قصيدة اعجبتني



أبارك لك على ظلمك ..... وأبارك لي ظلمتيني
واحب راسك ورجلينك.... واعفر نفسي بترابك

واغير صفحة الواقع .... وأنزف لك شراييني
واقول الوجد يا وجدي ..... ترى ميت بأهدابك

رغم اني بعد عارف.... ولا عمرك تحبيني
لكن عشقي الخالد .... يبي يسجد بمحرابك

حلالك خدي الأيمن هوت يدك؟ صفعتيني؟
بغيتي خدي الأيسر ولا يهمك من اربابك

بعد وشهو تبين اكثر .... وباقدامك تدوسيني ؟
رحمني للأسف دمعي .... وانا اتعلق بجلبابك

يا ليتك ما عرفتيهم ..... ولا شفتك سمعتيني
ويا ليت ان البكى ميت... قبل لعرف هوى جابك

كسرت الخاطر الغالي......؟ فديته لا تواسيني
انا فاهم معاملتك ........ وتجريحك وأسبابك

ظلمتيني؟ واذا يعني...... دخيلك لا تسيبيني
اقل حاجه تخليني ...... مثل لعبه من العابك

واذا قالوا منو هذا ...... تقولي ما تعرفيني
لقيته غارق بدمه ...... وناداني " بأصلابك "

تعالي واقهري ضعفي ......بسامحتك وذليني
مذله بالغلط دقت ..... على ابوابي بدل بابك

مذله جابها سكري ...... وبالتالي سكرتيني
وشفتيني حمل واقف ...... وكشرتي عن انيابك

حشى واللي خلق ادم .... لوطيك وأعليني
" هنا خمر وغدا امر " وأسجل لك على حسابك

ظلمتيني وأبارك لك .......؟ يجازيهم مجانيني
حلفت اني لخليها ........ قصيده تقهر اعجابك

جزاك الموت يا قبري ...... مثل منتي ذبحتيني
وقلبي اي نعم حبك! ........ ولكنه رجع تابك

هذاك اول اسولف لك ...... عن اشعاري وتقريني
انا من هذي اللحظه ....... سطر في اخر كتابك


والله مررره حلوه اش رايكم فيها


اختكم / نجوووده

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي