دخيل الضحكه.... إهـــــــــــداء خـــــــــــاص

دخيل الضحكه اللي كم أدورها وأنا مضيوم


.................................. دخيل الهمسه اللي تنعش الخافق وتحييني



دخيل الكلمه اللي كل ما أسمعها تضيع علوم


.................................. .. وأصير بعالمٍ ثاني أناجيك وتناجيني



دخيل الشوق لاهز الخفوق المغرم المحروم


.................................... وتساقط بوحه المكنون حتى أنه يبكيني



دخيل الريح وأنفاس الربيع وعشقك المفهوم


................................. دخيل العشره وكل الغلا ما بينك وبيني


دخيل البسمه اللي من حلاها تشفي المهموم


................................. دخيلك لاخذاك الشوق تكفا لا تجافيني



غلاك اللي تمكن بي واصبح بالحشا مرسوم


................................ سكن نبض الخفوق وزاحم الدم بشراييني



تباهى ياغلااااي وعشقي وخل الغلااا مكتوم


.................................. على روحي تراك تمون حتى لو تعنيني



تصحيني طيوفك كل مايطري علي النوم


................................ أنا لامرني طيفك يطير النوم من عيني



تعال إنزل على حدب الضلوع ومنزلك معصوم


..................................... عن الواشين يا كل الغلاا من قلبي لعيني



تريح والشعر في حضرتي دايم يجي منضوم


................................... على ذكرى هوانا العذب أغنيك وتغنيني



اتمنى ان تناال رضاك