السلام عليكم ورحمة الله وبركاته

.
.
.
.
.

مقدمه

موضوعي هالمره خاص بالسحالي .. الجنس الناعم

الا على طاري السحالي .. ما أدري ليه البنات يزعلون اذا قلنا لهم سحالي ؟

يعني فكروا فيها شوي .. لو شلنا حرف ( السين ) من كلمة سحالي

طلع الناتج كلمة ( حالي )

يعني الحلا فيكم فيكم .. وشوله الزعل جعل المشق يشق وجيهكم

<<<<<<< مسوي عصب

المهم نكمل المقدمه

خخخخخخخخخ

الموضوع يتكلم بشكل خاص عن ( الحجاب ) وبلغتنا العامية .. ( العباية )

يعني بصراحه هالايام صار الحجاب ( يفتن ) اكثر من انه ( يستر )

وللأسف بناتنا انجروا ورى الموضات والتفنن في ( تخريب ) الحجاب

وصار الحجاب يتفننون فيه اكثر من الملابس

اللي تلبس عباية على الكتف .. واللي تلبس العباية المخصره ( يالبى قلبها <<< خربها خخخخخ )

واللي تلبس العباية المكشوفه من قدام .. يقال لها ان الناس بيطالعون اللي ورى وبيتركون اللي قدام

تخيلوو معي .. وابي كل شخص يسرح معي بخياله الواسع في عالم العبايات <<<< ابوووك يالتعبير

تخيلوو اني رايح مع الوالده للسوق .. تبي تتقضى للعيد ( لا يكثر وأخلص علينا )

وانا أدربي راسي ورى أميمتي ومعي نص الاكياس اللي موجوده في السوق

مع انها قايله لي انها بتشتري غرض واحد وبتطلع

بس شكلها تقصد غرض واحد من كل محل في السوق

المهم وانا شايل ذا الأكياس الا يمر من عندي ذاك السواد اللي يحبه قلبكم

ولا شعوريا سقطت من يدي كل الأكياس

وفتحت خشتي وانا أردد (( وااااااااااااااااوووو ))

وبدأت السعابيل تقوطر من خشمي وليس من فمي .. من هول ما رأيت

بنت لابسه عباية على الكتف وياليتها على الكتف وخلاص

مخصرررررررررررررررررررررررررره لدرجة انك ما تدري هي لابسه عباية ولا ثوب أسود

وفوق هذا كله .. طاقه لك ذيك اللثمه اللي تخليك تشاهق من عيونك

والعطر اللي يشق الخشم ويخترق الجيوب الأنفيه خخخخخخخخخخخ

كل هذا وانا ما زلت فاقن خشتي أطالعها .. وما دريت الا بأمي الحنون

وقد أرسلت لي زنوبتها مقاس ( 38 ) على جبهتي .. وطبعت ذلك الرقم في وسط جبهتي

وقلت لها معاتبا : لماذا يأميمتي يعني لازم تفشليني قدام هالطخمه

وبحركه سريعه ... مغطت أمي أذني وجرتني على علباي وقالت :

هالطخمه اللي تقول عنها .. مهيب نافعتك لا جتك الهواجيس آخر هالليول وانت تفكر فيها

لاهيب اللي جايتك ولانتب اللي طايلها ..

وفوق هذا كله ما سترت على نفسها وسوت خير فيك وفي نفسها

وانطلقت أمي وانا حملت الأكياس ودربيت راسي وراها

(( يلموووني في اللغة العربية بتاعتي خخخخخخخخخ ))

الشاهد يا أخواني وأخواتي ..





لماذا أصبح الحجاب هكذا ؟

أنا عندي سؤال للبنات اللي يلبسون عبايات على الكتف .. حتى لو كانت وسيعه

وش تستفيدين من لبس هالعباية ؟؟

فيه بعض البنات تقول انا تعودت عليها ..

بالله تعودتي عليها .. احلفي قوة

طيب انتي ما تعودتي عليها الا من كثر ما لبستيها

سؤال يسدح نفسه ..

انتي جربتي تلبسين عباية على الراس وتتعودين عليها ؟

أكيد جوابك لا ما جربت .. ويمكن جربتي بس انتي حاطه في بالك انها ما تجي عليك

طيب وش اللي يمنعك تجربين ؟؟

فيه بنات يقولون شكلنا أحلى بالعباية اللي على الكتف

أقول لهم .. ومن قال لكم ان العباية للتزين ؟؟

العباية للستر

أنا اجزم أنا كل فتاة تلبس العباية المخصرة او عباية الكتف ما عندها الا سببين

الأول : انها مقنعه نفسها بأن شكلها احلى بالعباية اللي على الكتف وانها متعوده عليها

او

الثاني : انها تبي تفتن خلق الله وتتمخطر علينا يالتماسيح

اما اللي تلبس العباية المخصره وعباية الكتف لانها مقتنعه فيها بأن شكلها أحلى

فأقول لها لو جربتي عباية الراس وحطيتي في بالك ان شكلك احلى فيها ..

راح تقنعين نفسك مع الأيام بأن شكلك احلى بالعباية الرأسية

واما اللي تلبسها عشان تفتن وتتمخطر .. هذي ما أقول الا الله يهديها

نست او تناست ان كل شخص ينفتن فيها راح تحمل وزره

ووزر كل من ينظر لها



نست أن هذا الحجاب هو راس مالها وتاج راسها

وانها شوهت صورتها قبل ما تشوه صورة حجابها

ما أطول عليكم

بس حبيت أنصح خواتي المسلمات بانهن يتقين الله في حجابهن ولا يتبرجن تبرج الجاهلية

قال تعالى " ولا تبرجن تبرج الجاهليةِ الأولى " .. سورة الأحزاب 33

أقول لأختي المسلمة

(( اذا ضاع حجابك .. ضاع شرفك ))

ولا خير لكِ بعد ضياع الشرف

واحب أشكر كل بنت اهتمت في نفسها وفي حجابها

وسترت على نفسها وفكتنا من المطالع والتبقق

وأقول لها لا يهمونك مدعين حرية المرأه

واللي يرددون عليك وعلينا ان الحجاب من مظاهر التخلف

لا يهمونك البنات اللي في عمرك ويلبسون عبايات على الكتف

والله الود ودهم يجرونك معهم حتى ما تكونين أحسن منهم

لا يهمونك اللي يضحكون عليك ويسخرون منك

وتذكري .. ( من ترك شيءا لله عوضه خيراً منه )



وآسف على الإطالة

* * * * * * * *

دعائي الخاص للحراميه

لكل من تسول له نفسه ويسرق الموضوع من هذا المنتدى يكتب تحت الموضوع

(( منقول من منتدى مدرسة المشاغبين للكاتب . عناد القصيد ))

غير هذا .. الله لا يجزاك خير لا دنيا ولا آخره ولا يوفقك

وبس



عناد القصيد