المره اخذها الفضول واجلست بجانبها واسالتها ليش تبكين عسا ماشر

فردت وقالت لها والله من العذاب اللي فيني

وليش؟ ويش السالفه؟؟!!

كنت متزوجه من زوج ونعم الازواج يحبني ويحترمني ويعزني

بس كان فيني عيب اني ما اجيب اعيال وانا حاولت بس الله مارزقني فشرت عليه انه
يتزوج ثانيه اهو مارضى بس انا ظليت احن واحن الين وافق

فدورتله على المرة وخطبتها له وتم الزواج بس بعد ما تزوجها شبت نار الغيره بقلبي لانه

اخذ يميل لها وماتمينا فتره الا والمره حامل زادت غيرتي المهم جابت له ولد الزوج

استانس وفرح وظليت انا افكر بروحي اشلون انا اللي شرت عليه

في يوم جاني زوجي وقالي بسافر مع مرتي الثانيه وبنخلي الولد عندك

ووافقت طبعا لانه مافي احد يمسك الولد غيري

والولد عمره تقريبا بين السنه وكم شهر واهو يلعب ويطامر قدامي

وانا بقلبي نار تشتعل مثل الجمر اشلون ياخذها ويسافر ولا !! ويخلي الولد عندي بعد

الخ من هالكلام وفجاه الا الولد يمد ايده بيلعب بالفحم اللي ومن ناري وغيرتي مسكت

ايديه وحطيتها اكثر بالفحم اللين ذابت ايده شلتها بعدها مايحتاج اقولك اشلون صارت

ايد الولد

وظليت ابروحي عايشه مالي احد غير ربي ومن ثم الولد اللي تشوفينه وصار اكثر من

ولدي واعز ويدور راحتي ويرعاني ومالي ظل غيره

واهو اللي يشوف طلباتي وطلبات البيت ومو مقصر معاي بشي

بس انا كل ماشفته ايده يتقطع قلبي على اللي سويته فيه واهو ينادي بيمه بس لحد الان

ماقلتله اني انا اللي شوهت ايده

سبحان الله اشلون حكمة ربك انه صار هالولد خير لي لولا هالولد كان انا حالتي حاله

ويرد يجيها الولد واهو خاش ايده ويحب راسها ويسالها ها يمة نروح الحين؟؟؟