ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

&حلاوتي بشقاوتي& · #1 02-20-2010

طريقتي في الاستحمام والتعطير والكل يدوووخ من ريحتي!!!!!!!!

هلا بنوتات شخباااااااااركم كيف حالكم

طريقتي هاذي الكل يسالني وش عطري مع انى مدمنة عطور لكن

ما أشتري عطور ماستخدمها او احاول امزجها او اسوي خلطات تخيب او تصيب

حتى البخور ماخليه بحاله اخلطه مع عطور مركزه دهن عود او مخلطات عود

اولا:

نحتاج ليفه انا تعجبني( الليفه التقليديه) لانها احسها تنظف أكثر

مو الليفه النايلون احسها تجمع الوسخ على الجسم واذ استخدمها لحالها احس روحي مو نظيفه

ومره بالشهر اسوي حمام مغربي بالصالون استخدم سكراب الجسم من بودي شوب لان فعلا عجيييييييب

وعندهم نوع جديد حجمه كبير يزيل الجلد الميت وينعم البشره بس للحين ما ستخدمته يقولون روووعه هو فعلا منتجاتهم مفيده

واستخدم بداية صابون ديتول في انواع وايد تقضي على البكتريا صج

صج فعاله خاصه لمنطقة الابط فعلا روووووعه وتقدرين تستخدمين صابون ديتول السائل , واستخدم صابون دوف الابيض او الخضراء اللى على خيار فعلا نعوووومه (r)

واستخدم بعد شاور جل لوكس الازرق (بحر ) او على ورد جوريه باليل صج فظييييع

او دوف لانها مرطبه وعجيبه وهاى طريقتي بالاستحمام يوميا لاني تعودت على جذي

اتفرك 3 مرات لا تقولون مافي وقت كلها نص ساعه او اقل بالايام العاديه

لكن ايام اغسل شعري لانه جاف استخدم شامبو سلفكرين بالزيتون حلووو او شامبو زبدة الشيا من شركة فيدرك ام او شامبو دوف , واستخدم بلسم انواع وووايد

لكن احسن شي اللى يجي مرطب للشعر , وحمام الزيت لابد منه استخدم اللى بالقمح رووووعه يخلي الشعر فظيييييييع

ثانيا :

وعقب اتنشف خفيف واحط كريم STLVES

المعروف منه بالخيار او فانيلا اللى استخدمه وفتامين E كلهم حلوووووين وينعمون البشره او جونسون بزبدة الشيا , او جرجنز او بودي شوب بالفرواله

واحب استخدم سبراي الجسم عندج مشاء الله فكتوريا سيكرت رخيص سعرها

او بودي شوب , حلووين واستخدم بعد بودرة الجسم عندكم قطرات المطر من اجمل او جونسون الابيض او البودره الورديه حلوووه

لكن انا ما حطها على جسمي بس احط بودره جونسون البيضا على ملابسي الداخليه والورديه على البلوزه من داخل

لكن اذ لابسه شي غامق ما احط بعدين تتوسخ .

ثالثا :

ادخن ثيابي بالعود سؤاء من عود اجمل او عود الرصاصي لكن بعد اخلط العود العادي مع دعن عود سايل او مخلط واخلي فتره يعني انساه

وعقب اروح اتبخر ناس عبالهم بخور معاريس ههههههههه من حلاته :wavetowel2:

رابعا :

واحط بعد مسك روز من اجمل هذا لحاله حكايه يقولون لي كانك باقه ورد :flower:

لان ريحته روز صج صج عجيييييييييبه واحط بعد على ثيابي عطر جانس الزيت من اجمل مركزه عدل

واحط عطر الين , بالبدايه ما حبيته لكن عقب ريحته تصير عجيييييييييييبه هاى التعطير لما رايحه بيت اهلي بس لحد يقول لي ريحتج تشمها رجال

لالالالالالا لكن اذ رايحه الدوام احطر مسك من بودي شووووووب ريحته حلوووووه وهاديه

واحب عطر بلغاري الازرق فظييييييييعه ريحته كان بودره واحط كذا عطر مخلط على الشيله

حتى لما اغسل الشيله ما تروح تصير مزيج عربي حلوووووووو ,

طبعا الكل يسالني شنو حاطه لج طبعا هاى طريقتي ايام الويكند والطلعات الاعراس او جمعة البنات بس

لكن باقي الايام طريقتي بالاستحمام ما تتغير لكن احط كريمات وسبراي جسم وعطر بودي شوب او مسك بدون ريحه ورا الاذن او دهن خفيف فقط :shiny:

دعواتكم لي بالتوفيق _ منقول

منتديات مدرسة المشاغبين - مكياج عطور مستحضرات تجميل

وحيــــدة خيـــالي · #2 02-22-2010

يبينا نجرب هالطريقه ^_^

يعطيك الف عافيه عالموضوع والوصفه

ننتظر جديدك

&حلاوتي بشقاوتي& · #3 02-22-2010

شكرا لمرورك على موضوعي وهذا شرف لي ووسام على صدري

أنثى حساسه · #4 02-23-2010

يسلمووووووووو

&حلاوتي بشقاوتي& · #5 02-23-2010

الله يسلم قلبك يارب منووووووووووووره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري