شرايكم .. تبون تعرفون وش يسون البنات والشباب اذا رن جرس الفسحة ..


البنات ..

أول ما يرن جرس الفسحة...

1_ تشوف شلة بنات داخلين الحمام .. إللي تعدل شعرها والثانية تعدل كحلها،
وكل وحدة منهم تسولف عن إللي سوته في أخوها الصغير أمس ..

2_ كل بنية تمشي وفي مخباها كافي ( شكولاته )
وإذا عطيتها شبس تقولك: سوري أنا مسوية ريجيم..
( الله واكبر ) .. أول ماترجع البيت على طول تسوي تليفون
للبقالة إللي على الشارع ..

3_ والبنات الأذكية أول مايرن الجرس تشوفها داخلة
غرفة المدرسات تبي الأبلة تشرح لها الدرس
إللي كانت غايبة فيه ..

4_ وبعض البنات أتشوفهم متحذفين
ورى الفصل يحلون واجب الرياضيات
إللي ماحلوه في البيت ..


5_ تشوف بعض البنات يستأذنون من الحصة
قبل البريك بثلاث دقايق
ويركضون الكافتيريا، –يحجزون لهم مكان –
وأول مايرن الجرس الأكل كله مخلص مافيه إلا عصير
يتهاوشون البنات عليه وآخرتها يطلع خربان ..


طيب خلونا نشوف العيال وش يسون بعد


1ـ تشوف ماتجي حصة الرياضه وينزلون الملعب تشوف كذا واحد مسوي ثقيل
يقول انا مانيب راعي كوره يعني صرف المدرب وشوي تشوفهم ماسكين زاويه ولا خاشين في داعوس
يدخنون ويطب عليهم واحد مؤدب عاقل < << اسميه دبوس انا ويروح يعم عليهم عند المدير
وياللـه شف وش يصير معهم ياخذ ملفكـ يا توقف لين الحصة الاخيره يا امسكـ الباب ولا تجي بعد اسبوع


2ـ تحصل واحد حاط راسه على الطاوله وسعابيله تقوطر على الكتاب نايم
واول مايرن الجرس تشوفه يدعي ويسب في المدرسه
يقول الله يلعن ابو اليوم الي خش فيه المدرسه


3ـ تشوف واحد فارش غترته على الارض ويكمل نومه
لأنه مانام امس ( كان يتابع فلم ويلعب بلوت وسوني )

4ـ تشوف ثنين من كبار الشخصيات في الصف وجالسين آآخر شي
وكل ماتكلم المدرس وعطى ضهره لطلاب انواع الطباشير والأقلام
يحذفونها عليه ولا سئل من الي حذف حطوها براس واحد مسكين جالس في النص ومشبك ايديه مع بعض
ولابس نضرات طبيه ومسكر الطوق ولابس طاقيه كبيره <=< دايم هو الي يتحصلها


5ـ وقت الفسحه تشوفهم مزدحمين عند الكفتريا وكل واحد يرفس الثاني وخر وخر وااخر شي يطب عليهم المدير
ويموسدهم في الخيزرانه او الكرباج



6ـ تشوف ثنين عرابجه وقت الفسحه يدخلون الحمام ويفجرون كم زقاره لما يعطبون الحمامت في ريحت الدخان
طبعا تلقى معهم زقاره وحدة وتلقيه مزبنها في مكان الله اعلم وين ولما يدخنونها ابدء العد التنازلي من 3 لين 1
وتلقى الزقاره مخلصه ويطلعون وتشوفهم يتسحبون في الساحه شوي وهم مختفين منحاشين من المدرسه
وجالسين عند بقاله يدخنون وياكلون لما تخلص الفسحه يرجعون وكن شي ما صار بس الدبوس يكون لهم في المرصاد
يعم عليهم عند المدير اول ما ينقزون السور بيدخلون المدرسه تلاقيهم طايحين بيد المدير وقتها الله يعين


والقادم اكثر ترقبو المزيد

تحياتي لكم