ماعاد به عرق فيني يحتمل كذبك = وماعدت أنا اللي تصون الحب لعيونك
تقول مافيه بنت غير تعجبك = وأنته كثير وكثير اللي يعجبونك
ماكني أشوف غيري ماخذ قلبك = وماكني أسمع كلام اللي يحبونك
مادام غيري يقاسمني الغلا وحبك = أحسن لي أعيش باقي العمر من دونك
كنت أنتظر تسقي الخفاق من عذبك = والله يجازيك ماقصرت في طعونك
طعنتني في الحشا ما خفت من ربك = على جروحي تغني أعذب لحونك
اببتعد واتركك خلك على دربك = والله ماأسألك كيف الحال وشلونك
ناظر شماللك جنوبك وشرقك وغربك = مادامك تخون كل الناس بتخونك
ضيعتني من يدينك ياكبر ذنبك = دور على غيري أحد يقدر يصونك
وإن كان به بنت غيري صارت تعجبك = بكره يجي غيرها ناس يعجبونك
وأنا تركت الغرام اليوم من كذبك = وإذا كتبت الشعر مهوب لعيونك