سااااااالت
سااااااااااالت
ساااااااااااااااالت
يابعدهم يوم سالت دمعة عيون البنية
حولت من عينها نقطة مطر...!!
مدري عطر...؟!
أو حبةٍ من عقدها
اللي يطوق جيدها
أودمعةٍ تصرخ
قهر
قهر
قهر
الله...الله...الله
ياذاك الجمال...!!!!
من يوصفه...؟!
لوناظرتها الشمس ومااغضت عينها...
شف وش يصير ...؟!
الشمس منها تنصهر...
خذت من أوصاف الدلال...
كل الدلال...!!
ومن النقى...
كل النقى...!!
ومن الطهر....
كل الطهر...!!
المشكلة مابالهوى ميناء أمان ...
ولمثلها تركض صواديف الزمان
كله سواليف وكلام
كله كذب
كله غدر
وهي على قلبٍ نظيف
وعشقٍ عفيف
تعشق بموت
وتهوى بسكوت
وتكتم هيامٍ ماتحمله الجبال
بين الضلوع
بشيءٍ يسمونه صدر
وياصبر هذاك الصدر

• **
ناظرتها وصبحتها
يسعد صباح أحلى عيون...!!
قالت لي
يووووووه
إسكت حبيبي...!!
خل العيون بحالها...
والله يبهذلها السهر
وشلون أجل لوشفتها في عزها...
يوم الهوى بأول شهر
كان إش تقول...
والله يهي كانت عيون...!!
وإلا الخدود
روضٍ كساه الله زهر...
عمر ومضى...
الحين لا...!!
تدري وش أسباب اللي صار...؟!
حبيت جاهل بالهوى...
وزرعت له بستان شوق
وقطف وروده كلها...
وأهداها غيري
وأنا دفعت له المهر
في ذمتك ماهو قهر...؟!

• **
ثم ضحكت...
وأنا ضحكت
وردة بكت
وأنا بكيت
قالت ترى ذي عادتي
أضحك شوي
وأبكي شوي
ذالي على خبالي شهر ...
رفعت عيني للسماء... وشفت القمر...
قالت لي ياحظ القمر...
ماقد عشق جاهل هوى
كانت تعيره النجوم ...
وتقول له
منتب قمر
وتشر علي بنورها
وتقول هاذيك القمر...
والحين صار هو القمر
واسكت بعد...!!
خذ راحته
وصار يظهر لو ظهرت...
ماهومثل ذاك الزمان
ماقد ظهرت يوم وظهر
فعلاً قهر

• **
تدري وش أفكر فيه...؟!
ليش الهوى يسوي بنا كل السواة...؟!!
يعني عشان إحنا مساكين ...
وبشر...؟!!
وطيب وإذا...؟!
هو وش يصير...؟!!
يكفيك بس إسمه هوى...؟!!
لو فيه خير...
ماعذب قلوب أهله
ولا لوى
ولا كوى
ولا جرح قلبٍ حواه ...
لكن عشان إنه حقير... سوى كذا...
لكن أقول لك شيء...؟!
ترى الهوى ملعون جد...
وماله دواء
بالك تحب ... وإلا تعشق... وإلا تهيم...!!
تصير حالتنا سوى
ونشرب هواء ..