اليوم سويت بيتزا طبعا الكل انين عليها كانت مشالله وااااااااااااااااااااايد لذيذه

وطعمها قريب من بيتزاهت بس احلا منها

طبعا طريقة العجينه خذيتها من اكثر من منتدى

طريقة العجينة:
3 كوب طحين
2 ملعقة وسط شكر
رشة ملح
1 ملعقة طعام زيت زيتون
1 ملعقة وسط بيكن باودر
1 وثلث كوب ماي
ربع ملعقة صغيره بصل بودر
2 ملعقه طعام طحين الذره
ربع ملعقه صغيره ثوم بودر
2 ملعقه وسط خميره

طريقه العجينه:
_نخلط الماي والشكرو الملح وزيت زيتون والخميره مع بعض في ماعون لين تتفاعل الخميره
_ نحط الطحين وطحين الذره وبودرة البصل وبودرة الثوم والبكن باودر ونخلطهم مع بعض ونصب عليهم خليط الخميره
_ نعجنهم مع بعض لمدة 10 دقايق ما تصير العجينه طريه ماتلصق باليد
_ نغطيها ونخليها ترتاح لمدة 45 دقيقة

طريقة صلصة البيتزا من اختراعي:
صلصة الطماط مطحونه تلقونها مع المعلبات او صوب صلصات البيتزا المهم اهيا معلبه

نحط جدر ونحط فيه زيت زيتون وصلصة الطماط وكاتشب و وريغانو وبهات ايطايه وشويه ماي تقريبا ربع كوب ونقصر النار
كلش عشان ما يطشر

بعدين تفردين العجينه وتحطينها على صنيه البيتزا ودهنين اطرافها بزيت وتحطين الصلصة
وتحطين الخضار والي تحبينها يعني على حسب الي تبينا بيبي روني ولا خضار ولا دياي
وبعدين الجبن طبعا الجبن انا استخدم قشقوان احلا والذ من موزوريلا واخر شي قبل لا ادخلها الفرن نرش عليها بهارات ايطاليه وندخلها الفرن ليما تستوي

منتديات مدرسة المشاغبين - المطبخ الاكل طبخ اكلات و اطعمة عربية غربية شرقية ماكولات منوعة food

إرعصوا هوون ...}