*سنه حلوة*

(اففف)منك:ماتطفي شمعتين!
عاش شمعك يشتعل برد وسلام
ذي شموعك ترقص يسار ويمين
ظنت أنفاسك موسيقى!.ياحرام
اصبري لحظات ..لاتستعجلين
اتبعي دقات قلبي بانتظام
غمضي، يالله تمني، وش تبين
احلمي حلمك، وابد من تحلمين
ياقف الواقع لـ حلمك بإحترام!
غمضي أكثر..وشوفي عاشقين
يشبهون اثنين معنا..بالتمام!
فتحي بشويش..لالا تهمسين
اسمعيني:سكر(القاتوه)نام!
يوم غبتي خلف رمشك لحظتين
كان ليل(الطاولة)عشرين عام!
طالعيني بس، وأنتي تدركين
كيف هام وكيف نام وكيف قام!!!
يوه لحظه، اصبري..لاتنزعين
عن هدية عاشقك كل الثام:
تستحي منك، ومثلك، لو يبين...
بعضها فجأه وهي بين الأنام!
أول أقري ماكتبته من حنين ...
يشبه لطفلة تمادت في الغرام!
هي قصيدة تشبهك لحظة تجين
جت كذا تختال..ممشوقة قوام!
أيه عاد الحين..ممكن فتحين
والهدية جد ما فيها كلام !!
جبت لك..وش جبت؟ وش توقعين؟
اووه يالله جاوبي،وش:ياسلام!
لا غلط!.حتى مقاسك، تعرفين
دايم أصلا مايجي قد المقام!!
مشكلهة خصرك هي الجهل المبين!
مادرى انه فيك يعلن:أنقسام !
ماعرفتي!، زين ليتك تصبرين
اسمعي قصة نصر عقب أنهزام !
كان ياما كان خايف من سنين
كان يرجف وسط قلبه مايلام ..
كان ضايق:كان مهموم وحزين
كان واحد بس تشوفينه زحام!!
باب قلبه: دق فجأه!دقتين
خاف أكثر يوم فتح في الظلام !
قام يمشي،كيف يفتح!،قال مين!
قالت: افتح جيت أوصل لك سلام
من فتح،قالت:أبدخل،قال:وين؟!
قالت:ابعد عن طريقي جيت أنام!
غمضت،نامت،وبس من ساعتين
فتحت بشويش من عز المنام!!
لا وربي ،كيف أمزح تمزحين؟
ذي حياتي مرت مرور الكرام!
الهديه!يووووه..انتي تذكرين؟!
اتركينا الحين فـ آخر انسجام!
والله امزح،دوك هذي علبتين
علبتي للخلف،وانتي..للأمام!
افتحي هذي،.دقيقة!كلمتين:
ماعلي أن طارت اسراب الحمام!!
صدق حلوه؟لا ياعمري عرف(ع)
حول قلب الحب!.ومن نفس النظام!
ايه والله!،صارشمعي بين بين!
ذاب بعضه،بس عادي، مستهام!
انتي بس طلي على الشمع ويزين (هذي أكيد أنا ...................ههههههههه)
طلتك منفوق..يفهمها:قيام!
حتى لو اليوم يومي !،تفهمين؟!
قلت لك: هـ العيد عيدك والسلام!
تنفخين الشمع يعني تنفخين!!
(أف)منك: تتعبني بالكلام!!!
(أف)منك نور وسنيني ظلام !!



هذي القصيده لشاعر:
(؟)الخضيري (كاتب في مجلة فواصل )
يمكن تكون هذي القصيده مر عليها أعوام لكن لم تزال القصيده المفضله لدي......

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي