_________________

الفهرس << يعني بدايه الاحداث


في تلك المنطقه من الاحياء الشعبيه التي تقع في شرق الرياض

وكان عزيز>>انا<< يحب حيه حب جنوني ( يعني لو يجيه بيت في العلياء باعه وسكن في الحي الشعبي هذا)

قال عزيز آآآآآآآآآآه من حلاة ذيك الايام .....

وبداء اعزيز يسترجع في مخيلته احداث تلك الايام


ايام كنا نطلع من البيت في عز القوايل بدون نعال

ونشرب الببسي في كيس ونقط في بطاطس ابو ريال ..>>

ونطارد المغربيه البسسه وانواع الطردي والتمحيط ( حتى بلغ في ايام ازدهار هذا الهوايه الى انقراض البساس من الحاره 5 سنوات )

قال عزيز كنت انا وعيال الحاره الي هم كل من : << تونا نبداء !>>

جحا / كان على نيته وفيه دلاخه بزود

اخو جحا / ديكور فقط

اسنيقراء / كان يتميز بسرعته الفائقه حتى نسميه اذا ركض القراندي

العبد / ما عنده أي ميزه غير انه لا ضحك انت تخاف وناخذه كل ليله بالبرحه عشان ينور لنا القعده

ابو نخرور / ميزته اول من يورطك هو .... يعني وجه نكبه

الهطفه / نصيحه لا تروح تتظارب وهو معاك خواف درجه اولا وبعد دبوس من الطراس الاول

دب قريح / دب يروع ويتميز بكونه نصاب عالمي يعني ما مر على البشريه مثله ابد من قوة النصبه حنى عافين انه نصاب بس نصدقه هههه هذا الادمي يكذبك عينك عين << من قوة نصبه عليك تصدق

ابو عروم / هذا المهايطي حقنا يعني فيه هياط يتولى المهمه ويا فيه طول الله يستر عليه بس

خربوش / هذا ما فيه ميزه وسخ ولا نعطيه وجه ابد ودايم نتوطى في بطنه << يعني زياده عدد

الرقاصه / اسم على مسماء يعني يهو يرقص رقص ولا مصريه

علاوي / زيادة عدد ونمشيه معانا علشان خواته صواريخ هههههههه

( هذا الاسماء من ارض الواقع انا ذاك )

وكان جدولنا في ذيك الايام , هذا اذا ماكان جدول ونظام كل الشعب العصريه كوره ومطارد قطاوه << اللي يطرد القطاوه دايم الاحتياط !

قبل المغرب بشوي , مضاربه ولازم كل يوم قبل المغرب واحد مننا مفلوق !

وبعد المغرب راحه ونتفرج على مسلسل البدوي مع ببسي ابو نص وصامولي بيض مقلي شغل بيت<<مصنوع بالبيت<<خلاص عرفنا<< وبعد العشاء تكيه عند البقاله لي الساعه 11 ليلا ( اسم البقاله {البركه} والله الفضيحه اعرفوك الخلق خلاص)

وبعد العشاء ننتظر المصارعه<<نتحمس معها<< او فلم اكشن ونطبق بالصاله ..<<نتكي <<يبي يعلمكـ انه فاهم



في تمام الكلوك 7 بي ام << بيعلمك انه يعرف انجليزي

وبعد ماكنا نطارد بعضنا كننا توم وجيري << انواع البراءه

ونلعب بسيكل سارقينه من ولد جارنا المطنوخ << ابو يالتسلط

دقت اجراس الساعه على 8 صباحا

وكان ذابحنا الجوع فمنا من قام ياكل حصى

ومنا من قعد يمص اصابعه<<يلحسها>>من الجوع<<>>حراااام

فخطرت في لب رأسي فكره !

وش رايكم يا شباب نفطر !

اجابت الشله بصوت واحد ونبره استغراب ..!

ومن اين لنا هذا؟ !

فصاح منادي من اخر الجلسه .. نسرق الفطور يا شباب !!

قلت يا عزيز هذا والله الفكر السنعه

طيب والحين وش ودكم نسرق

يا عزيز وش رايك زيتون وجبن سايل وعسل

وبيض ( فيس ما يعرف يطبخ )

جاك سنيقرا مطفي النور قال كيف ناكل البيض قلت عادي افتح فمك وكل ( والله من زين الجواب )

قال كذا يعني>>( يقلعك يالدلخ يعني فهمت كذا )

طبعا نظرا لان بيت جحا اقرب بيت من البقاله قلت اذا سرقنا بنخلي خواتك يا جحا يسوووووون البيض

قال تم ....

قال ابو عروم ( نسميه قديم ابو عروم ملك الروم الي ما يصلي ولا يصوم )

طيب وشلون نصرف الهندي علشان ما يمسكنا ويجلدنا>> ( الوراعين متحمسين مع الموضوع وانواع الاحتملات )<<

قلت هذي عندي والخطه كالتالي ( مير ونجتمع زي الاعبين حول بعض وانا جالس في النص وهم واقفين حولي)

وانا اشرح والهطفه كل شوي يطلع راسه يشوف احد يسمع <<انواع الدلاخه ما في الحاره غيرنا في هاك الصباح>>هدوء

كل واحد يطلع الي معاه من دراهم وبعد ما كل تحكحك وطلع الي يملك في هذه الدنيا وتم تفتيش الجميع عشان نمسك الي ما طلعوا الي معاهم صفى معانا هذا المبلغ^
^^^
^^^^
اخوك يا ولد ما معانا غير ريال مقطوع بعد ونص معفوط وربع مخروق ابوك يلحاله

الله يا شلة الفلس والله من زين الحاله ونبي نسرق بعد ( شر البليه ما يبكي <<< ما فيه شي يضحك )

قلت الخطه نبي نطبقه في حذافيرها ( احلى والله لو هي خطة تحرير فلسطين )

قالوا ..... تم

قلت انت يا ابونخرور ودب قريح تدخلون البقاله اول شي<<يبي يوهقهوم

قال دب قريح لا انا خايف>>يااااي...ههههههه

قلت يا حمار لا تسرق بس سو الي انا اقوله بس>>ماشاءلله علي من عمري وانا مدبر للخطط>>اقول فكنا بس...هههههه

قال طيب <<< انواع الخرشه خارشهم انا تعرفون اسمي قديم مهجد الحاره>>معتز الي بباب الحاره هههههههه

قلت تدخلون على بالكم بتشترون ببسي ابو نص وتشغلون الهندي

ويجي علاوي وهو وخربوش يتطاردون ويدخلون البقاله ويتلاقطون والهندي يفرقهم ويطلعهم من البقاله وحنا نزرف الي نبي يعني ندخل مع بعض ودام الهندي عارف انا دايم ندخل مع بعض فهو مو شاك فينا ونتفرق في البقاله

طيب كيف نسرق يعني أي واحد يسرق أي شي ويطلع او ايش نسوي سوال طرحه العبد

قلت عليك نور يا عبد..... الحين تشوف الولد يغيم من الوناسه

قلت لا كذا يصير الوضع فوضه ( احلى يا جنكيز خان – مدري وش دخل جنكيز خان في السالفه بس جاء في بالي وقلته-)

انت يا عبد ازرف الجبنه وانتبه لا تزرف غير بوك ام ورده>>كامله الدسم>>يتشرط...هههههه

وانت يا جحا عليك الخبز نبي 2 خبز ( نتشرط بعد)

وانت يا سنيقراء نبي بيض ب3 ريال ( طبعا ذيك الايام كان البيض اربع بريال يعني 3 ريال يساوي 12 بيضه توهق سنيقراء )

ويعززلك يا سنيقراء في مهمتك ابو عروم .

وانا خلو علي الزيتون .

قال الهطفه باقي العسل قلت ملاحظه جيده ياهطفه عليك العسل انت اسرقه

السواط انت رح جيب شاهي من بيتكم <<<< شاهي الورعان لابوك يلحاله>>مافيه سكر>>ابووكـ يالروقان..

انطلق الجميع في المهام هلي خططنا عليها>>يارب تنجح

ودخل الشباب في البقاله ومشت الخطه زي الحلاوة>>حلواني<< غير ان جحا وقف عند رف الجبن وقال يااا عزيز الجبن هالي تبي الصفراء او الزرقاء

قلت: لا الصفراء قال طيب


ويتهاوش خربوش مع علاوي ميريصدق الموضوع الهندي ونزرف زرفتنا ونطلع


ونروح للدكه ( هذي الدكه كانت ل الشباب الكبار الي في الحاره يتكون فيها بالليل والوراعين في النهار )

طيران ونجمع الغله اللي سرقناها الا كل شي سليم ولا فيه نواقص ونرسل البيض ويجي جاهز

قلت لا لا لا متفقنا كذا قلوا وش السالفه يا ولد كل شي قلته سويناه

قلت خلاص خرب الفطور قالوا ليش يا ابو العز ( هذا الكنيه يقولها لي الشباب اذا يبون اوافق على شي او اروق)

قلت باقي الشطه ما جبناها ( ام الروقان على الفطور والساعه 8 شطه ابوك يالورعنه )

قال سنيقراء انا بروح اجيب شطه واجي قلت دوس يا شنب ويطير سنيقراء يسابق الرياح هو والسواط>>على220كيلو متر بالساعه

وماهي غير ثواني الا والوالد جايب الشطه وزياده من عنده زبادي وهو يقول قلت يمكن تبون زبادي !! << ذهين بالحيل

ونفرش السفره وندهر في ذاك الفطور الي على كيفك

ثم انصرفنا في ذاك اليوم الجميل الى بيتوتنا .... إنتهى


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
المستفاد من القصه
1- لا للشلل الفاسده ..!
2- كانت هذا القصه قبل الدراسه الابتدائيه , والحمد لله عقلت من اولى ابتدائي ولا بكون
رمز من رموز السرقه !
3- في ذمتي مبلغ وقدره ل صاحب البقاله اللي سكر من حوال 15 سنه يعني ورطنا
4- انواع السباكه في راس الهندي ونشوف من امثاله كثير يضيع شغله وحقه عشان
شغله مو مهمه وتفكيره يكون غبي !
5- الحس الاجرامي الي كنت اتحلى فيه حيث من عمر مبكر اخطط لسرقات واقود عصابه
6- ذيك الايام على ماكان فيها من قصوه الى هي اجمل ايام الحياة
7- يمدحون التقييم الاصفر يعني الي يعجبه الموضوع يقيم لا في العجرا
8- اللهم باعد بيننا وبين النسخ واللصق

_________________

مشكوووووووووووووووور

والله ما مداني اقرااا كل ذا بس بكمله بعدين يسلمووووووو ع الموضوع

_________________

خيال ويعطيك العافية كنت خطير جدا

_________________
احبكم