ما اقدر الا اعلق على روعه و ظرافة هذا الموضوع . هذا اولاً .

و الله هذي الايام طفشانه مرة اروح الصبح من الساعه 7 الدوام

و اقعد اشتغل مثل الآله و بالنهايه شغلي ما يعجب احد مع

العلم اني ما اتصرف من عقلي يعني هم يجوون و يقولون

لازم تسوين كذا و ترسلين فاكس لفلان و تدخلين بيانات فلان

و لد علان و لازم تنزلين اعلان في جريدة المبوبه و أستقبل

البايشين و و و و .................................................. .......

و اسوي الشغله اللي يبونها بالحرف الواحد آخر شئ يقولون لي

وش ذا ؟ والله ساعته ودي يكون بيدي عصا اكفخهم فيها

البريك من الساعه 12 الى الساعه 3 و كمان ما اتهنئ فيه

ما اوسع صدري الا لما اقعد على المنتدى هنا و ارجع على الساعه3

للشغل اكمل شغلي و اذا خلصته أعطوني شغل فلانه اسويه

عنها بحكم انها داخله بذي الشغله عن طريق الواسطة و انا مالي

ظهري لذلك اللي ما عندها واسطه تخدم اللي عندها .

المهم و الاهم . ينتهي شغلي على الساعه 9 لما أرجع

الآقي الكل نايمين و لا أحد يسمعني و يجي بخاطري أرفس احد فيهم

انا اكرف في الشغل و هم بالاحلام الوردية و بعدين آكل اي شئ و احط راسي

و انام و الله يعين على الدوام الثاني برمضان يستمر من 3

الى 12 بالليل ودي اطلع من الشغله و اقعد بالبيت احسن .