ولع رماد الشوق يا معذبي نار=من كان يحلم بإشتعال الرمادي
ما كنت احسب انه يكون اللقا حار=لين التقينا واشبكتنا الأيادي
وقامت لنا الذكرى تغني على الطار=تنساب باسماعي نغم حب هادي
حسيت شي لفني مثل الإعصار=واستيقظت نشوة غلاك بفؤادي
اخذت لي سجة وانا شبه منهار=بين الخيال وبين علم وكادي
وفزيت يوم اني تنبهت وش صار=مثل الذي توه صحي من رقادي
تغير الموقف بلا سابق انذار=وغير المشاعر جت مشاعر جدادي
رديت لك عقب التجافي والإنكار=وطويت صفحات الزعل والعنادي
وتبددت ذيك المبادئ والأفكار=ايه جنون افكار وايه مبادئ
تراي انا مليتها لعبة النار=ماحد لعبها قبلنا واستفادي
من رد للجنة عقب صالي النار=حتى السموم يصير عنده برادي

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي