خطــــــــــــــــــــــــــــــــــــــأ
إذا كنتي في الفصل مبسووووووووووووووطه عشان الهلال فاز في مباراة امس ومتسانسه وقاعده تآكلين فصفص وتجيك ابله متسلطه عليك دايم تهاوشك و كل حصصها تنزلك للإداره وانتي تنزلين دموعك وتتأسفين وتعاهدين نفسك إنك ماعاد تشجعين فريق الهلال ودموعك بكل مكان.لا ياحبيبي



الصحيح:
اول شي إذا بدأت تهاوش سكري إذنك وعينك بس فمك لا تسكرينه وخلي وحده من بنات شلتك تعرف تقنص وخل تحذفها بقوطي بيبسي على كشتها وقولي لها روحي كملي شرحك احسن وصرخوا انتي وبنات شلتك بصوت عاااااااالي (الهلال في قلوبنا )ولو كتبتوها على الباب بالمزيل يكون احسن واقعدي كملي يومك وانتي مبسوووووووطه ولا دموع بعد اليوم




خطــــــــــــــــــــــــأ:
إذا جيتي المدرسه وانتي فيك نوم وتعبااااااانه ومواصله مع فيلم امس ومالك خلق احد وتجين الحصه الأولى تقولين للأبله ابي اروح عند المرشده تعبااااااانه وتقولك لا مافي الدرس مهم وتسكتين وتقعدين وانتي النوم ذابحك



الصحيح :
اول شي قطي شنطتك بدولاب الفصل لأنك ماراح تستخدمينها اليوم واسحبي كرسيك وطاولتك ورا آخر الفصل وافصخي جزمتك وشرابك وطلعي المخده والبطانيه والمنبه على الطاوله وقولي لوحده من بنات شلتك تسكر النور إذا مافي ماااانع وحطي المنبه على وقت الفسحه وإذا الطاوله ماتكفي خذي طاولت زميلتك اللي جنبك ونااااااااااااااااااااااااامي نوم العوافي إن شاء الله .




خطــــــــــــــــــــــأ:
إذا إدارة مدرستكم جاتهم الحاله وقرروا إنهم يسون مجلس أمهات وانتي يتنكد عليك يومك وتروحين البيت زي الخروف لمّا يروح المسلخ ماتدرين كيف تقولين الخبر لأمك .


الصحيح:
لازم تتفقين انتي وبنات شلتك ان ولا وحده فيكم تخبر أمها واجلسوا اخترعوا مقطوووووعه صغيره او انشوده ترحيب واقعدوا عند الباب وكل مادخلت ام زفّوها بأصواتكم العذبه .وإذا جوكم الإداره وقالوا إيش فيكم قولوا قاعدين ننتظر أمهاتنا ...





خطـــــــــــــــــــــأ:
تكونين طاااااااالعه من المدرسه لك سااعتين واقفه وصرتي مشوي على الفحم وسواقكم ماجا وانتي تعصبين وإذا جا يقولك آسف مدام وتعطينه كم تهزيئه وتتعوذين من ابليس وتسكتين .

الصحيح:
اركبي السياره بعد ماتسكرين الباب بأقوى ماعندك وقولي للسواق يطلع برا يوقف ساعتين وبعدين يدخل وإذا دخل اعطيه ذيك المحاضره اللي تخلي الأصم يسمع ولو تنهين السالفه بضربه بالعجرا اللي موجوده بالسياره او بالكعب حقك يكون احسن وإذا رحتي البيت اشتكيه عند ابووك وامك واخوانك وجدتك وكل الأهل والأصحاب والجيران ونزلي بعض الدموع عشان ابوك يحرمه من راتب هذا الشهر كااااااااااامل واليوم الثاني خلي كل صديقاتك يجون معاك بالسياره وياليت لو كل وحده بيتها يكون بعيد عن الثانيه عشان يتعذب وهو يوصلكم .
وهذا وجهي إذا تأخر عليك مره ثانيه.


خطـــــــــــــــــــــــــــــأ
إذا جاتكم الإداره وانتوا تتطقون بالساحه وأخذوا منكم الطاوله حقت الطق وونزلوكم الإداره وكتبوكم تعهدات ومخالفات وقالوا لكم ياويلكم تطقون على الطاولات وتسمعون كلامهم وتتبون عن الطق .

الصحيح:
روحي البيت وجيبي كيســــــــــه كبيره وحطي فيها جميع أنواع قدور المطبخ حقتكم القديمه والجديده واليوم الثاني وزعيها على بنات شلتكم بس وابدأو الطق وإذا تبغون بعد خذوا غطيان القدور وصكوها في بعض تتطلع صوت يهبل وإذا جوكم الإداره مره ثانيه قولوا ماطقينا على الطاوله وإذا احد في بيتكم سأل عن القدور المفقوده قولي (ميري) قطتهم بالزباله.<<ميري الخدامه يعني




خطـــــــــأ:
إذا طلعتي للفسحه وانتي جوعااااااانه مررره ولقيتي في المقصف زحممممممه وصيااااح وناااااس وتقعدين واقفه مؤدبه تتنتظرين إلين الزحمه تروح وتخلص عليك الفسحه والأكل . لا ياحبيبي

الصحيح:
طبعا اول شي خلي اخوك يعلمك فن الملاكمه في البيت وإذا وصلتي للمقصف شمري اكمامك وقولي الله أكبر واااإسلاماه وسوي اقتحام وادخلي ووخري البنات كلهم فوق بعض خليهم يصيرون ملوخيه واللي ماتوخر عن طريقك اعطيها كوع على خشمها ولا شوتيها مناك وغوصي بالأعماق والله يعينك على كوكتيل الروائح اللي بتشمينها واشتري واطلعي وكولي بصدر رحب .




خطــــــــــــــــــــأ:
إذا كنتي ناويه تنزلين من الباص ووحده من البنات ذوات الشحوم واقفه عند باب الباص لاهي طلعت ولا خلت بنات المسلمين يطلعون وقاعده تقز في العيال عشان إذا وحده من البنات اخوها وسيم ولا مملوح تصادقها وانتي تقولين لها بكل رقه ونعومه وخري عن الباب وهي مو معطيتك وجه..

الصحيح:
ارفسيها رفسه تخليها توصل إلين عند باب الحارس( هذا إذا ماانكسرت رجلك ) ولحقي شنطتها وراها وروشيها بالمويه او البيبسي اللي معاك وقولي لها عييييييييييييب تطالعين في عيال الناس وابسطي بساط احمر لك ولشلتك وانزلوا من الباااص وانتوا معززين مكرمين .






خطـــــــــــــأ:
بعد ماتطبقين هذي النصايح تجين نهاية السنه وتفتحين ملفك وماتلقين فيه شهاده حسن سيره وسلوك وتقعدين تصييحين وتقولين خافوا الله يالظالمين

الصحيح :
إذا كنتي ناويه تنجحين ويصير عندك شهاده حسن سيره وسلوك وناويه تنقبلين بالجامعه لا تطبقين ولا نصيحه من اللي قلت لك فوق ولاّ احجزي لك غرفه في بيتكم لأنك ماراح تلقين احد يقبلك


خطــــــــــــأ:
إذا كنتوا طالعين البر مع اهلكم وكنتي طفشاااااااااانه هذا بعد مالعبتي انتي والبنات بلوت واونو وخلصتوا الطراطيع وجيتي تبغين تركبين دباب ويجي اخوك يقولك لأ وتقعدين تصحين وتنكدين الدنيا عليك وعلى الناس ..


الصحيح:
ارفعي عباتك (بس لازم تكوني لابسه بنطلون )مو ترفعينها مره وشمري اكمامك وطقي اللثمه مو تفتحين وجهك عيب والبسي النظاره واركبي الدباب وخلي وحده من البنات تركب وراك وإذا قابلتي اخوك بالطريق سلمي عليه وقولي له ان الجو عندك خياااااااالي ...هههههههههههههه



وهذا وجهي ان ماأعطاك كف يدخلك العنايه خخخخخخخخخخخ الحمد لله أخواني مو كذا ولا كان انتحرت من زماااااان

ويابناااااااات ترا انا كتبت هالموضوع عشاااان تستانسون بس وتوسعون صدوركم لا أشوف وحد تتطبق هالكلام اللي فوق خلوكم بنااات سنعات مؤدببببات

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه