السلام عليكم ورحمة الله وبركاته (ردوا السلام)

كيف الحال؟ انشاء الله طيبين

واحدة ايضا من يومياتي مع البلاي استيشن:
ايام الابتدائية نجحنا انا و اخوي وكنا من الاوائل الخمسة <<<< يقصد العشرين.
طلبنا من الوالد يشتري لنا البلاي استيشن بمناسبة النجاح,وما قصر جابه لنا , المهم قعد معنا البلاي استيشن سنة بالضبط . وبدأت خراباته ,وجا يوم من الايام نبي نلعب انا واخوي اول ما طلعنا البلاي استيشن كل واحد يقول انا يد رقم واحد واللي يقول لا انا .وانا اقول:يلعن شكلك ,واخوي يقول: يلعن ابو شكلك يا حيوان , وكل واحد يسب الثاني , المهم شغلنا شريط (درايفر) ما عندنا الا هذا الشريط الباقيات تكسرت لا بعد ومشترينه بالقطه ,من مصروف المدرسة, المهم ما رضي يشتغل يا هوه عدل بدل قعدنا ساعة نحاول ما رضي . المهم كل واحد منا قام يستغفر ويصلي على النبي لا ويلحنها بعد , عشان ربي يرضى عنا ويشتغل,
ومافيه فايده قلت خلنا نصلي قال اخوي يالله نصلي, وقمنا نصلي ولا واحد فينا على وضوء,
تونا قايمين من النوم, لا وبعد كل واحد ماسك له زاويه و يصلي لحاله تقول شيعة , اصلا هي الصلاة بالجماعة و الا كل واحد لحاله ترا هي باطله,لكن نبيه يشتغل باللي هي به , الحين كلنا قريبين من البلاي استيشن ونصلي وعدنا الفاتحة عشر مرات وانا واقف اصلي واخوي بجنبي ضغطت البلاي ستيشن برجلي وقاعد اقرا الفاتحه المهم اشتغل الشريط ,وكل واحد فينا قطع صلاته وقعدنا نتضارب على يد البلاي ستيشن وكل واحد يبي اليد الاولى , المهم الوالد كان نايم وصحي على ازعاجنا واخذ شي اسمه العقال وجلدنا الين عرفنا ان الله حق, وكل واحد يشهق من الضرب اللي جاه وتخدرنا من العقال وكل واحد منا نام واثار العقال استمرت لمدة 3 ايام بلاياليها .<<<< يالله لاتبلانا مثل هالنوعيات..

انشاء الله تكونوا استمتعتوا بالقصة ,,

ولا تحرموننا من ارائكم وردودكم,

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

تحياتي لكم:

(سعودي فاضي)

تحياتي لكم:

(سعودي فاضي)