ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

البندر3 · #1 04-03-2010

هـــــاذي قصه مع من دقت عليه بالصدفه
بصدفه دق عنده الجوال الا رقم غريب عنه مايعرفه ورد على الجوال الا بصوت يهمس همس احلى من نسمة الليل

واحلى من نغمة طرب كله حنان وشوق وغرام صوت بمعنى اصح جذاب يجذب زغاليل العصفور من اعشاشه.

كلمها وهو مو مصدق انها يكلمها كانت تبي التعرف عليه وهو مستغرب منها ومن طلبها قال لها : تعرفيني يابنت الناس .

قالت: لاوالله مااعرفك وأول مره أسمع فيها صوتك .

سألتها من وين جبتي رقم جوالي .

قالت : انا أحب أتصل على الأرقام المميزه وأتعرف عليهم وأقابلهم بعد أذا أعجبني أسلوبه .

قال لها : طيب أنتي على كذا أكيد بتعرفين شباب واجد مدامك تدقين على الارقام المميزه .

قالت : طبعا أكييييييد في كل مدينه أعرف أثنين أو ثلاثه بالكثير .

قالها طيب أكيد أنك قابلتيهم كلهم .

قالت:لامو كلهم البعض منهم .

سألها قال لها وين أبوك وين أمك وين أخوانك .

قالت :أبوي وأمي ميتين من زمان وانا صغيره وماعندي غير أخو واحد وعايش بفرنسا

وزيارتة لي قليله وأنا عايشه مع خالتي في نفس البيت .

قال لها طيب معقوله وكل هالصوت الحلووووو أكيد انك بتكوني حلووووووووه وماأعتقد

بعد أني سمعت صوتك اللي كلة همس ورقة وحنان أنك مو حلووووووه .

قالت له : أنا الله عطاني من الجمال ماله حـــد .

قال طيب ليه للحين ماأنخطبتي :

قالت له: أنا تزوجيت مرتين وتطلقت الاول تزوجته وعشت معاه في الأمارات لأنه شغال

هناك وأنجبت منه ولـــــد وبعد أربع سنوات تطلقت .

سألتها عن السبب .

قالت له: بسبب الشك الزايد اللي ذبحني فيه كان يقفل علي البيت ويمنع عني جميع

وسائل الاتصال حتى في جاراتي وصديقاتي يشك فيهن خلاني اعيش حياة ميؤوس منها معاه

حاولت كذا مره أتفاهم معاه بس خلالالاص تعبت وأقتنعت تماما أنه حياتي معاه لازم تنتهي .

وفعلا يوم رجعت للسعوديه وبالتحديد......... تطلقت منه

قال لها طيب والثاني:

قالت الثاني: كنت مجبورة على الزواج منه وكانت حياتي معاه مثل العذاب ماحسيت في يوم

أني مرتاحه معاه وكان هو بدون أهتمام أو يهتم بي كنت مجرد دمية في حياة ولا يسأل عني ولا

يفكر فيني وبعد أربع سنوان ثانيه أنجبت منه ولد وطلقني .

قال لها وبعدين وش صار .

قالت: بعدها حياتي صارت كلها فراغ في فراغ كنت أنام وأصحى مدري وين أروح مدري

وش أسوي قمت أتعرف على الشباب من كل مدينه كنت أروح مع هذا وأسافر لهم حتى كانوا

يحجزون لي التذاكر وتجي بأسمي وأروح لي أي مكان أبغاه وماكان فيه أحد يسألني أنتي من وين جايه أو وين كنتي غايبه .

قالها لها طيب وعيالك.

قالت عيالي عندهم شغاله هي اللي قايمه بتربيتهم ورعايتهم .

وقتها هي قالت خلاص الحين بقفل معاك بس بكره بتصل عليك في نفس الوقت قال

لها خلاص وتأكدي أني بكون مستني أتصالك هذا على أحر من الجمر قالت أن شاء الله .

جلس يفكر فيها وعن حياتها وياترى هي حقيقه أو بس وحده من البنات اللي يعرفهن تبي

تختبره وجايبه صديقتها تكلمه بس كان فيه احساس أو شعور غريب يقوله هذي البنت أكيد

أنها صادقه ولاكان ماجاني هالشعور وأحساس عمره ماخيبني في شي .

جاء موعد أتصالها في التالي وكان طبعا منتظر أتصالها وشوي ألا جواله يدق عليه الا وهي

من فرحته مادرى وش يقول لها كان متلخبط في كلامه قالت وش فيك منت على بعضك قال

مدري بس يمكن من فرحتي فيييك ماقدرت أخفي مشاعري وقامت تفضحني ضحكت ضحكه حلووووه

وخفيفه أبتسم معاها وطلب اأنه يشوفها وافقت واعدها بعد ساعه وراح لها في نفس الموعد وهو جالس

في السيارة عند السوق الفلاني ينتظرها وكل ماشاف وحده كان يقول هاذي لامو هاذي وكانت يخمن بين

هاذي وهاذيك وبعد ربع ساعه من وقفتها الا وهاذيك البنت اللي جايه ولابسه عبايه على الكتف وحاطه اللثمه

وكلها حلاوة وهيبه وتلفت كل من كان في السوق أو مار من الشارع من حلاوت مشيتها

ولبسها جات عند السيارة قالت فلان قال أيه فلان أركبي يافلانه قبل لاتشوفنا الهيئه ركبت معاه وهي تضحك وتقول ياخواااااااف .

أخذها معاه وعزمها على العشاء في مكان عام وجلس معاها قال لها أبغى منك تفتحين لي قلبك وتقولين لي عن كل شي

في حياتك اعتبريني ورق وأنتي الحبر أكتبي في هالورق كل اللي في خاطرك وبعدين شقي هالورق علشان يرتاح بالك 0

بدت بالكلام قالت يافلان انا أعاني من قوت الفراغ اللي ذبحني وذبح حياتي معاي مدري وش أسوي

كان هو من شدة جمالها وحلاوة أسلوبها يستحي يطالع فيها أو عينه تجي بعينها .

عرف أنه هالبنت ماضيعها الا الشباب اللي أستغلوا وقتها وخاصةانها مطلقه وحلوووووه وتقدر تروح وتجي وتغيب

بدون ماأحد يسال عنها .

طلب منها طلب واحد انها تسمع منه كل كلمه راح يقول لها وتسلم نفسها .

قالت :أوكي انا معاك وسامعه لك وصدقني من اول ماكلمتك عجبني صوتك كان فيه شي من البحه يعني مبحوح

وانا تعجبني هالاصوات من الشباب وبعدين بعد ماكلمتك أرتحت لك .

الولد ماهو بشين بالعكس وسييييييييم بس ياريت كل الشباب مثله في اخلاقه .

عالعموم هو قاله لها أسمعي يابنت الناس :ترى كل الشباب اللي تعرفتي عليهم يضحكون عليكي وكلهم نصابين

عارفه ليه لانهم يمشون ورى رغباتهم وشهواتهم وأهم شي أنهم ينبسطون مع بنت وماهمهم هالبنت هاذي مين تكون
صدقيني يافلانه أنا لو أبغى اسوي مثلهم والله أقدر واللحين وأقدر أضحك عليكي وأقول أنا عندي وما

عندي وأغريكي فيني بس بتكلم معاكي بصراحه أنتي ترى اللحين في عز شبابك والفرصه قدامك أن تلحقين نفسك

اللي ضاعت بسبب أشخاص أغروكي باشياء ومثلوا عليك باسم الحب الكذاب عمر أحد فيهم قال لكي يافلانه ترى

الطريق هذا اللي أنتي ماشيته غلط وترى نهايته بكره كله ندم في ندم على كل لحظه راحت من عمرك صدقيني انا أتكلم

لأني حاسس فيكي أنتي طفشتي من الدنيا لأنك مانجحتي في حياتك الزوجيه وكنتي تبغي البديل حتى تطلعي من اللي

كنتي فيه بس للأسف كان البديل هو ضياع أحلى شي فيكي وهو أنك فقدتي احترامك لنفسك وللأولادك ولأهلك

وذاتك وكنتي تمشي مع ناس كلهم يسعون ألى تدميرك لأنه مافيه أحد من هاذول اللي ذكرتيهم قال في يوم أبغى أساعد

فلانه لازم أقف معاه وأطلعها من الحياة هاذي اللي هي طفشانه منه.
قال لها صدقيني وأقسم بالله لكي يافلانه أنه ماأقول هالكلام علشان تكوني لي أنا وحدي لاوالله ولاكن والله كل

هالجمال هذا يروح كذا مع ناس ماتستاهله .

أنا راح أوريكي الحياة الحقيقيه صدقيني يافلانه ترى الحياة حلوة بس للي يعرف يعيشها ويحافظ على

كل شي أمرنا فيه ديننا الحنيف .

وقتها البنت قامت تبكي هو لاحظ دموعها عرف أنها دموع الندم دموع كل لحظه عاشتها غلط .

بعدها فكر في حياتها هذا وشلون يغيرها .

قرر أنه يجيب لها كمبيوتر ويسجلها في دوره حاسب آلي ويأمن لها وظيفه تكسب من وراها لقمة عيشها .

وبالفعل جاب لها الكمبيوتر ودخلها دورة حاسب آلي وجاب لها سايق متفق معاه بالشهر يوديها

ويجيبها لمقر الدورة الحاسب الآلي .

وطلب منهم انهم يعلمونها كيف تستخدم

النت صح وسجلها معاهم عضوه في المنتدى .

وبعد كذا سألها قال وش أخبار الفراغ قالت يوووووووه يافلان ماعاد له طاري .

قال لها خلاص أبشرك يافلانه أنا لي صديق في مستشفى الفلاني وكلمته عنك قال

هات لي بس الشهاده الدراسيه وشهاده الكمبيوتر وخبرتها اللي انتي تدرسين دبلوم حاسب

آلي وهو ضمن لكي الوظيفة من يوم تتخرجين .

فرحت وقامت تبكي وحست أنها الحياة فعلا حلووووة .

وطلب منها أنها تغير أرقام تلفونات البيت ورقم جوالها وبالفعل غريتهم وبعد ماتخرجت

تعينت في المستشفى الفلاني وبراتب معقوووول وزين .

بعدها قال بسألك يافلانه وشلون حياتك أول وحياتك اللحين.

قالت وعيونها كلها دموع والله العظيم يافلان لو كان كل الشباب مثلك كان كل بناتنا

بخير وماينخاف عليهم فعلا الحياة حلووووة بس للي عرف يعيشها خاصه أنه في بنات

يمشون في هالطريق ماهو رضى منهم لاكن الظروف هي اللي حدتهم على كذا وأستغلال

الشباب لهم ولاكن من في زمانا هذا يقول أو يسوي اللي أنت سويته روح ياشيخ الله يسعدك

ويوفقك وين ماتروح.

ياريت الكل يقرأ ويفهم معنى هالقصة اللي أنا أعتبرها رسالة ألى كل ولــــد وبـنـت...

منتديات مدرسة المشاغبين - القصص و الروايات و الحكايات قصص قصيرة و تعلم القصة story novelette

مالك سوى ربك ملاذ · #2 04-03-2010

سلمت اناملك"

ربي يوفق الجميع لطريق الحق آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآمين"

قصه رائعه جدآ"

رامبو07 · #3 04-03-2010

حـــرر

آلرجـآء آلتقيـد بـ أدب آلحوآر

خ ـيآل آنـثى ـآ · #4 04-03-2010

×

قصـه رآآئعـه

وفعــلآ آلحيــآه حلوه للي يعيشهآ صح

ويفهم طريقهـآ وعثرآتهـآ

ويكـون فكل عثـره آلمؤمن آلصآبر آلمحتسب

ويـآحلآت آلحــيآه آذآ كـآنت صلتك مع آلله قـويـه

ليت آلكـل مثل هآلشـآب

كـآن آلدنيـآ بخ ــير

^

تسلم يمينك يـآخوي

ويعطيك آلف ع ــآفيـه

^

دمت في رع ـآيه آلمـولى

×

ﭾـسد ٻـلـيـ[ŘOŏO7]ـٱ · #5 04-03-2010

تسلمين اختي على القصه

في انتضار جديج

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
من أخلاق النبي - صلى الله عليه وسلم -	الحلول التقنية الحديثة	المنتدى الاسلامى	8	01-10-2011 10:57 PM
أم حكيم, ام خالد, أم كلثوم رضي الله تعالى عنهنّ	جنين مصري	المنتدى الاسلامى	3	12-13-2010 06:51 PM
حكم وفوائد عظيمة في الوضوء ومصالح لا تخطر على بال كثير من الناس	الراشن	المنتدى الاسلامى	4	07-07-2010 07:29 PM
فضل الصلاة على النبي صلى الله عليه وسلم	wada3 al rooh	المنتدى الاسلامى	10	06-21-2010 01:40 AM
الجواب المفيد في حكم التصوير الإمام بن باز	(أسد الإسلام)	المنتدى الاسلامى	2	02-13-2010 02:17 PM