السلام عليكم ورحمه الله وبركاته

هذا الموضوع عجبني وحبيت انقله لكم

قصدي الفرفشه بس مو زعل وتسوا نفسكم حساسين بزياده


رسالة تمساح شين حاقد على الفراشات



وش اسوي ؟؟..
مهما حاولت اخبي حقدي بيجي يوم وينكشف..
مهما حاولت اغطي شرارات الحقد الي تتطاير من عيوني بيدي مقدر .. تحرقها
ليش هاه ؟؟
ليش انتم يالبنات احلى منا وحنا شيون؟<<<<< انا اقول بقووة شيون خخخ
ليش جلدكم ناعم ولين وحنا جلدنا خشن ويمخش <<< طيب مو انتم تماسيح لازم تكونون كذه حتى يستفيدون العلماء من جلودكم الخشنة يمكن يصلحون لنا شنط ونعال عشان نكشخ فيهم
ليش انتم خشومكم صغيره وتهبل وودك تاكلها بدون كتشب .. وحنا خشومنا من كثر ماهي كبيره تمردت علينا وصارت هي الجسم وحنا الخشم
ليش انتم صوتكم نااااعم ورقيق ويوم تكلمون تحس انك تسمع موسيقىولا تغرير بلبل .. <<< قامت تحصن نفسهاا خافت تجيها عين طايرة من تمساح شين من المنتدى
وحنا اذا تكلم الواحد فينا تحس انك تسمع صوت سيكل بزر حاشر فيه قوطي ببسي على الكفر
ليش انتم رموشكم طوال وسووود .. وحنا رموشنا .. الا ماعندنا رموش والي عنده رموش تجي مهيب مرتبه(سياحيه) ثلاث شعرات ومتهاوشين عليها عيونه
ليش انتم اجسااامكم تهبل ورشيقين ومافيكم فات (قليلين الدسم) واي شي تلبسونه يطلع حلو عليكم .. بينما حنا اجسامنا كروش وزوائد غير مرغوبه ولطلط <<< وش نسويلكم حاولوا تشتركون بنوادي والعبوا رياضة مع ماالك الاهيفااا
واذا لبسنا تيشيرت بدي يقالنا نترزز تطلع طحالب تحت صدورنا

ليش مالكم ريحة فم .. واذا لكم تجلس شوي وبعدين تروح (مؤدبة الريحه هذي ) ..
بينما حنا الواحد فمه تقل كنه بياره اذا فتح فمه كل المناظر الطبيعيه الي حوله تموت والازهار تذبل والسناجب الي على
الاشجار تزلق وتطيح وتنكسر رقبتها من شدة هذه الرائحة الي يشمها الواحد على بعد مسيرة الطير شهرين متتابعين .. المفروض يصنعون صفايات لريحة فم الرجال .. الله يعينا عليهم برمضان
ليش انتم كل شي يلبق عليكم .. يعني يوم تروح للكويت وتشوف بنت تسوق تستانس وتشقق معاها وتقول لابق عليها والله الدركسون ..
اذا عسلت البنت تموت بالمعسل وتحبه وتغرم فيه بعد .. بينما حنا مهما سوينا
شي يطلع علينا بايخ وغبي ومال امه داعي ولا عاد تعودها احسنلك
ليش اذا نمتوا يطلع شكلكم برئي جداً وتحس كانك تشوف عروس باربي منسدحة على السرير ..

واول ماتقومون تمغطون وتقولون اااه ياربي ماما رقبتي توجعني
.. وبعدين تروحون تغسلون وجيهكم وتفرشون اسنانكم ويمكن تاخذون لكم شاور سريع ..
بينما حنا الواحد تلقاه طول ماهو نايم بس تسمع سيمفونيه موزارت والا بشير حمد شنان وطول الليل فمه بس يصب ويقطر سعابيل على المخده المسيكينه الي لو تدري ماجت بفيزة مخدة خخخخ مسكينة المخدة راحت فيهااااا مع السعابيل وععععع
وتلقاه اول مايقومونه اهله بعد جهد جهيد .. يقول عااااااااااااااااااه ععععععوه اممعععع بواااع مععع يتثاوب ..وتلقى كل جزء بوجهه مورم.. عيونه مورمه وخشمه مورم حتى جبهته مورمه بعد!! ..
وتلقاه يقوم يلبس ثوبه ويحط شماغه على كتفه ويدرعم ع الجامعة مايحتاج يغسل وجهه ..
توضى على صلاة الفجر قبل اربع ساعات وتلقاه يجلس الييييييين المغرب وصوته مبحوح ويخرع <<< ايه صوته مثل ماكينة سيارة خربانة خخخ
ليش انتم متفوقات بالدراسه ومجتهدات وتذاكرون اكثر منا ويوم انتم صغار تحفضون الارقام والاحرف بالعربي والانجليزي بسرعه قبلنا ( بسم الله علينا من العين ). بينما حنا اغبياء وعاجزين عن التفكير
والتفكير!!
والتفكير.. بالذات يعتبر حاله رعب بالنسبة لنا .. والي يبي يفكر يفكر قبل كل شي ليش هو محتاج التفكير هذا .. واذا من مصلحته فكر واذا التفكير صعب شال الفكره من راسه..
اتذكر يوم كنا بثالث ثنوي الاستاذ حق الفيزيا يقولنا الاختبار بيجي من المذكره الي عطيتكم اياها ذاكروها زين(عدد صفحاتها 25 ) ..
زعلنا عليه وقدمنا شكوه ( يادفع البلاء كسالى خخخ
وقلنا وييين يااستاذ بورعي ترانا
خاشين بفلوس (اخص ياراس المال الي مقدمه تراها خمس الاف!)
وبعدين رجع وقال طيب الاختبار العشر صفحات الاولى وركزوا على الامثله الي بالكتاب بس ترا بغير الارقام ..
قمنا زعلنا عليه وقدمنا شكوة ثانيه للمدير بزاتوه ..ليش يغير الارقام؟يكذب علينا يعني؟<<<< الله يرجهم من جد كسالى وفشيلة خخخ
وبعدين قال خلاص ماني مغير الارقام بس ركزا على الاربع الامثله هذي تروها بتجي .. قلنا اكيد .. قال معرفش يابني (حنا اغبياء
المفروض نفهمها) <<<< توهم يستوعبون انهم اغبياء اللهم لاشماتة خخخ .. قلنا وشرايك تعطينا الاسئلة وتريح راسك .. وبعد ماعطانا الاسئلة .. نص الفصل جابوا صفر واعلى واحد فينا جاب عشره <<<<< معجزة واحد جاب عشرة
اكيد كان مبرشم الاجابات ذاك اليوم خخخ
سبحان الي خلقنا .. وسبحان الي ميز كل الجنسين عن بعض
نقلته لعيون القيرزات اللي بالمنتدى موتووووا حرة يالتماسيح خخخ


م ن ق و ل

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

سحقاً وتباً لشركة الاتصالات السعودية

كع كع كع كع كع
شكرا شكرا اختي ريناد على الموضوع
احسن حيلك فيهم