سلااااااااااااااااامزززززز عالجمييييييييييع

اخباركم ؟ مناااااااح كلكم ؟؟ << ان شاء الله دووووومز
شوفوا القروين مع سفرتهم هههههههههههههههههه

هذي قصه قريتها تموووت من الضحك قلت انقلها لكم ,,,


مزنه وهيله وصيته ...ثلاثي بنوووتي في بيت واحد ....هذولي خوات ساكنين ببيت ابوهم بعد ماتوفي ومالهم في الدنيا غير هالبيت وراتب ابوهم التقاعدي ....ومقطوعين من شجره !!

مزنه :الاخت الكبيره ..يلقبونها وزارة الداخليه ،، موظفه في احد البنوك وراتبها على قد وظيفته.. عمرها في حدود الاربعين ،، تعتبر اعقلهم .. سنعه،، شخصيتها قويه ...

هيله :الاخت الوسطى ((الوسطى والا الشرقيه ؟!)<<بدا التميلح ههههههههههههه..
متخرجه من معهد كمبيوتروجالسه في البيت ،،تلقب بأم لسانين ،،عربجيه بقووووووه ،، تكره التنانير وتموووت على سراويل السنه وفنايل العلاقي ...عادي تستهبل مع جيرانهم وتنسم كفرات سياراتهم .. كانت تلبس مريولهاوتلبس تحته ترنق ابو خطين على جنب غير الزبيريه (وانتم بكرامه)...تمووووت على شي اسمه مقالب ...ماتصدق تلقى خنفسان او صوارير تاخذهم وتحطهم بدرج اختها ..بأختصار كانت ولد ألا حبتين !!!

صيته : الأخت الصغرى ...(اجل وين العظمى صاروا درجات حراره !!)<<خلصينا وهاتي السالفه!!...تدرس في الثانوي ...شايفه عمرها على خواتها لانها الصغيره ،، تلقب نفسها ب:ميمي <<يااااااااي !!

صيته ومزنه وهيله ..جالسين بالصاله عند التلفزيون...يشربون شاهي وفصفص والجلسه عسسسسسسسسسسسسل ... وسواليف على كيفكم ....

مزنه :منااااير وش فيك ..؟!ليه ضايق صدرك اليوم ؟!
صيته :الحين ورانا حنا كذاااا ..؟!
كل زميلاتي يسافرون بالصيف برا وينبسطون وانا ماعمري تعديت حدود بيتنااا ...ودي اسافر مثلهم
لا تحسسسسسوني بالنقص !!<<تستعطف خواتها ...

مزنه : وين تبينا نروح طيب ؟؟ومع مين ؟من بيسنعنا ..ومن وين لنا مصروف يكفي !!
انتي تحسبين المسأله سهله !!

هيله :هع هع جيبي مدرس رياضيات يحل لك المسأله !!

صيته :بدل ماتستخفين دمك دوري لنا حل !!الله يخليكم ودي اسافر !!
قالت مزنه: هيله متى تتطورون ؟!
الناس وصلواالمريخ وحنا سوريا ما وصلناها!!!

مزنه: حنا ما علينا من غيرنا....السفر ماهووب سهل !!

هيله: اذا على الفلوس راتب ابوي مع راتبك يكفون ..واذا على المحرم ماعليك ارقدي وامني انا عن ألف محرم !!
صدق ليش حارمين انفسنا مادام اننا نقدر ..؟!!

صيته :ايه خلاص ياحبيلك خلينا نروح !!

مزنه :طيب وين ..؟!

هيله : نروووح لألمانيا تكفووووون ..عشان اتابع كاس العالم !!

صيته :اقوووول ا سكتيييي انتي ..انا اقوول نروووح للبنان ..عشان مانتعب انفسنا انجليزي ولا شي ،، اخواننا عرب .. ومنها نروح نلعب بأشكالنا شووووي انا اصير زي اليسا ،ومزنه زي باسكال ، وانتي مثل نانسي !!

هيله :وووووووع مالقيتي الا ذولي من زينهم ..انا ازين منهم!!

مزنه:اقوول اسكتيييي انتي وياها ..فرضنا بنروح للبنان..من بيحجزلنا ومن يستقبلنا ووش عرفنا بالاماكن والسكن ووووووو

صيته:خلوا كل شي علي ..أنا بسأل زميلاتي ..بس انتم قررروا!!!


مزنه :والله اني خايفه ...خلوني افكر !!

صيته :ياحبيلك يامزنه تكفيييييين ودي لو مره بحياتي استانس (وكان لهذه الكلمه وقع شديد في نفس مزززنه )...!!


وبعد اسبوووووووع

نزلت مزنه على البنات بالصاله ومعهاورقةتقراااء منها .....بسم الله الرحمن الرحيم

اما بعد .....
بعد مناوشات ونقاشات وتكتيكات وتفكيرات متلازمه قررت انا (حصه) السفر خارج المملكه ولكن بشروط سسردها كالتالي:

1/الميزانيه تكون بيدي ...وسوق لا تفكروووون تروووحون
2/مسألة الكشف شيلوها من راسكم ،، لو تعضون الارض ما خليكم تطلعون وجهكم لأحد
3/السفر لمدة اسبوع فقط ...
4/الاقتصاد بالاكل والشرب ...
5/ان هيله تترك عنه اللقافه وطول اللسان ...
6/ان كلمتي هي اللي تمشي ..واي قرار اتخذه هناك ينفذ بلا نقاش ...

هذا ولو تم تجديد في الشروط السابقه فيلزم الاطراف التقيد بها ....والا :
اقعدوا هنا وانثبروا .....

هيله وصيته بصوت واحد :لا لا لا لا لا
خلاص اللي تبينه بيصير !!

وبدأت هيله وصيته ومزنه بتجهيز أغراض السفر ....

هيله :اقول صيته ،، وش رايك اخذ لبس كشخه ..ولا كله ترنقات وقمصان؟!!

صيته: (( بغت تجيها سكته قلبيه )) وش قمصان انتي ووش ترنقات ..تبينهم ينزلونا من الطياره !!!

الله يفشل العدوو خوذي احسن لبس نبي نروح نكشخ هناك حنا مووب اقل من غيرنا ...!!!

هيله : ادري ..انا اقول محد يعرفنا ..يعني احس اني باخذ راحتي هناك ..

مزنه :وش دعوه عاد انتي مقصره هنا ..اقول تراى شارطه عليكم ولا ترى بهوون !!!

هيله : لا لا خلااااااااااص ..كنت امززح معك يااخيتي ....

مزنه : خلي مزحك ذا بوقت ثاني .. وخلصي تري بكره الساعه 8 لازم نصير بالمطار ..

صيته: اقول هيله ..تكفين عطيني الكاميرا حقتك ودي اخذها معي ..!!

هيله : اقول هذا الي ناااقص مابقى الا هي ..ماعندي غيرها من ريحة المرحوم !!

صيته : من زينها الحين ..ابيض واسود .. لا وبعد متكسره ما بقىفيهاالاسنتيمتر وملصق بشطرطون

هيله :ماعليك .. يكفي انها من ابوي ..

مزنه : وبعدين انتي وياها .. يالله خلصوا واخمدوا بفراشكم بروح اكمل المطبخ ....


الساعه ..2 بالليل ......
هيله : يماااااااااااااااه ....

صيته : بسم الله الرحمن الرحيم وش فيك وجع هبلتيني ..!!!

هيله : ماادري يماااه حلمت حلم يخوووف !!!

صيته : خير اللهم اجعله خير...وشو ؟؟!!

هيله : حلمت ان معنا بالطياره انتر تيكر .. واني تهاوشت معه وجدعني من الطياره !!!

مزنه : يووووووووووووه..وانتم ما تخلون احد ينام براحه !!

صيته: هيله ..وشرايك تنامين..بس ياشين الشهابه من كثر ما تهوجسين بالطياره تحلمين فيها

خخخخخخخ وهذا اللي يشوف مصارعه قبل النوم ...

((ورجع الهدوووووء يعم ارجاااء المكان ))

الساعه .... a.m 8
مزنه جايه من المطبخ تناااافخ وبيدها مغرفه : وقسم بالله ان ما قمتوا اني لااهون عن السفر: انتم كفوا تروحون لخرخير وترجعون بنفس اليوم بعد ... قووومي انتي وياها يالله ...
تقوم هلوو وصيصي بشين نفس ويتسحبووون للحمام (( وانتم بكرامه ))..بعد اقل من نص ساعه الكل واقف عندباب البيت
صيته : الحييييييييييين بنروح للبنااان وتبيني اروح للمطار بليموزين ؟!!! انا صيصي اخر عمري اركب ليموزين ؟؟!!

هيله : اي والله صادقه صيصي ..المفروض استاجرنا دينا 2005 عشان تودينا ....صيته : تطنزين انتي ووجهك ..اصلا ً هذا مستواكم حدكم بيجو 82 ...

مزنه : اقول رجعوا الشناط خلاص سفر مااافيه!!

هيله و صيته: خلاص خلاص بنسكت ...

ركبوا الليموزين وراحوا للمطار ...

(( عند البوابه ))

الهندي : هدا كمسين ريال عطي ...

مزنه : وشو خمسين لا كثير نزل شويه الله يعافيك

هيله : لا احسن حبي راسه .. وخري وخري افتح بوجهه خط سريع واحط فيه نخل بعد !!

مزنه : اقوول اسكتي..وخليني اتفاهم معه ..

هيله وصيته في صالة الانتظار ....

صيته : ياااااااااااااااي شوفي الاشكال الصح ..واااااااااااو واااااااااااو شوفي شنطة هذي اللي قدامنا

هذي فندي ...

هيله :منهو الافندي ؟!

صيته : وش افنديه ..اقول اسكتي لا تحومين كبدي !!

وهيله و صيته استلموا الناس ضحك وتطنز ................................

مزنه خلصت التذاكر وحملت الشناط وضبطت كل شي ..

مزنه : يالله خلونا نركب ...خلاص نادى علينا ...

صيته : شلون نادى ؟؟ ماسمعت اسمي !!

هيله :ههههههههههههههههههااااااااي

ياررررربي يالمتطوره تبينه يقول يالله ياصيته تعالي اركبي ...

مزنه ميته من الضحك وصيته تمشي قدامهم من الفشيله ....

وعند البوابه وقبل ما يركبون ..

نادى المنادي : الرجاء من الاخت< مزنه فتحي> التوجه الى ادارة المطار للضروره وشكرا ً ...

مزنه : يماااااااه وش السالفه ؟!

هيله : اقول اعترفي وش انتي مسويه ؟!

صيته :يارررربيه فشلتووووني .. روحو لا تقفون جنبي مااعرفكم ...

هيله : انطمي حنا وين وانتي وين !!

مزنه :الله يستر ....

مدير الامن : من فيكم مزنه ؟؟

هيله : اختار انت وش رايك من اللي تصلح تصير مزنه ؟؟!!

المدير : تستهبلين انتي ؟! ولا مانتب صاحيه ؟!

هيله : الا اصحى من امك بعد !!

مزنه : وبعد قبصه محترمه لهيله ... لا انا مزنه سم اخوووي وش السالفه ؟!

المدير : ممكن اعرف ميولك السياسيه ؟!

مزنه بعد ان طاح وجههامن هول الصدمه : وشو ؟؟ وشلون يعني ؟!

هيله : يعني وش تشجعين ؟! هلاليه يا حضرة الزاااابط ...

المدير : ترى لو ما سكتي انتي عيونك ماراح تشوف النور ...!!

هيله : صدززز ؟ هههههههههههههه احسب عندك سالفه ...

صيته تسحب هيله برا الغرفه بأمر من مزنه....

مزنه : والله اخوي مدري وش تقول ... وما فهمت قصدك !!

المدير : ممكن تفهميني عن سبب وجود سكاكين بمختلف الاحجام حاطتها بشنطتك؟!

مزنه : هااااااااو ..وش فيها يعني انا خفت ناخذ شقه مافيها مواعين ..قلت اخذ احتياطاتي من هناا ..

المدير : شايفتني بالروضه تلعبين علي ؟!! اعترفي وش وراك ؟!!

مزنه : والله العظيم هذا السبب حتى شف الاغراض ما خليت شي بالمطبخ ما جبته !!

وبعد تمطيع حلوووووووووووف وايمااااااااااان ...

المدير : شوفي سكاكينك بتتصادر وبتوقعين على تعهد والله يساعدكم ولا تعودين له مره ثانيه !!

مزنه : سم وابشر ..

مزنه وهيله وصيته ... ركبوا الطياره ...

المضيفه : مرحبااا اهلين وسهلين ... شرفتوووا ..ممكن تعطيني تزكرتك بليز ؟! ايه اختي هون

الكرسي تبعك ...تفضلي ..

مزنه وصيته صاروا جنب بعض .. اما هيله طلع مكانها جنب رجال ...

هيله : وش تبين انتي !!! وربي مااقعد هنا لو اتعلق بالجناح...

الرجال : هههههههههههههههه

هيله : وش تضحك عليه انت ووجهك استح على دمك وجع !!

الرجال : انا أسف !!

هيله : اقول اسكت !!<< اسلووووووووووووب خخخخخخخخخ >>

المضيفه : ماعليه اختي هيدا هو محللك .. مو بايدي انت اجلسي هوون وبعد ما ياخذوا الركاب اما كنهوون فيكي تغيريه !!!

هيله : اقوول لو يجي ابوي اللي بقبره يقول اقعدي ما قعدت .. ماعلي دوري مكاان ثاني !!
الرجال :هههههههههههههههههههههههههههههههههههه

هيله : ضحكت من سرك بلا .. خييييييييييييييييييير وش تناظر ؟!! تبيني اسوي بوجهك عزيمه ؟!

الرجال طاح من الكرسي من الضحك !!

هيله : وتبيني اقعد بعد !!

اقووول والله لو اركب مكان الطيار ما قعدت هناا !!

والرجال ما زال مستمرا في الضحك المتواااصل ..

مزنه وصيته يناظرون القنوات ...

سمع المضيف صوت هيله الرنااان وجاء ويشوف المشكله ..

المضيف : خلاص اختي تفضلي اجلسي هناك فيه بالدرجه الاولى مقعد فاضي ...

هيله : شكرا الله يعافيك ...

وجلس كل واحد بمكانه ...بانتظار اقلاع الطائره الى بيروووووت ...

بدأت الطائره بالاقلاع .....

استقر كل من مزنه و صيته بأماكنهم .. أما هيله فقد أخذت لها مقعدا في الدرجه الأولى ...

وشويه شويه << وينك ياسيبويه !!بدأت هيله تتحدث مع السيدة التي كانت جالسة في القرب منها ..

مرحبا ياام الشباب ...<< ماهيب عربجيه ابدن ابدن

- اهلين وسهلين ....

- وش اسمك انتي ؟!

- انا السيده كارول ...

- كارول سماحه ؟؟

خخخخخخخخخخخخ
- لأ شو كارول سماحه !! انا وحده تانيه !!

- ايه ادري .. انتي لبنانيه ؟

- أي لبنانيه اصل وفصل

- فصل ولا مقصف

خخخخخخخخخخخخخخخخخ

- باردووون ؟!

- لا حروووون ههههههههههههههههههااي

- عفوا ماعم بفهم عليكي ..

- لا ولا شي المهم ... انتي موظفه ولا مثلي حاطزه بالدار ..؟!

- شو يعني حاطزه ؟؟ لا انا سيده أعمال ..

- احلىىىىىىىىىىىىىىىىى ياسيدة الأعمال ..!!

-( تبتسم ما تدري وش السالفه )

- وش تشتغلين ؟؟ تبيعين غنم ودبش وحركااااااااااااات ؟! <<< هذا حدها المسكينه هههههههههههه

- والله ما عم بفهم شو أصدك لكن انا بشتغل بالاسهم وهيك بشوف شغلي بالحافظات ويعني هيك شي

- حافظات ؟؟ اييييييييييييييييييييييييييييييه يعني تطبخين وتبيعين ؟!

- اطبخ شوووووو؟! لا حبيبتي انا عم بشتغل بالاسهم ...!

- يعني وشو انا مااعرف ..

- انا بفهمك .. لكن شو أسمك ؟

- انا اسمي هيله .. تقدرين تنادينن الهلي <<<< ام العربجه !!

- لأ مابدي إلك الهلي .. بدي ناديك هلوو ممكن ؟!

- ايه معليش .. ان بغيتي تناديني سحيله ام الخلاقين ..

- ايه حلوو نادين .. خلاص اسمك نادين !!

- لاااااااااااااااااااااا والله انك تنكه !!

- شو تنكه ؟!

- ما تعرفين التنكه ؟! ....<<< برررررررريئه ياعالم

- لا ما بعرف ...

- انا اعلمك بس انتي علميني وشو شغلك ..

مزنه وصيته يناظرون الشاشه اللي قدامهم .. وكل وحده حاطه السماعه بإذنها

ومطوله عالاخر ....

مزنه : صيته ..شوووفي المحطه هذي ازين !!

صيته: وششششششششششششششششششششششششششو ؟؟ مااسمع !!

مزنه : اقوووووووووووووووووووووووول اليووووووووم حرررررررر

صيته : وششششششششششششششششششششششششو نطلع للبر ؟؟

والناس يضحكون عليهم لاّن أصواتهم واصله للكابتن ...

المضيفه بدت تدور بالقهوه ... تضيف ركاب الدرجه الأولى ....

هيله : تكررررررررررررررررم النعمه وش ذا القهووووووووووووه ووووووووووع !!

المضيفه : شو فيها ...؟؟ ما حلوه ؟!ْ

هيله : وخري وخري بس انا اوريك القهوه الصح ! وطلعت هيله من شنطتها الصغيره << لاحظواانها الصغيره غلاية صغيره وقالت : وين المطبخ ؟!

ودخلت العمه وصلحت قهوه وبدت تصب للركاب ...والجميع يشيد بمهارتها في تصليح القهوه ...

وعينتها كارول : سفيرة القهوة الحسنه ...

هبطت الطياره في مطار بيروت الدولي .......

مزنه : هااااااو هيله منهي ذي اللي متعنقطه بيدتك ..؟!

هيله : هذي صديقتي اللولي ... تعرفت عليها بالدرجه الاولى

صيته : هااااااااااااااو ماشاء الله ووش موديك هناك بالدرجه الاولى ؟!

هيله : اوووف لا تحتكين يالله انزلي وانتي ساكته ...

نزلوا البنات ومعهم كارول ....

كارول : لأما بيصير هيك تروحوا من غير ما ضيفكووون عندي !!

هيله : معليش خليها مره ثانيه رقمك وعندي اذا بغينا دقينا ...

كارول : اوكي حبيبتي بس هااااه لا تنسي بدي منك اهوى!! <<<قصدهاقهووووةهههههه>>>

مزنه وصيته : ههههههههههههههههههههههههههههههه والله يانتي
ما قصرتي مع الحرمه !!

وصلوا للأوتيل وكل وحده اخذت لها سرير ونامووووووووووووووووووووووووووووووا

وكل وحده تحلم ببكره وين بتروح ووش راح تسوي .

مـ ــ ـنـ ـ ــ ـقـ ــ ــ ووول
اتمنى عجبتكم
اختكم/ حبة كرز..

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

سحقاً وتباً لشركة الاتصالات السعودية