وي وي وي كأني اتهزأت

يا بنتي انتي ايشبك راجعة عصبية وحساسة؟

مشكلة العطالة هذي مشكلة خطيرة ويبالها حل سريع

لأن الانسان العاطل حيكون طفشان وفاضي وما عندو اي شغلة مفيدة

فلما ما يكون عندو شغلة مفيدة يبدا يسوي اشغال مهي مفيدة زي الارهاب المخدرات معاكسات البنات التسكع في الشوارع الانتشار في القهاوي

يعني مهو حل المشروع البطيء

وشوفي يا بنتي

ممكني ما افهم شي في المشاريع والتنمية وهذي الاشياء

لكن افهم دي الاشياء

أولا : ظاهرة الأساور هذي بكل انواعها للرجال تدل على عدم رجولتهم ودلعهم

ثانيا : البنات اللي يحطو عقال في يدهم هذولا عرضه انهم كمان يسيرو مسترجلات

ثالثا: هذا المشروع مستغل جهل الشباب وجريهم ورى الموضه والهبل عشان يأكلوهم او حلم انهم حياكلو في يوم ما

رابعا: لو سوينا عملية حسابية صغيرة وسريعة وفرضنا ان في اليوم الواحد تم بيع 100 اسورة الاسورة الوحدة =35 ريال

مجموع المبيعات في اليوم الواحد حيكون 100×35=3500

والشهر فيه 30 يوم

3500×30=105000

والاشياء اللي زي كدا موضتها بالكتير 3شهور الى 4 شهور وعشانك ناخدها 5شهور

105000×5=525000

وعشانك ازود المبلغ هذا واخليه 600000

الست مية ألف هذي في عالم إدارة الأعمال ما تسوي شي

يعني الشخص الواحد يادوب تكفيه 100000 (مية الف زي صندوق عبداللطيف جميل لدعم المشاريع الصغيرة)

يعني بعد بيع خمس شهور بفكرة مستواها مو ذاك المستوى العالي والمأمول وفيها تعارض ديني وتشبه بالغرب وتشبه بالبنات

ما امدانا نغطي غير حاجة 6 أشخاص إذا كانت عندهم مشاريع صغيرة

يعني لو قلنا ربحو مليون ريال مح يغطو غير حاجة عشر اشخاص

طيب قولي ربحو 10 مليون ما غطو غير مية شخص

في رايك كم عاطل في جدة؟

لا تنسي جنوب جدة

وليه نروح الجنوب في عاطلين في الشمال على قفا من يشيل

لاحظي اني لما انا حسبت ما حطيت تكلفة للمشروع يعني العقال هذا بلاش والستاند ببلاش وقعدتهم في ميقا مول ببلاش

وطنشت المشاريع التانية اللي كاتبين عنها في الموقع

تعرفي ايش سبب تأخر البلد ؟

اننا نحلم احلام وما نوزنها واننا ما نبغ نرتقي بأفكارنا وما نبغ أحد ينقدنا واذا اشتغلنا مو لازم نخلص في عملنا

هذا هوا سبب تخلف البلد

_________________

والله العلم تطور
هههههههههههههههههههههههههههههههههههههههههههههههههه هههههههههه[/COLOR
ماباقي الا بكرة يطلعولنا عباية على شكل شماغ

وغطا الوجه على شكل كوبرا هههههههههههههههههههههههههههههههههههههههههههههههههه هههههههههه

_________________

لا لا لا لا لا لا

سقافوه مررره مو قصدي

عموما انا اسفه

_________________

دايما تحرجيني يا اختي الكبيرة باخلاقك الرفيعة

زي السيدة رفيعة بالضبط

_________________