بليز كملي القصه روعه مرره تقبلي مروري

مشكورة القصة روعة وننتظر التكملة

ركبت نوفا السيارة وراحت على بيت ابوها ونامت عندو
في بيت امل
اول مادخل من باب البيت
امل:ماما مامتي كيف حالك وحشتيني فاتك ايش سار
ام امل :بشويش بشويش ايش سار
امل شفت وحدة من اهل بابا
ام امل مالت عليهم وكيف شكلها دي كمان اكيد ابو شكم زي ا هلها
امل:حرام ماما مره يناسو مره طيبة البنت
ام امل :كويس ايوا تعالي حكيني مين هادي
امل حكت لامها على كل شي
ام امل:اها كويس
امل:ماما ايش الغدا
ام امل:مسوية رز بخاري
امل:اممممم تسلم يدك يلا خليهم يحطو جيعانة
في بييت لمى
ابو لمى :يابنت الكلبة ياشر*********** يازفتة يا خرا انا اوريكي تروحي عند امك تهربي مني
لمى :بابا سامحني والله ماكان قصدي بس سنة ماشفت ماما وهيا جات البيت مارحت معاها بس عند البيت
نزل علييها بلباكورة
ابو لمى :يابنت الكلبة لو مامسكتك وانتي نازلة كنتي رحتي معاها
لمى :أي أي يا بابا خلاص انا اسفة والله خلاص بكرة عندي مدرسة جسمي حيورم
ابو لمى:فين اصرف اسف وبعدين انتي كل ماقلتي أي ولا شفت دمعة منك ولا قلتي بابا زي البنات المدلعين حزيدك كل دمعة بضربة انا ماعندي دلع
مسكينة لمى كل يوم على دا الحال كل ماتبكي يزيد الضرب الين ماسارت من غير احساس لامبالية
لمى :خ خ خلاص والله والله ا س اس اسففة
ابو لمى :طيب يلا بسرعة قومي من قدامي على غرفتك ازا مالقيتك صاحية بكرة من بدري حتنضربي زي كده واكتر
وادها رفزة على بطنها خلاها تقوم لمى وحيدة امها وابوها ابوها شديد ومتزوج 4 وكل يوم يروح عند وحدة وهيا تتهجول معا عند وحدة وكل وحدة تعاملها ازفت من التاتية منجد الحمد اللله على كل حال
في بيت ابو نوفا
نوفا في غرفة اخوها طردتو عشان هيا تنام لحالها هيا كده كل ماتضارب مع امها تروح عند ابوها:ايوا حبيبي كيفك
عزوز:الحمد الله ايش تبغي
نوفا:لا بس كنت ابغى اسمع صوتك
عزوز:طيب وسمعتي
نوفا:ايوا
عزوز:طيب يلا باي
ولسة ماردت الا هوا مقفل في وجهها
نوفا :بتبكي ليه كده كل الناس تكرهني مني قادرة استحمل كل الناس ضدي ماما وماتهتم فيا ولا تدري عني بس تجي اخر السنة تسال عن النتيجة والي احبو مو طايقني وبابا زي ماما واسوا اصلا هما لو كانو يحبوني كانو ماطلقو أيش الحياة دي ابغى انتحر ورجعت تبكي الين نامت
مسكينة نوفا هيا عايشة في نعمة بالنسبة لي لمى ولسه القصص كتيييررر من جد الحمد الله على كل حال
الجزء ثالث
بيت ابو نوفا
ابو نوفا:بابا نوفا اشبك تبكي يلا قومي عشان المدرسة
نوفا:قامت قالت طيب واخلاقها صفر نفسها ترجع عند امها من معاملة زوجة ابوها الزفت بس ايش تسوي عندها عزة نفس وكرامتها فوق كل بس في الحب لاء
نوفا(:وي ماخدت مريول ولا شي أيش اسوي اتصل على ريما لمن تخرج الزفتة ادخل البيت والبس واخد ملابسي فين الجوال يوه امس رميتو بعد ماكلمت عزوز فينو ايوا اهو خليني اشوف يمكن ارسل رسالة اعتزار وجع مارسل شي خليني اتصل)
نوفا :الووو
ريما وصوتها كلو نوم:نعم
نوفا:بسم الله ايش الصوت دا لو انا من مكان محمد مارجع من استراليا
ريما:وجع تفاولي عليه ايش تبغي ابغى انام
نوفا:الزفتة خرجت
ريما:نوووف ايش الزفتة صح انا اكرهها بس مو انو تقولي زفتة
نوفا:خلاص سوري
ريماعصبت:ايش تبغي
نوفا :ماما خرجت
ريما :ايوا من زمان
نوفا :طيب انا دحين حجي مع اخوكي العلة خلي امينة تفتح الباب
ريما:طيب باي
نوفا:باي
يوسف:فين مدرستك
نوفا:اول روح البيت منتا شايفني ايش لابسة
يوسف:طيب طيب اعصابك لا يطقلك عرق
وصلو البيت
نوفا:اصبر لاتروح فاهم
يوسف :شايفتني سواق مافهم عارف اكيد محمشي
نوفا :طيب
راحت البيت اخدت ملابسها ولبست المريول ولبست اساور وسوت بف من قدام وربطت شعرها من النص ولبست جزمة بيضة من فانز وحطت اساور واطواق وحطتها في شنطة كبيرة ونزلت
يوسف:لاياشيخة ساعة استناكي
نوفا:سوري مانتبهت
يوسف:طيب يلا بسرعة امي تبغى تروح الرئاسة
نوفا:طيب زليتني اهو وصلني بسرعة وانقلع انتا وامك
وصلها المدرسة من غير لا يتكلمو
دخلت المدرسة وطلعت على تالت دخلت الفصل على طول جلست مكانها مالقت روزان غيرت مكانها رجعت ورى وامل ماجات في قعدت لحالها بعدين جالسة في الفصل تتفرج على البنات
دخلت ولاء وكا ن في الفصل بس نوف البنات كلهم برا
ولاء:هادا اولى كم
نوفا ماردت بس اشرت بيدها انو اتنين
ولاء :ابتسمت قالت ايوا كويس شكرا
وقعدت قدام وقعدو لحظات صمت راحت نوفا قطعت الصمت دا
نوفا:ابتسمت قالت لولاء ايش اسمك(شكلها دافورة ويناس وماتسمع اغاني خليني اتعرف شكلها يناسو)
ولاء:ولاء(شكلها طيبة وبريئة مره )
نوفا :كنتي في متوسطة ايش
ولاء:متوسطة ................
نوفا:اها
ولاء :وانتي في ايش اسمك وفي متوسطة ايش
نوفا :ايش ماسمعت
ولاءكتعالي ورايا شكلو مافي احد
نوفا:لا اخاف تكون في وحدة وراكي
ولاء :لا عادي تعالي
نوفا:طيب
راحت نوفا وجلست جمب بلابل
ولاء:ايوا ايش اسمك وكنتي في متوسطة ايش
نوفا:اسمي نوف وكنت في متوسطة ال.......
ولاء :اهاا
نوفا:ايش لققبك
بلابل:لقبي با......وانتي
نوفا :انا لقبي.............
ولا ء:اهاا
فجأة دخلت ابلة اسمها ابلة ابتسام حلوة ماشاء الله شعرها بوي لزيزة مره
ابلة ابتسام:ايش اسمك ياحلوة وابتسمت لبلابل
بلابل:ولاء
نوفا(اشبها دي دخلت شكلها عجبتها تخطبها لولدها بس الابلة بوي وي عسا تسوي للبنت شي زي القصة الي حملت الببنت من الابلة لا وي ايش الغباء دا)
ابلة ابتسام:تعالي شوية ابغاكي
بلابل:اوك
نوفا(شكلها حتسوي حاجة انا ماليا صلاح)
راحت بلابل مع ابلة ابتسام بعدين حنعرف قصتهم
ونوفا جالسة لحالها في الفصل فجأة دخلت لمى كان وجهها باين انها مضروبة وشكلها مهي طبيعية
نوفا(يالله اشبها البنت شكلها مره مو مريحة اشبها كانها سكرانة وريحتها دخان يالطيف)
لمى جلست ورى نوفا راحت نوفا دارت وجهها
نوفا:ايش اسمك
لمى:لمى
نوفا:كنتي في ايت مدرسة
لمى:الابداع وجزيرة العلوم(يالله شكلها دافورة من النضارة الي لابستها دايما كده البيض والشقر يجو دوافير)
نوفا:اها وايش لقبك
لمى:انا في تحقيق
نوفا ضحكت(يالله ايش الفشلة دي يارتني ماسالتها تخوف)
لمى:لقبي ....... يلا جاوبي على كل الاسئلة الي سالتيني هيا
نوفا :هههههه طيب اوك اسمي نوف ........ وكنت في مدرسة ............. بس
لمى:طيب انتي سعودية
نوفا :يب
لمى:كزاااااابة
نوفا: واللله بس ارجع لبنانية(نفسي اعرف ليه كده وجهك)
لمى :اها
وسكتو فجأة تدخل ام نوفا
الفصل
نوفا اتفجعت تتفشل من امها مره:ماما ايش جابك
ام نوفا :يلا بسرعة قدامي على البيت لاتخليني اديكي كف قدام البنات
نوفا:مابغى اجي معاكي ابغى عند بابا
ام نوفا :غصبا عنك مو بكيفك
نوفا:اوفففف
ام نوفا:بسرعة قدامي ابوكي هوا الي مايبغاكي ارسل اشيائك واتصل عليا قلي خدي بنتك مابغاها
نوفا:ايش بابا قال كده
ام نوفا:ايوا يلا قدامي بسرعة
نوفا:وخلاص الدموع على وجهها طيب
في السيارة طبعا الصمت الرهيب بس صوت بكا نوفا سارت مهي طايقة نفسها تبغى ترجع البيت تكلم اسراء
(اسراء رجلها مكسورة عشان كده مابتروح المدرسة)وصلو البيت نوفا على طول دخلت الغرقة ورزعت الباب باقوى ماعندها
ام نوفا:يابنت الكلاب ترزعي الباب في وجهي اوركي لمن تخرجي
نوفا:مي نقلك حخرج ابغى اموت ومخرج
ام نوفا:احسن يارب تموتي وافتك منك يا انتي تموتي يا انا اموت وانا من راضية عليكي
نوفا مارت قعدت تدور في الشنطة الي ارسلها ابوها مع اخوها على جوالها الين لقتو:اهو اخيرا دحين ادق على سوسو
نوفاوصوتها مختوق مع البكا:الو
اسراء:اهلين نوفا رجولي تعورني
نوفا:سلامتك الحقيني ابغى انتحر ماقدر استحمل اكتر من كده مره تعبت ورجعت تبكي
سوسو:اشبك يا قلبي مين زعلك لاتقولي مامتك
نوفا:ايوا هيا وجع في شكلها يارب تموت اكرهها
سوسو:نوفا بطلي هبل وبعدين استحميلي هيا برضو مامتك ايش حتسوي يعني على الاقل مو زي مامتي تخليني شغالة
نوفا:طيب ايش اسوي انا اتخيلي حتى الزفت بابا مايبغاني كل الناس تكرهني دايما كدا
سوسو:طيب هدي دحين وقولي كيف صحباتك وياويلك وحدة تاخد مكاني
نوفا:لا طبعا مافي وحدة تاخد مكاني اتعرفت على 3بنات لمى وولاء وامل امل دي تقربلي من بعيد
سوسو:امممممممممممم
شكلكم طفشتو من نوفا وقصصها خلينا نروح لبيت فرح
فرح:يلا يا مريهان بسرعة نروح على بيت ماما
مريهان:اتكتمي شكلك نسيتي الكاميرات احسن نستأذن منو
فرح:طيب يلا
نزلو فرح ومريهان عند ابوهم ولقو كالعادة مع وحدة من شغالات البيت
ابو فرح:بنت انتي وهيا ايش منزلكم
وهوا في عبو الشغالة استغفر الله
فرح ومريهان:بابا نبغى نروح عند ماما
ابوهم:لا محتروحو عند الهندية دي الزانية مافي روحة
ميري وفرح:بابا بليز الله يخليك بس شوية مانتأخر
ابوهم:فين بيتها الهندية
فرح وميرهان كدبو:في في الصفا
ابوهم:والله لو اتاخرتو ساعة وترجعو مو تقولو الطريق ما الطريق ساعة بالظبط
فرح ومريهان:طيب
خرجو الشنط من الباب الي ورا ماهم الكاميرات يبغو يرتاحو من ابوهم واصحابو والسكر الي يسير في بيتهم
وصلو بيت امهم
فرح وميري مع بعض:ماما وحشتيني
امهم:نعم ليش انتو يجي هنا
ميري :ماما احنا حنعيش عندك هربنا من بابا
امهم:لا انتو روحو بيتو خلاص اني في اتزوج
فرح:ماما الله يخليكي لاتتخلي عنننا تاني احنا نبغاكي ماما الله يخلكي خلينا نعيش انتي تعرفي كيف عايشين يحط كاميرات في البيت ويسكر واستغفر الله يازي الشغالات ولمن يسكر اصحابو يطلعولنا الغرف ياماما احنا كل يوم في عزاب نعيش
امهم:انا مالي صلاح هادا ابوكم يبغى يقتل انا وفي يقول انا اسوي مع سواق انا مابغى مشاكل انا في اتزوج
مريهان:ماما احنا عارفين انو يبغى يقتلك بس خلاص محيع....
قبل ماتكمل جملتا وجا واحد شباب من جوا شكلو اصغر من امهم بكتير يعني 24 معضل ومووووووووووووووزة شعرو سبايكي وعندو غمزات لزيز مرا
مهند:ايش بتسوي هنا ياقلبي عند الباب
امهم:هادا بنات انا يبغى يجلس عندنا انا مابغى
مهند طالع مريهان من فوق لتحت( مريهان عمرها 20 سنة ماشاء الله قمر عشان امها هندية فاخدا جمال السعودي ولمحة هندية البنت ملكة جمال ماشاء الله)
فرح تكلم اختها بهمس:شوفي امك طاحتلها على واحد موزة واصغر منها
فرح قالت لمهند:عمو الله يخليك والله بابا مره مو كويس خلينا نعيش عندكم
مهند انبسط انهم حيعشو عندهم بس انقهر من عمو واستغل الموقف وقال بمكر:طبعا ياحبايب قلبي لو ماشالكم المكان تشيلكم عيوني
امهم:مهند ايش دا الكلام انا مايبقى مشاكل
مهند:لاتخافي ياعيوني مهما يكون دولا بناتك وازا خايفة من زوجك لاتنسي مركز بابا
امهم:خلاص سوي الي تبغى انا مالي صلاح
مهندوعيونو على مريهان:اتفضلو ياحلوين البيت بيتكم
فرح تكلم مريهان:الله يحمسسسسس مبسوطة الحمد الله حنفتك من الزفت
مريهان:خلاص اوس شوفي امك عايشة في العز دا
مهند:ماتبغو تتغدو
فرح:الا
مهند :طيب يلا نخرج نتغدا في روبي تيوزدي ولا اونو
مريهان (ياحسرة علينا اول مره اسمع المطاعم دي بس وه يناسو قلبي حيطيح)
فرح(خليني اقول الاسهل):اونو
مهند:طيب يلا(يالله ايش الجمال دا احسن من العجوزة الي اخدتها دي من جد قمر لازم ماتضيع من يدي)
لبسو بس مهند وفرح ومريها نالي راحو اونو اتعشو ولفو على البحر ورجعو ونامو
الجزء الرابع في المدرسة
جومانة:ايه تعالي ورى المدرسة محد يشوفنا انتي مره وحشتيني وباستها
ايه:اممم تتكلم بدلع طيب يلا
جومانة مسكت يد ايه تقولو بنت مع ولد وراحو ورى المدرسة و
كلام كبااااااار
ولاء:نوف تعالي نمشي ورى
نوفا:لا اخاف
ولاء تخافي من ايه محد داري عننا لسه تالت يوم دراسة
نوفا:والله لو سار شي على مسؤوليتك
ولاء:بس هبل محيسير شي
نوفا:يالله والله خايفة حاسة حيسير شي
ولاء لاء محيسير
وراحو ورى المدرسة زي الشارع بالظبط حتى الباب مفتوح أي احد يقدر هيب قدا المكان ماكتشفو الابلات انو بالخطورة دي
ولاء ونوفا وهما ماشيين فجأة
نوفا:ولاااااااء شوفي دولا
ولاء:واااااا ايش بيسو دولا ليز
نوفا:ايوا دحين يشوفونا
ولاء: عادي حتى لو شافونا
جمانة واية انتبهو ولسه مكملين ونوفا وولاء متنحين تناحة فظيعة اول مره يشوف ودا المنظر
نوفا فجأة ضحكت:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه
ولاء :ياهبلة ليه تضحكي دحين ينتبهو شكلها البوي دي مو مريحة
نوفا:لاهههههه مني ههههه مني قادرة اكمل اشكالهم تضحك وانا وانتي واقفين وافتحين فمنا هههههههههههههههههههههههههههههههههههههههههههههههههه
ولاء:اهبلة ودا شي يضحك
نوفا:هههههههههههههههههههههههه ايوا المفروض يحطو في اعلان روتانا سينما مش حتقدر تغمض عينك هههههههههههههههههههههههههه
اء:ههههههههههههههههههههههههههههههه دي من جد
ومشيو واستحقارهم وجمانة انقهرت منهم
جمانة:وربي لاوريهم ولا ديكا الي تضحك مصدقة نفسها هيا وجهها ام اربعة عيون
ايه بدلع:جعجع ياقلبي لاتزعل نفسك خلص تنقهري عشانهم
جمانة:اااااااااااااه ياربي ماقدر انا والله لاوريكي اخليكي تندمي انك كلمتيني بدي الطريقة احبببببببببببك
ايه:وانا كمان
جمانة وانتي كمان ايش
ايه:احبك
++++++++++======//////////////
كلام كباااااار
مشي اليوم مره عادي بس في الصرفة نوفا كانت تستنى برا ولمن جا اسمها بالصدفة سيارة جمانة جات فركبت السيارة وقبل ماتوصل كشفت وجهها فجومانة شافتها وطالعت فاخوها واخوها طالع في نوفا والاتنين ابتسمو ابتسامة خبث نوفا طبعا ارتعب وادارت وجهها
جومانة:هادي هيا يا حسام شوفها
حسام:اااه ايش دا من فين طحتي عليها شكلها مؤدبة مابغها ولا كمان دوبة وتلبس نضارة لا لا مره لا
جومانة:عارفة انها هبلة بس عادي انتا يعني ايش تبغى المهم تخليها تتعلق وتسوي الي تسوي في حل بنت
حسام:بس دوبة وتلبس نضارة
جومانة:يالله مو شرط الشكل
حسام:من عيوني ليكي يا اختي كلوا لا زعلك
جومانة:ايوا كده

طيب والله شكلها مرة جييده قصتكم كمليها

_________________