المقادير:-


- بصلة كاملة
- طماطم وسط
- جزرة واحدة
- فليفلة واحدة
- صلصلة طماطم
- بهارات مشكلة + ملح + فلفل أسود
- رز
- ماء
- ورق غار
- أعواد دارسين "قرفة"
- ليمون أسود
- لحم خروف


الطريقة :-

أولا ** قطعت البصل .. صغيررر مررره..

ثانيا ** قطعت الطماطم والفليفة وبشرت الجزر بالبشارة وحطيتهم على جنب ..

ثالثا** حطيت كأس ونصف رز يكفي لشخصين طبعا الرز على حسب افراد العائله..
رابعا** حميت الزيت وحمست البصل لين صار لون البصل ذهبي لا تكثرون زيت اذا كانت اللحم فيها دهن عشان ما يصير مره زيت ودسم طبعا يعتمد على نوع اللحم ..

خامسا ** بعدها حطيت اللحم وقلبته مع البصل لين تغير لونه من الأحمر إلى الأبيض .. هذا كلام صاحبه الموضوع لكن انا سلقت اللحم مع البصل والبهارات لين صار ذايب لان اللحم عندي مره قاسي فخفت انه يطلع قاسي لكن الطعم نفسه يهبل ..


سادسا ** حطيت الطماطم والفليفله والجزر وصلصلة الطماطم والبهارات وماعدا الملح آخر شي..فوق اللحم والبصل وقعدت اقلب فيه 10 دقائق تقريبا

سابعا ** حطيت 3 اكواب ماء ..وخليته يطبخ ساعة ونص تقريبا.. انا حطيت مرق اللحم لاني سالقه اللحم

ثامنا ** فتحت الغطاء وحطيت اعواد الدارسين واللومي الاسود وورق الغار وحطيت الرز وعلى نار عالية..

تاسعا ** فتحت الغطاء وشفت الرز انه نشف وقصرت على النار وخليته يطبخ بهدوء ..
عاشرا **سويت السلطة والمخللات والعصير البارد وحطيت الغداء
وبالهناء والعافية عليكم يارب..
وبالعافيه عليكم

منتديات مدرسة المشاغبين - المطبخ الاكل طبخ اكلات و اطعمة عربية غربية شرقية ماكولات منوعة food