بسم الله الرحمن الرحيم







السلام عليكم ورحمة الله وبركاته


اليوم حاب اني اعرض عليكم موضوع عجبني مرة و احب اني اشارككم في هالموضوع الحلو ..
الموضوع عن سيارات التوب فيول top fuel اللي شكلها عبيط و يدام مركبين فيها كفرات سياكل هههههه

ارجو انه ينال اعجابكم


1-مكينه التوب فيول تحتاج ل 900 حصان "فقط" عشان السوبر جارج يقدر يسحب الفل بووست !!

2- تتسارع سيارات التوب فيول من صفر الى 160 كلم\س في 0.8 ثانيه !!!!!!





3- قوة الجاذبة فالتوب فيول 5G يعني 5 مرات قوة الجاذبية الارضية .. وهي نفس القوة اللي تكون على رواد الفضاء يوم ينطلق الصاروخ من الارض!!!!!!!!!

4- يوم ينسحب الباراشوت فالتوب فيول عشان تخف سرعتها يكون على السائق قوه 5G بعد !!!!!!!




5- المحرك قوته 7500 حصان خخخ يعني تقريبا 1000 حصان لكل سلندر



6- المحرك حجمه 500 كيوبك انج . البلوك و الهدات مصنوعه من الالمينيوم اللي يستخدمونه فالطيران و مقصوصه بالكمبيوتر

7- البوست تقربا 45.5 بي اس آي .. يعني فوق ال 3 بار !!!!


8- السوبر يدور بسرعه 12000 ار بي ام على اقوى حد للمكينه !!!

9- السوبر اللي عالمكينه ترتفع حرارته من صفر لين 70 درجه مئوية عقب 4.5 ثواني من الفول بووست !!

10- المكينه فيها 16 بلك و دبل دلكو ام اس دي يولدون تيار قوته 88 امبير .. جهاز اللحام الكهربائي..ال electric arc او MIG welder يحتاج فقط ل 22 امبير !!!!!!!!!!!!!!!!!

11- الفيول بمب يقدر يبخ 77 جالون من النايترو فالدقيقه ... السيارة تستهلك 22 جالون فالتسخين و الدوس!!

12- البترول اللي تستخدمه السيارة .. خليط من النايترو ميثان .. اللي يتسخدم فصناعه بعض انواع القنابل .. و الكحول الخالص ... النسبه هي 85% نايترو ميثان و 15% كحول

13-سعر الدرام اللي فيه 55 جالون نايترو ميثان 3300 درهم !!!! اي مايقارب 35 أو 36 الف ريال





14-الجير فيه 6 كلجات .... كل كلج يعمر فقط حق دوستين او ثلاث .. و سعر كل كلج تقريبا 500 درهم !!

15- تواير التوب فيول تمشيك فقط 2 كيلو متر عقب لازم تعقها و تركب غيرها

16- 4000 درهم سعر التواير اليديده اللي ورا !!!

17- اقصى سرعه وصلولها فالتوب فيول هي 532 كلم\س !!!!!!!!

18- افضل زمن للتوب فيول من بداية تاريخه هو 4.441 ثانيه فالربع ميل

19-درجه حراره اللهب توصل ل 3700 درجة مئوية . الالمينيوم يحتاج فقط 1700 درجه عشان ينصهر !!! و حتى اللهب اللي يطلع من السياره يخصه فثبات السياره من قوته .. يعني لو زاويه الجزوز شويه بس غلط.. عادي يفتر الموتر و ينجلب!!

20- احلى شي قريته ... لو انت عندك كورفت Z-06 تون توربو .. و خطفت على توب فيول واقفه مكانها سرعتها 0 كلم\ث .. تخطف عليها بسرعه 320 كلم\ث .. التوب فيول بتقوم اول ما تخطف عليها انت ..عقب ثلاث ثواني بس.. بتخطف هي عليك .. و يمكن من قوتها تعقك انت و موترك برع الشارع !!!!!!!!!




الموضوع منقول ومترجم

دمتم بخير.