الطفلة دانة لـ الوطن: لما أكبر أبي اصير طبيبة علشان أعالج الأطفال.. والله يوديني الجنة


كتب محمد باقر:
دانة.. اسم لطفلة «كويتية» تتمتع بموهبة «فطرية» ظهرت في مسلسل يعرض على «فضائية» اسمه الامبراطورة وفيه نجوم عندهم «حرفية».. شاركتهم البطولة وصارت «عالمية».. معروفة عند المتعلم و«الامية».
«الوطن» استضافتها عندها بـ «الديوانية» وسألتها عن درر و«العنفوانية» اللي كانت تملكها في «الامبراطورة».. وما نقول الا الله يحفظها من عين «الهتليه».. اللي ما عندهم غير بل «شهالا مكانيه».. توقف جدام ممثلين قدّم وعندهم خبرة «حياتيه».. واليكم ما جاء في الحوار مع الحلوة «دريه»!!
- دانة شلونج؟
ـ زينة.
- تصومين رمضان.
ـ توني صغيرة.
- تطالعين مسلسلات برمضان؟
ـ أي الامبراطورة وراح اللي راح.
- انتي مستانسة على دورج بالامبراطورة؟
ـ اي وايد.
- انزين منو اختارلج اسم درر؟
ـ خالتي فجر السعيد قالتلي انني راح يكون اسمج درر.
- ما تعبتي من التصوير؟
ـ لا.. وناسة.
- اذا ما عندج تصوير شتسوين؟
ـ آخذ تلفون ابوي واقعد ألعب فيه Games.
- انتي ليش لسانج طويل؟
ـ كيفي.
- انتي بالبيت بعد لسانج طويل؟
ـ لا، بس بالامبراطورة اهم قالولي سوي جذي.
- لما تكبرين شنو تبين تصيرين؟
ـ ابي اصير طبيبة واعالج الاطفال علشان الله يوديني الجنة.
- ما يأذونج بالتصوير؟
ـ لا.. بس مشاري البلام كان يطفرني.
- منو اكثر واحد تحبينه في الامبراطورة؟
ـ محمود بو شهري كان كله يقعدني عنده ويلعب معاي واحب بعد إلهام ويعقوب ومشاري والحربي.
- انتي أي صف؟
ـ 6/.2
- جم مواليدج؟
ـ انا مواليد .2000
- انتي مغرورة؟
ـ لا.. انا ما احب الغرور.. احب اكون زينة.
- الناس بالشارع يعرفونج؟
ـ اي يسلمون عليَّ ويصورون معاي.
- ماهاوشوج بالتصوير؟
ـ لا.. يحبوني.
- شمعنه غنيتي يا طبطب؟
ـ لأني احبها.
- مو حافظة شي غيرها؟
ـ امبله.. حافظة اغنية انا هيفا.
- شنو تبين تقولين بعد؟
ـ اشكر خالتي فجر السعيد لأنها خلتني امثل..

منتديات مدرسة المشاغبين - الافلام المنوعه افلام مسلسات اجنبية عربية كلاسيكية مسرحيات دراما زمان