ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

الفنان · #1 10-04-2002

قصة حقيقية لمدرس حديث التعيين

السلفه طول الله عماركم تبداء عندما تخرج الطالب (س-ع-العتيبي) من أحد الكليات الخاصة بأعداد المعلمين وتحديداً من الرياض وبعد أنتظار ممل لأجل التعيين وكثرة مراجعاته علم أن تم تعيينه في الشمال ( تبوك ) وانه لابد أنه يذهب خلال مده أقصاه يومين علماً بأنه لم يسبق له أن ذهب إلى تبوك المهم الرجال جهز نفسه بسرعه وراح للحجز وبالعافيه لقي له مقعد على الطايره وبعدها وصل تبوك مايدري وين يروح واخذ له تكسي على أقرب فندق وبعد ما سكن وريح راح في اليوم الثاني لإدارة التعليم بتبوك يبي يأخذ قرار تعيينه قالوا له لا ها الحين ما تحدد لكم شي ورجعنا بكره المهم بعد عدد من المراجعات اللي تبط الكبد قراء في احد الجرايد انه تم القبول أو حركة النقل في جميع أنحاء المملكة وبعد ما قراء هالخبر فرح وراح لإدارة تعليم تبوك وقال لهم هاه وين قراري وقلوا له لاهالحين ما صار شئ وبعد أسبوع وتقريباً يوم الاربعاء في بداية شهر (7) جاهم قالوا له ياله بسرعه خذ قرارك وروح باشر هالحين وحضر عند مدير المدرسة وإلا تعتبر غايب من يوم الاثنين يعني (3) أيام غياب شاف القرار لقاه ماهو بتاريخ اليوم اللي جاهم فيه قال لهم طيب أنا كل يوم أراجعكم وانتم تقولوا ما صار شئ ليش ما عطيتوني القرار بيومه أو اليوم اللي بعده قالوا له رح راجع و لا تضيع وقتك زعل منهم وراح للمدير في الإداره يشرح له الوضع وقال له المدير نفس كلامهم المهم راح المدرس الجديد يبي يباشر في المكان اللي يعنوه فيه وكان المكان داخل منطقة تبوك وفرح لآن زملائه البعض منهم عينوهم في الباديه والقرى وبعد ما ركب سياره لاحظ أن رقم البطاقه حقته ماهو صحيح رجع ثاني مره للإدرارة وأخبرهم بالخطأ اخذو القرار منه بسرعه وغيروه وعطوه ياه أخذه منهم وهو في نفس الإدارة لاحظ خطأ ثاني وهو ان المكان اللي معين عليه أختلف حيث أنه في القرار الاول كان معين على احد المدارس داخل منطقة تبوك وفي القرار الثاني لاحظ أنه تم تعيين في ( السرو ) أحد القرى التابعة لمنطقة تبوك رجع لهم وقال لهم يا أخوان فيه خطأ آخر وبعد ما ألقوا نظره قالوا له لا القرار صحيح 100% توجه على المدير وشرح اللي صار معه وقال له روح باشر حسب ماهو مكتوب في القرار ورفض التفاهم المهم سأل المدير عن المكان اللي هو معين فيه ( وين مكانه ؟ وكيف أروح له ؟) المدير تلخبط وقال قريب ماهو بعيد تقريباً ( 5 كلم ) غرب عن تبوك راح المدرس الجديد يائس وحمد الله أنها قريبه من خدمات المنطقة واتجهه حسب الوصف ودور ما لقي شئ وسأل نقطة التفتيش اللي موجوده على أطراف المنطقه وقالوا له مافي قريه قريبه بهذا الاسم وأقرب قريه هي شقرى وتبعد ( 75 كلم ) وسألهم عن ( السرو ) قالو ما نعرفها رجع مره ثانيه لأدارة التعليم وراح يسأل قالو له رجع قسم الحركه والصيانه يدلوك وراح للقسم وسأل وبعد ما صار كل واحد يسأل الثاني جاه واحد وقال القريه هذي على طريق الساحل وتبعد حوالي 350 كلم تقريباً المهم رغم صعوبة الطريق وأخطاره لأن فيه منحدرات خطيره جدا راح المدرس وبعد ما وصل حسب الوصف وجد أن اسم القرية (السر) ماهي ( السرو) يعني بدون واو واللي يزيد القهر ان السر اصلا مافيها مدرسه المهم يبي يرجع أدراجه وضيع الطريق وبدل ما يتجه جنوب أتجه شمال حتى وصل الحدود الاردنيه ( ما راح اقول لكم ايش كانت حالته ) المهم رجع لتبوك بعد ماسأل عنها وصل تقريبا الفجر واح الفندق اللي ساكن فيه وفي الصباح من اليوم التالي اتجه على النقل الجماعي وسألهم عن السرو ما احد دله وراح في المنطقه يسأل عند الاشارات والأسواق ماأحد يعرف وينها هالقريه اللي يدورها هالمدرس المهم راح للمكتبه وشرى له خريطة الفارس عن منطقة تبوك وبضه ما لقي على الخريطه حاجه اسمها السرو اجن جنونه وراح للموقف حق سيارات الاجره ةشاف سياره جيب وفكر قال أكيد أن هالسياره هذي علشان اللي يروحون للقرى والباديه واتجه عليه وسأله ورد عليه أنه ما يعرفها وسأل المدرس هذا الجيب ماهو علشان توصيل للي يسكنون في القرى وقال له اللي في الجيب نعم بس للي في قرية أشواق فقط صاحبنا قرر ما يفارق صاحب الجيب ولزق معه وقال خذني معك واستغرب صاحب الجيب وقال وين رايح قال معك وين ما تروح معك وتعجب منه صاجب الجيب وقال له لا تكون ارهابي من حقين القاعده ومنحاش لأن المدرس ( ملتحي ) دقنه طويله قال له المدرس ايه يمزح معه رد عليه صاحب الجيب تعذرك تبي تروح البراري في البدايه صدق لكن المدرس شرح وضعه لصاحب الجيب وتعاطف معه وقال له طيب أوصلك للفندق تجهز أغراضك وانا ابي اروح لعيالي اسلم عليهم واجيك المهم نزل المدرس وصار ينتظر صاحب الجيب عند الفندق وبعد (3)ساعات جاله وقال له ابشرك لقيناها قاله المدرس وشي قال صاحب الجيب الديره اللي تدور عليها أرتاح المدرس بعد ها العناء من المشاوير اللي قطعها ووصل على السرو وباشر عمله فيها .
ويبقى السؤال :
مدير منطقه تعليميه لا يعلم أين تقع المدرسة التابعة لهم!! لماذا؟؟؟
موظفون ادارة التعليم ايضا لا يعلمون وخصوصا ادارة المتابعه!!! لماذا؟؟؟
كيف يتم متابعة المدرسه ؟؟ وهل قام مدير المنطقة للتعليم بزيارة تلك المدرسه ؟؟
شاب من وسط المملكه ينقل الى اطراف المملكه!! هذه ماهي مشكله بس المشكله لو هذا النقل صار لبنت !!! ( وهذا حدث مع البعض اللي ما لهم واسطه )
وليش الوزاره ما تجعل المدرسين الوافدين من الخارج هم في القرى والوطنيين هم اللي بين اهاليهم ويخلون النقل في القرى بس عقاب للغير ملتزمين بعملهم مثل النقل التأديبي!!!

أرجو من الاخوه أن يقبلوا اعتذاري في إطالتي الموضوع ولكن هذه القصه سمعتها من المدرس شخصيا علما انني لا اعرفه من قبل وأخبرني بأنه قد ارسل قصته الى جريدة الاقتصاديه لنشرها ولا اعلم هل نشرت ام لا ولكم احترامي وتقديري

أخوكم / الفنان

منتديات مدرسة المشاغبين - منتديات عالم الجريمة حوادث كوارث جرائم

طــ2010ــلال · #2 10-04-2002

بصراحة قصة

تعرض لمثلها الكثيرين

وانا بعد اقول لك اول مره اعرف انه فية قريه اسمها السرو

او السر

لكن عندي لك راي

هذي القصة تنفع ان تعرضها علي

ناصر القصبي و

وناصر السدحان

والله بينبسطون منها

وطاش

طاش

طاش ماطاش

:D

:D

:D

:D

:D

:D

:D

بنت الحارة · #3 10-04-2002

حصلت قصص غيرها كثييييييييير.....................

للمعلمين والمعلمات ..........ومافي في هذه الدنيا شيء الا بالواسطة .......................

ارشيـف · #4 10-04-2002

دايماً..... بالواسطة ....حتى .... بالواسطة...!!

ههههه و الله شي يضحك صايرين زي طاش ما طاش

الله يعطيك العافية فنان

بس عند ملحوظة

يا ريت المره الثانية تكبر الخط

لأنه ما فيني أدور كل مرة على المكبر

بااااااايوووووووو

هنادي 2002 · #5 10-04-2002

مشكور اخوي الفنان على هذي المشاركه

والله يعين الجميع

والله يعطيك العافيه
تحياتي .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر رد
كل يوم لون " غير لون سيارتك خلال 45 دقيقة "	~][ كحيلان ][~	السيارات و الدراجات الناريه الشارع الاصفر تقحيص تفحيط تطعيس ترهيم	46	02-19-2010 11:16 PM
الخطوط السنغافورية و اول رحلة لأكبر طائرة في العالم	Esperanza	السياحة و السفر سياحة سفر رحلات حول العالم	16	05-18-2009 01:20 AM
دعاء على المدرسين والمدرسات	@جرح بغداد@	ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه	15	01-27-2009 10:24 PM
حبايبي اقنعة يجننو للوجه جديدة وكلو عندكم بالبيت	بنت النور1	العناية بالبشرة	4	01-25-2008 05:28 PM
دعاء الطلبة علي المدرسين	أحلى عصقوله	ممنوع مخالف مكرر	1	11-16-2007 06:51 PM