|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
12-06-2006, 08:44 AM
| |||
| |||
| قصه معبره ..؟ كوميديه للراقين فقط ..؟ :) :) :) بسم الله الرحمن الرحيم هذي قصه صراحه كوميديه نرجو ان تنال اعجابكم بس المطلوب منكم الرد بصراحه مجرد محاول فيه أمل أصير كاتب ولالا  نترككم مع القصه شخصيات القصه: أم حاتم: وهي تعيش مع أبنها الوحيد حاتم حاتم: شاب صغير يدرس بأولى أبتدائي مع مرتبة الشرف بالرسوب لمدة 5 سنوات حازم: الصديق المخلص لحاتم وهو معه يعيد كل سنه وشخصيات أخرى بالقصه نسردها لاحقا في يوم من أيام الشتاء القارسه والثلج يتساقط على مدينة الرياض الحبيبه( يسمعون به الثلج أهل الرياض ) كان هناك بيت صغير يسكنه شخص مسكين ذو ملامح طفوليه بريئه ولكن شكله قبيح (افهموها عاد) وأسمه حاتم وكان يغط بنوم عميق وشخيره شوي ويهد البيت وتقوم أمه الله يحفظها له ويصبرها عليه الصباح الباكر وتسوي فطور والقهوه وتصايح على ولدها خيشة النوم تبغاه يصحى ويروح المدرسه ولكن لاحياة لمن تنادي وتدخل أم حاتم على حاتم وبدون أي كلمه صبي عليه مويه بارده مع هالجو البارد والولد مسكين يقوم مفزوع وحالته يرثى لها الأم: بسم الله عليك ياوليدي وش فيك تقول مروع ( صابه عليه مويه بارده في هالبرد وتقول من روعك) حاتم: أيه يمه حلمت أني أمشي بالثمامه وأدور لي مويه ومالقيت وأدعي ربي يرزقني بمويه أشربها وأمطرت (ماشاء الله عليه الولد دعوته مستجابه وباين انه مايكذب أبد ) الام: زين ياولدي قم غسل وأفطر ويالله على المدرسه لاتتأخر وبعد ان أنتهى حاتم من الفطور اللذيذ ( أي لذيذ شاهي وشابوره لها شهر ) راح للمدرسه وهو يغني ومعه دروسه ويقابل بالطريق صديقه حازم ( حاتم وحازم وافق شن طبقه ) حازم: هلا والله حاتم أخبارك ياصديقي حاتم: أنقلع بس منت صديقي ولا اعرفك ولاتعرفني حازم: ليه وش أنا مسوي لك بس حاتم: وش اللي ماسويته أنت بس تاركني أروح للثمامه لوحدي وأدور لي خمسة أيام ادور مويه ولاتدق علي ولاتسال عني ولاتخاويني ماكأني صديقك (قايلين لكم مايكذب أبد) حازم: والله أنا مادريت عنك ألا يوم قالت لي امك لأن لي خمسة أيام نايم ( ماأكذب من حاتم الا حازم) حاتم: زين اجل خلاص صحيب ولاعاد تعودها ( يازيننا من أول نتضارب خمس دقايق ونرضى على طول) حازم: أقول وش رايك اليوم نغيب بس؟ حاتم: قدام بس ليش ؟ حازم: يقولون أن فيه نبيطات جديده تموت الحمامه من قوتها (أبد هاذولي الصدق متبرين منهم) حاتم: والله وناسه أجل خلنا نروح نصيد حمام جارنا أبو سعد وش كثرهن. وبعد ماوصل الصديقان للبقاله حقت المصري سمير ودخلوها على أساس يشترون النبيطات دار بينهم هذا الحديث الطفولي حاتم: ياله خلنا نشري هالنبيطتين ونروح نصيد الحمام( متفائل بقوه ماقال عصافير) حازم: أنت معك فلوس طيب لأن أنا مامعي. حاتم: لا مامعي وأحسب معك أنا حازم: واله البلشه اجل مالنا ألا حل واحد وبس حاتم: وش هالحل طيب مادام مامعنا فلوس. حازم: نسرقها وننحاش بسرعه قبل يمسكنا هالمصري النفيخه. حاتم: لا أنا ما اسرق أمي تقول السرق حرام وأنا اطيع كلام ماما (ياعيني يالادب) حازم: لا محنا سارقينها بس بناخذها وننحاش وبعدين نعطيه الفلوس حاتم: أيه كذا زين ( ياشين اللي على نياته وغبي) ويستعد الصديقان للهروب مع باب الباقله وكل واحد رافع ثوبه بيد والنعال بيد وينطلقون مثل الصاروخ والمصري ماطق لهم خبر جالس ياكل فول وطعميه وويتبع للجزء الثاني ننتظر الردود عشان الجزء الثاني او نبطل احسن  |
|
12-06-2006, 02:21 PM
| ||||
| ||||
| بالعكس ولله فلـــــــــــــــــــــــــــــــــــــــه كمل ما عليك  بس خل حاتم مدري حانم يحبــــــــ بنت جيرانهم اخت حـازم <<< ما عندها سالفه لا جد انتظر الجزء الثاني طيب ربي يعطيك العافيه
_________________  وهـ بسـ  |
|
12-06-2006, 03:50 PM
| ||||
| ||||
| هههههههههههههههههههههه يا حليلهم براءه اقول كمل بس>>>>>>>>>>بيجيك شي
_________________  |
|
12-07-2006, 03:30 AM
| |||
| |||
| مسطله أميره مشكورين على الرد منور الموضوع بررب اكتب الجزء الثاني خخخخخخخ |
|
12-17-2006, 04:02 PM
| ||||
| ||||
| هههههههههههههههههههههههههههههههه حلوووووووووووووووووووووة كمل اخوي
_________________ [SIGPIC][/SIGPIC] |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| ياقدم هالنكت تصدقون مغبره | المرسى | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 7 | 05-30-2009 05:27 PM |
| صوره كركاتريه معبره عن حجات كتير فعلا بتحصل | الجريئ | صور مضحكة صور طريفة صور حلوه الصور المضحكه و الطريفه و الحلوه | 3 | 10-30-2006 03:51 PM |
| شاب طلق زوجته في السوق..؟ (قصة كوميديه ) | صغيره بس بعقلي كبييره | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 15 | 08-23-2006 10:10 PM |
| سالفة اخوي يوم اغمى على كابتن الطياره (قصة كوميديه) تموت من الضحك | مذهلة | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 4 | 08-07-2005 01:17 PM |
| سعيد والمخدرات,,قصه كوميديه وواقعيه ,, ارجوا الدخول | نجمه الليل | ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه | 3 | 02-20-2003 06:25 AM |
-
-
العرض العادي
