ معي فيه علامة اشارة تحت

كذا انتهينا والحمدلله من التنصيب بس باقي شي مهم قبل كل شي

عيد تشغيل الجهاز عشان يشتغل معك زين

اوكي كذا عدنا تشغيل الجهاز الان اتبع الموضح لــك


بعدين لاحظ معي علامة السهم الاخضر تحت

هذا معناه ان السيرفر شغال الحين والف مبروووووك خلاص المنتدى بعده نص ساعه ان شاء الله
تابع>>>>

_________________


أن تضئ شمعة صغيرة .. خير لك من أن تنفق عمرك تلعن الظلام

الجــزء الثالث

[3] تركيب المنتدى على جهازك على السيرفر الشحصي
ركزوا الحين ترا الدعوه يبيلها تركيز وتعرفون طبخة المنتديات ان شاء الله وعقبال مانشوف مواقعكم ان شاء الله
-------------------------------------------------------------------------------------
[1]
اول شي نشغل السيرفر

----------------------------------------------------------------------------------

ثاني شي ادخل على الاكسبلورر (عادي لو دون اتصال)
وادخل على هذا الرابط cPanel®
راح يطلعلك هذا



---------------------------------------------------------------------------------
الان هذا اهم شي وسبق اني قلت هذي السالفه كلها (قواعد البيانات)

الحين حنا وضعنا اسم قاعدة البيانات وهو bdr130 اوكي اضغط على "تكوين"
-------------------------------------------------------------------------------
بعدين لاحظ اسم قاعدة البيانات على اليسار
اوكي قفل المتصفح وتابع

---------------------------------------------------------------------------
وروح لمجلد المنتدى اللي حملته وفك عنه الضغط
الان ادخل الى المجلد بتحصل مجلد باسم "vb" ادخل عليه
--------------------------------------------------------------------------
بتحصل مجلد باسم includes



ادخل عليه


--------------------------------------------------------------------------
ابحث عن مجلد الكونفق config
سوله تحرير بالمفكرة وادخل عليه
--------------------------------------------------------------------------

(اضغط على Ctrl+F )وابحث عن DATABASE NAME
بيظلله لك تحت بتحصل



الان اللي عليه المربع هذا اسم قاعدة البيانات وهو حاطلك هنا vbme ظلل هذي الكلمة واكتب اسم قاعدة البيانات اللي وضعناه بالسابق


-----------------------------------------------------------------------
والان عدله واحفظ الملف بعدين روح للخلف لمجلد vb



وسوله نسخ





------------------------------------------------------------------------------------
بعدين روح لهذا الرابط
c:/Appserv

وادخل على مجلد www





ولصق مجلد المنتدى "vb" بوسط مجلد www
------------------------------------------------------------------------------------
فاصل اعلاني ونعود <<< احلف هههههههههههههههه

-----------------------------------------------------------------------------------

ملاحظة:اذا كنت تستخدم النسخه مع الهاكات:
ادخل على c:\Appserv\www\vb
واحذف ملف .haccess
وتابع الشرح

-----------------------------------------------------------------------------------
بعدين افتح المتصفح وتوجه لهذا الرابط

http://localhost/vb/install/install.php


اتبع خطوات التنصيب بالضغط الخطوة التالية
----------------------------------------------------------------------------------

اذا وصلت لهذي الخطوة اتبع الشرح كما هو موضح بالصور




الان الطلوب منك تضع
اسم المنتدى
اسم الموقع << لوتطنشه عادي
رابط المنتدى <<< هذا لا تلمسه ابد
رابط الموقع <<< اكتب فيه اللي تبي
بريد الادارة
--------------------------------------------------------------------------------
بعدين أضغط على متابعه



---------------------------------------------------------------------------------
كمل الخطوه الجايه
--------------------------------------------------------------------------------
الحين يطلب منك




-اسم المدير
-الباسوررد
-عيد الباسوورد
-ايملك
اذا خلصت اكيد اضغط على الخطوة التالية
-------------------------------------------------------------------------------




الحين نقولك مبروووووووووك على المنتدى بس بقي شي
ادخل على c:/Appserv
بعدين ادخل على مجلد www
بعدين ادخل مجلد المنتدى اللي هو vb
دور على مجلد اسمه install واحذفه
بعدين اضغط على كلمة هنا
-----------------------------------------------------------------------------
الحين الف مبرووووووووووووووووووووووك على المنتدى ويتربى بعزك: خخخخخخخخخ p



ادخل اسم المدير والباسوورد اللي حطيته هنا



-----------------------------------------------------------------------------
بعدين شوف لوحة التحكم مرعبه صح خخخخخخخخخخخخخ يالله الف مبروووك
واهم شي تدعلينا بس بس تبون الصراحة تورمت يدي من كثر الكتابة بس تستاهلون ويقول المثل "من طول الغيبات جاب الغنايم يالله سامحوني على الغبية لكن الهديه ان شاء الله حلوه الجاي أفضل بس اهم شي ادعولنا ولا تنسونا واي واحد واجهة مشكلة يقولي وان شاء الله احلها له مابي اشوف الموضوع داخلين عليه 20 واحد الا و20 منتدى ان شاء الله
وفي الختام اقولكم تقبلوا تحياتي واحترامي لكم ز ان شاء الله الجاي افضل والسلام عليكم ورحمة الله وبركاته
أي استفسار انا حاضر
أي شي
(عمــر)
اخر تحديث يوم الاحد 29/4/2007 | 12/4/1428 H

_________________


أن تضئ شمعة صغيرة .. خير لك من أن تنفق عمرك تلعن الظلام

اي سؤال او استفسار انا حاظر ان شاء الله

_________________


أن تضئ شمعة صغيرة .. خير لك من أن تنفق عمرك تلعن الظلام

مشششششششششششششكور والله يعطيك العافيه