 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
02-14-2010
| |||
| |||
 طريقة شوي الخروف كامل بالـصـور والتفصيل السلام عليكم ورحمة الله وبركاته ياحي الله مشرفين واعضاء وزوار مدرسة المشاغبين  اليوم حاب اقدم لكم طريقه جميله وومتعه لشوي الخروف كامل وان شاء الله تعجبكم الطريقه تقريبا اغلبها اجتهدات مع معرفه للااسسيات اول شي نذكر المقادير - خروف لباني ( يعني توه مابعد فطم ^ شهرين-3شهور)  2- منقد ومعلاق للذبيحه وطبعا الفكره كلن يخترع من راسه لان مافي شي ثابت يعني تقدر تسوي لك قواعد على شكل حرف Y ثنتين وتسقط بينها عامود بحيث انه يصير ماسك الخروف وتقدر تلف به وهي فكره بسيط بس عاد يبي لها لياقه  . وتقدر تسوي لك قواعد ثابته حديد ترتفع حوالي نصف متر عن المنقد وتفصل لك وجار على قد الذبيحه او انه يصير اطول واعرض بحول 7سم وتركب لك رمان بلي بحيث ان العصاتصير حره وتدخل في وسطه ولها مماسك على شكل L . واذا فهمت الفكره سهل انك تضبط المعلاق 3- ملح ناعم ( يازين هالمقدار مايبي له شرح ابد )  4- فحم واحرص انه يصير واجد وتصير الشبه على دفعتين في اوقات مختلفه 5- مخيط الى يستخدم في خياطة الخيام ولفه من خيوط الخيام الصوف طريقة الاعداد : بعد الذبح تسلخ الذبيحه كامله مع الراس بحيث انها ماتقطع ولا يفصل الراس ويحاول الى ينظف البطن انه يصغر الشق على قدر الامكان لانه بيخاط عقب   ثم توخذ الذبيحه وتغسل وتنظف من داخل مرة وحده الى التسبده هي الى ماتخالف تحطه وتخيط بخيط بحيث انه ماتقعد تدحرج اثناء التقليب والكبد حطت لانها سمحه مايبي لها الى ريحة حراره وتستوي ومن عقب ماضبطنا وغسالنا الذبيحه نملحها من داخل ومن برا بدون بهار ولا شي ثاني ثم يخاط بطنها خياطة مضبوطه بحيث انها مايصير في الخياط تنسيم  ويشب الفحم لين يجمر كله  ثم يشك في الصيخ ويربط مضبوط عشان مايدور بوش اثناء التقليب وتربط الرجلين واليدين والرس مثل هالي في الصوره بحيث انه الهبر كله يجيه نار ومايصير شي ني  يتبع رد: طريقة شوي الخروف كامل بالـصـور والتفصيل وبعده يحط على النار ويصير فيه اثنين نشاط متقابلين يدورن به بااستمرار عشان مايحترق ويصير سواه متساوي  ويلاحظ بعد يجي ربع والى نص ساعه انه بدا يحمر وهذا يدل على الشغل عدل  وبدا ينقط زيت فلازم تهف الجمر لا يطفاء مع الزيت  ثم الى خذت حول هالساعه والى ساعه ونص شب لك على الدفعه الثانيه من الجمر عشان تزود منها جمرك لانه بعد حول الساعه يصير الجمر تسنه خمد مع الدسم وتسان الهرفي سمين مايخالف تغزز بالسكين المناطق الى فيها لحم واجد بحيث ان الحراره تاصل الهبر كله مثل الرجلين بس عاد اهم شي لا تقرب البطن همن تشقه ويخرب الشغل كله  الطبخه تستغرق من ساعتين ونص الى ثلاث ساعات ( قايل لكم يبي لها لياقه )   يتبع رد: طريقة شوي الخروف كامل بالـصـور والتفصيل همن الى خذت لك حول الساعه ونص او الساعتين غدى الخروف كله محمر  واهم شي قبل لا تشيله انتبه للمنطق الى فيها هبر واجد مثل اليدين والرجلين  والعلامه الخضراء  الى بعدها تقول قربوا الصحن هي الى صار  رد: طريقة شوي الخروف كامل بالـصـور والتفصيل واحرص على تقديمه من تشيله من الفحم والى الجماعه ولمين ومجهزين السماط   ولا يقومون الى مسوين تسذا   واتمنى الموضوع والطبخه جازت لكم  تحيتي للجميع
_________________   |
|
#2
02-14-2010
| |||
| |||
 رد: طريقة شوي الخروف كامل بالـصـور والتفصيل مسكين انقرض الخروف  عليكم بالعافيه والله انكم ولا الشيف رمزي منتب سهلين
|
|
#3
02-14-2010
| ||||
| ||||
| رد: طريقة شوي الخروف كامل بالـصـور والتفصيل هههههههه انقرض بقووه~ بس بعض الصور مرعبه والله لكن طعمه بالنهايه اكيد حلو~ لاهنت اخوي على الخروف الجميل
_________________ . .  Love is how much do you care |
|
#4
02-15-2010
| |||
| |||
| رد: طريقة شوي الخروف كامل بالـصـور والتفصيل اممممممم وصلتـ ريحة الشــــــــوي لحد هنا>>>هههه الله عليهم هالشباب وربي ابداع الي رحمته بذالسالفه هالخروف مرتز بالسياره ونهايته كانت مؤلمه فعلا بس عوافي على بطونـــــــــــهم ..... شهتوني وقسمـ واحلــــــى تقييم لاحلى موضوعـ
_________________ قران يتلى بمجرد فتح الرابط ويغلق عند إغلاقه.. إرعصوا هوون ...} |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| طريقة استخدام البلاك بيري | احلى بلاك بيري | تحديثات بلاك بيري blackberry update software mobile | 21 | 02-12-2012 05:09 PM |
| أفضل طريقة لإدراج الصور في الإكسل وفرزها وتصفيتها- سامي كامل أبو زيد | sendbad3030 | البرامج المشروحة و شروحات البرامج | 1 | 10-09-2010 10:57 AM |
| [شرح] أسرع وأسهل طريقة عرفتها المنتديات فى ترقية نسخة المنتدى بشرح كامل (منقول من شرحى بمنتدى آخر) | freethink | تطوير و صيانة المنتديات vBulletin | 9 | 07-03-2010 11:42 AM |
| طريقة عمل البيتزا روووعه شرح كامل بالصور | pearl9 | المطبخ الاكل طبخ اكلات و اطعمة عربية غربية شرقية ماكولات منوعة food | 3 | 03-25-2010 12:28 AM |
| أفضل طريقة لإظهار أيقونات سطح المكتب المختفية- سامي كامل أبو زيد | sendbad3030 | البرامج المشروحة و شروحات البرامج | 0 | 01-24-2010 01:10 AM |
-الدورات
التدريبية بجامعة نجران-
العرض العادي
