 |
| |||||||
 | |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
05-09-2010
| |||
| |||
 ● اول مصــآفحة لي ● شرفوني )~ العنوآن/ رهطان ..يا لاعب في ورق خسران ..!! ~) ~ ~ عينك على حارتنا يـ عيوني ولا عينك علينا الله الله ظل سكان حواري (الشويت والعموديه وجيرانهم من الحواري) يرددون هذه الابيات بعد التدخلات وتدخيل العص في شي ما يخص من قبل حارة (رهطان) تلك الحاره اللي تموت في شي اسمه محارش ..وتحب تلفت الانتباه لها ..وتهايط هياط غطا على هياط جمهور النصر يوم يصكه الهلال بخمسه ويقوولن الوعد بالاياب نردها لكم كان اي شي يصير بالحواري اللي جنبها تجي وتقول وشو له؟؟ وليه ؟؟ ومن هو له؟؟ العموديه من اسمها كانت هي الحاره اللي النظام فيها مثل العامود تلف يمين ولا يسار تطيح محدن سما عليك..عشان كذا أغلب سكانها كانو يتحلون بالاخلاق العاموديه اللي قائمه على مبدا العداله وأبن امك تغلط يالهيس الشويت حاره في حالها أهلها ضعيفين ولا يهشون ولا ينشون ..من زود مهم على قد حالهم ماكان عندهم مخبز وكانو يشترون خبز من حارة العموديه اللي كانت ماتقصر معهم من مبدأ الجيره ..الشويت هي الحاره لملاصقه لـ حارة (رهطان) عشان كذا اغلب حقين رطهان مخلينها مثل (البحرين عندنا) يجون ويحسون ويدوسن بها ..ويعثون فيها فسادآ ..ولسنا حال حارة الشويت(حيل الله أقوى).. الاوضاع اللي كانت تصير بالحواري الثلاث كانت ماتعجب حارة (الخوال) تلك الحاره المتكبره واللي ايقالها متحظره وهاي كلاس لان عمدة حارتهم فتح فرع لبودي شوب بحارتهم..عشان كذا تعتبر حارة (الخوال) من أقوى الحواري وهي اللي مسيطره على الوضع ..وهي الوحيده اللي عيال حارتها اذا جو يلعبون مباراه مع باقي الحواري يلبسون (كنادر دبابيس) ومحدن يقولهم شي .. على طاري كنادر الدبابيس ..بذاك الوقت كان ممنوع الواحد يلعب بهن ..كلهم حافين بستثناء حارة (الخوال) وحارتن ثانيه منبوذه من كل الحواري اسمها حارة (عزرائيل) طبعن سبب التسميه ان كل سوالف اهل ذيك الحاره عن الموت وفلان مات وعلتان بالصحيه شكلكه بيموت(مادريتا ابو صالح مات ..مادريتا حميدان طلعو تسبده من بطنه وبيموت ..الخ) الشي الغريب والمريب واللي كان (ساطح تسبود بقية الحواري) أن حارة (الخوال) كانت تمنع باقي الحواري يلبسون (كنادر دبابيس) اذا جو يلعبون كوره ..وبنفس الوقت كانت تسمح لـ حارة (عزرائيل) يلبسونها؟؟ طبعن هالشي كان مهوب من صالح الحواري الثانيه ..اللي كانت تخاف انه يجي يوم وتلعب مباراه مع حارة (عزرائيل) ثمن تكسر رجلين لاعبينهم من كنادر الدبابيس ..عشان كذا بدت تحرك حارة (العموديه) ترسل ناس معهم هدايا (طيران وطبول>>كانت مشهوره حارة العموديه بتوفر هالاشياء عندها) كانت ترسلهم لحارة (الخوال) وتكلمهم يروحون يهجدون حارة (عزرائيل) ويسحبون كل كنادر الدبابيس اللي معهم ..و كان دايم رد حارة(الخوال) بـ سمو ابشرو ؟؟ بس اصبرو علينا.. حنا اللحين عندنا مرض منتشر اسمه(انفلونزا النسا) ومافيه له علاج الا عند واحد اسمه (صيدلي دج) اذا خلصنا من هالوباء اللي مجتاح حارتنا نلتفت لحارة(عزرائيل) ونوقف عندها حدها .. حارة (العموديه) كانت صبوره وتتبع المثل اللي يقول(اذا انت زول تراني بالصبر أزول منك) قعدت تصبر على حارة(الخوال) وتصبر وتصبر الين حست ان الصبر ملها على قولة شدقان راشد الماجد ارسلت ناس لحارة الخوال مره ثانيه ومعهم (طيران بس ازين من اللي المره اللي قبل) وجا الرد كالعاده..عندنا وباء خطير تطور وشكل بيصير (انفلونزا العجز) من تعقيده وللحين مالقينا (صيدلي داج) شكله دافنن راسه بالرمل عقب (الخمسه) أو عامل نفسه ميت بهالشوشره والوضع اللي صاير ..نقزت حارة (رهطان) واعلنت لجميع الحواري بعد صلاة المغرب ان كبتن الفريق راح اليوم وشرا (كنادر دبابيس) لعيال حارتهم!! وانها قررت تلعب مباراه ضد حارة (عزرائيل) بعقر دراهم وتبي تكسر روسهم براس حربه واحد ..!! ماكان هذا السبب الوحيد..حارة (رهطان) من الخبث والوصاخه اللي بهالحاره سوت هالشي عشان تخوف الحواري اللي حولها ..وخصوصآ حارة (العاموديه والشويت) اللي كانو دايم اذا لعبو ضدهم يفوزون عليهم بالراحه ..خصوصآ حارة (العاموديه) اللي كل لعيبتهم محترفين ومشتركين بقناة الجزيره يتابعون الكالتشيو الايطالي ..وعندهم محور دبلوماسي يقطع الكور بدون فاولات ..بعكس حارة (رهطان) اللي كان حدهم دوري شين السعودي ..ونظامهم اذا لعبو (ان تعداك اللاعب لاتعديك رجله) طبعن هالشي خلى حارة (الخوال) يطنقرون وتطقهم أم العبيد ويهددون حارة (رهطان) ان مارجعتو كنادركم اللي شارين ترانا تلاقطنا معكم وعلمناكم ان الله الحق ..وزاد الطين بله تشكي وتبكي حارة (عزرائيل) اللي بدت تخاف على وضعها عقب ماصرو عيال حارة(رهطان) عندهم كنادر دبابيس !! حارة (رهطان) طلع لها ريش ..وحبت تهايط أكثر وأكثر ..على وزن غرق الغرقان أكثر ..وجا كبتنهم وكتب على ملعب (سعيدان) اللي هو اساسآ لـ حارة (العاموديه والشويت) قاطين فيه ..جا وكتب عليه ملعب(بوزان) وقال ان اصل هالملعب لـ واحد من عيال حيارتنا كان فنان ويشوت بوز وسموه بهالاسم!!! صارت الاوضاع بالحواري ماتسر صديق ولا عدو ..حارة (رهطان) تهايط وتوعد ان ماخليتونا نلعب بكاندرنا جينا وباريناكم غصب وحسناكم بملعبكم حوس ..وحارة (الخوال) تهدد بسحب جميع الكور من حارة (رهطان) عشان ماعاد يلعبون كوره ..وحارة (عزرائيل) تحلف ان ما سحبو كنادر عيال حارة (رهطان) ان يجون يفحطون بملعبهم ويرشون عليه ديزل عشان يخرب ..!! في ظل هالاوضاع والتطورات اللي تصير بين الحواري ..كان موقف حارة (العموديه) محايد وحكيم بنفس الوقت ..حاولت بالطرق السلميه وأرسلت عمدة الحاره يروح لـ حارة (رهطان) ويقولهم ترانا جيران وخلونا من الكنادر هذي مهيب لنا ولاهي من سلومنا ..وحنا ترا نقدر نشتري مثلكم وألعن منكم بعد ..بس الدعوى تساهيل ووشوله نعقد الامور ..من عرفنا الكوره وحنا نلعب حافين ..ومانصطمخ الا اذا انقشع ظفر الواحد منا عقب مايسدد شوته بالثمانيات !! بس هيهات هيهات ..ومن تكلم ولمن تقول ...رفضت حارة(رهطان) كل التدخلات والواسطات جملتلا وقبلته تفصيلا ..لا لا رفضته جملتلا وتفصيلا وحطت في اذن طين والاذن الثانيه تراب !! أبو عمامه عمدة حارة رهطان: اللحين وش الوضع يا سبهان؟؟ سبهان كبتن حارة رهطان: ابد طال عمرك ..الكنادر وصارت عندنا ..وملعبهم وبناخذه ..وابن مه امه يهايط أبو عمامه: ايه كفو ..بس يخوي كننا زودناها ..يعني زودن على هياطنا نزرف ملعبهم سبهان: ياطويل العمر خلك واقعي ..حنا لازم نبسط نفوذنا ونخلي كل الحواري تلفت لنا وتخاف منا ..بعدين نسيت ان الملعب هو لـ بوزان من أول .. أبو عمامه: وانت مصدق ان فيه احد اسمه بوزان  سبهان: وأنت بعد مصدق أننا شارين كنادر  أبو عمامه: أقول اها بس لايسمعك أحد ..بعدين دق على عمدة حارة الخوال (مبارك) ابيه ضروري سبهان: توني مكلمني (شفحون) عمدة حارة عزرائيل وقال ان (مبارك) حاضرن سامري الليله ومهوب فاضي يستقبل اي مكالمه ..بعدين طال عمرك جوالي مقطوع ومايرسل كولمي.. أبو عمامه: خلاص رح وأنصب على عيال الحاره وقلهم لازم يقطون عشان نشتري فنايل للفريق ..وخذ فلوس القطه وأشحن بها جوالك سبهان: طول عمرك خبيث طال عمرك أبو عمامه: لولا الحقاره والخبث ماشفت هالعمامه على راسي ..يله عاد لايكثر وأنقلع عني ..بشوف مباراة برشلونا وأحس بـ المتعه..تصدق يمتعني هالفريق ..ليتكم تلعبون مثلهم سبهان: كلنا نقدر المتعه طال عمرك ..بس عاد برشلونا من يوصل مواصيله /////// عقب ماطلع سبهان من بيت أبو عمامه راح ونصب على الزلايب عيال حارته وزرف منهم القطه وشحن جواله وعلى طول دق على (شفحون) سبهان: هلا بشفحون الحقير شفحون: هلا بالواطي بعدين لاتقول حقير وترفع خشمك على عمانك..وتصدق ان عندك كنادر دبابيس بتبارينا فيهاسبهان: لا لا يبوي ..العين ماتعلى عن الحاجب ..بعدين وش فيها لو تعطيني من كناردك ..عادي يخوي لو انها مستعمله اهم شي احس اني قوي واكشخ بها عند باقي الحواري شفحون:تبطي والله حنا اتفقنا نسوي هالمسرحيه ونستفيد كلنا ..أنتم تخوفون جيرانكم الزلايب (العاموديه و شويت) وحنا بعد نستفيد ونغمض عيون الحواري عننا ونشغلهم بهالسالفه عشان ماينتبهون للزرف اللي نسويه بالحاره اللي جنبنا ..اللي خبري خبركسبهان: خلاص خلاص فهمت ..المهم ترا أبو عمامه وده يشوفك أنت والخال مبارك بأسرع وقت /// وبعد ثلاث أيام ..وبسريه تامه ..أجتمع أبو عمامه ومبارك وشفحون ..وتبادلو الضحكات والردح على اغاني اذاعة (اف ام) وطالت السهره ..وحلوت اكثر عقب ما كل واحد أخذ له جغمه من عصير القرع اللي جايبه الخال مبارك ..زادت ضحاكتهم اكثر واكثر يوم فتحو سالفة (كنادر الدبابيس) وكيف أنهم قدرو يمشون هالكذبه على بقية الحواري ..بس الظاهر أنهم نسو او تناسو أن حبل الكذب قصير ..ومصير الحي يتلائا  |
|
#2
05-09-2010
| ||||
| ||||
| رد: ● اول مصــآفحة لي ● شرفوني )~ يسلموووووووووووووووووووو ويشرفني أكون أول من يرد على موضوعك تقبلي مروري
_________________  تــــــعـــآل أبيــكـ آقـــرب مـــن آنفـــــــــــآســي  قـًـًـلت مـآ أحبـٍـٍـٍه وأنــٍـٍـٍآآ مجنونـًـًـٍـٍـه فيه مابيه يشوف حاله من غلاهـ |
|
#3
05-09-2010
| |||
| |||
| رد: ● اول مصــآفحة لي ● شرفوني )~ يسلمووو يآعثل شرفتي ,~ |
|
#4
05-09-2010
| ||||
| ||||
| رد: ● اول مصــآفحة لي ● شرفوني )~ مشكووور~ يعطيك العااافيه على القصه
_________________  شووكراا شاايله جماال الكوون  |
|
#5
05-09-2010
| ||||
| ||||
| رد: ● اول مصــآفحة لي ● شرفوني )~ يسلمووووووووووووووووووووو
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| (اكبر مكتبه لصور المسن) | F9oOoLe | عالم الماسنجر و البالتوك و البريد الايميل ماسنجر 9 و ماسنجر 8 و ماسنجر 7 ماسنجر في مسنجر MSN Plus Wi | 12 | 02-12-2011 09:49 PM |
| {مُجَرَّدْ إِنَسَآنَ سَيكُوْنُ إسْمَاً مِن آلمَآضِ (رحبوا فيني)... | اغاريد المحبة ^_^ | اهدائات ترحيب تبريكات تهاني افراح مناسبات سعيدة | 17 | 04-14-2010 05:50 PM |
| ايها الانسان ماجهلكـ بنفسكـ | احزان ماضينا | المنتدى الاسلامى | 3 | 03-04-2010 07:36 AM |
| إنكسار اقلام وهموم إنسان | عنك الصبر كذبة | ممنوع مخالف مكرر | 4 | 01-16-2010 08:24 PM |
| ●● ( مـن ذآكـرة الاتحـاد ) ●● مع النجم ( أحمد جـميل ) .. | FOX_07 | نادي الاتحاد السعودي - العميد | 6 | 01-09-2010 03:45 PM |
-الدورات
التدريبية بجامعة نجران-
العرض العادي
