 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#6
06-03-2010
| ||||
| ||||
 رد: الشمس قربت ع المغيب والبدر أختفى وأظلمت الليالي مشكوووووور والله يعطيك الف عافيه |
|
#7
06-05-2010
| ||||
| ||||
| رد: الشمس قربت ع المغيب والبدر أختفى وأظلمت الليالي $$$ الجزء السادس $$$ وبعد مرورثلاثة أيام راح بدر للمستشفى وأخذ معه سله حلوى وباقة ورد معطره ومكتوب عليها بيتين من الشعر راح للغرفه ودق وفتح الباب وشاف السرير ماعليه أحد ونادى هاني .. هاني ورمى الأغراض على الأرض وطلع بسرعه وشاف السسترفي الممرات وقال وين هاني ماشوفه في الغرفه السستر : هاني مات البارح بدر : وشهو لا ماني مصدق وجلس على أحد الكراسي اللي في الممرات يبكي ومو عارف وش يسوي الدكتور : طلع من مكتبه وشاف بدر وقال أيه مالك يابني ليه بتعيط بدر : ليه يادكتور مادريت أن هاني مات الدكتور : أيه الكلام اللي بتأوله انا دالوأت كنت عنده مين اللي ألك بدر : أنا رحت لغرفته وما لقيته وسألت السستر وقالت أنه مات الدكتور : ضحك أه أول كدا ياشيخ .. هو صحيح هاني مات بس دا واحد تاني مات في حادسه ليلة أمبارح مش هاني بتاعك .. هاني صديأك مامتش بس كل الحكايه غيرناله الأوطه بتعته مش عاوزها بيأول متضايق فيها بدر : ضحك وكأن الدنيا أضحكت له مره ثانيه وقال صدق يادكتور الحمدلله يعني هاني مامات أشوى أنك لحقتني كان هالحين قومت الدنيا وقعدتها وقلت لأهله الدكتور : أيوه مامتش روح شوفه في أوطه2 بدر : راح ركض وكأنه مو مصدق نفسه وفتح غرفه 2 ولقى هاني منسدح على السرير يقراء جريده جاء وضمه في حضنه بقوه وبكى هاني : مو مصدق اللي يشوفه أستغرب من تصرف بدر أول مره يشوفه يبكي وبالحاله هذي وقال وشفيك بدر ليه تبكي خوفتني أهلك فيهم شي بدر : لا مافيهم شي هاني : أجل أهلي فيهم شي بدر : لا مافيهم شي كلهم بخير هاني : أجل أنت فيك شي قولي يابدر وأنا أخوك خلني أساعدك بدر : لا أنا مافيني شي هاني : ياخوي حيرتني معاك قولي وخلصني بدر : يناظر هاني ويبكي ومو مصدق أن هاني قدامه لأن الصدمه كانت قويه عليه وماكان حاسب للفراق حساب هاني : خاف وصار مرعوب وقال وبعدين معك بدرطول الوقت وأنت تبكي وتقول مافيني شي ياخوك أنا مؤمن وراضي بقدر الله وأقدر أتحمل الصدمات قول خلصني ترى قلبي طاح في بطني من الخوف بدر : صدقني ياهيون مافيه شي والسالفه كلها يوم جيت للمستشفى وجايب معي سلة حلوى وباقة ورد ورحت لغرفتك ودقيت الباب ودخلت وماشفت على السرير أحد وناديت وأنت مارديت وطلعت بسرعه وشفت السستر في الممرات وسألتها وقلت وين هاني قالت هاني مات ونصدمت من الخبر وجلست على الكراسي أبكي وشافني الدكتور وقال مالك يابني قلت هاني مات قال لا هاني مامات اللي مات واحد ثاني أسمه هاني وهذي تشابه أسماء وهاني صديقك موجود في غرفه ثانيه وماصدقت نفسي جيتك ركض وهذي كل السالفه هاني : فال الله ولافالك موت مره وحده موتوني وأنا حي أرزق بدر : جعل يومي ياهاني قبل يومك هاني : ياخوي فكنا ولي يرحم والديك من طاري الموت وأن شاء الله نموت سوى بدر : ياه الموت والفراق صعب هاني : هالحين ليه تفاول علينا بالموت خل كل شي بوقته وعطني سواليف حلوه بدر : ضحك هاني : أيه يابدور أضحك وخل عنك البكا وبعدين وين باقة الورد وسلة الحلوى بدر : هالحين راح أجيبها وطلع بسرعه وراح لغرفة هاني الأولى وأخذ الورد والحلوى وكانت في منتهى الروعه دخل على هاني وعطاه الورد هاني : الله روعه والقصيده اللي عليها أروع منت بسيط يابديرمشكور ياخوي الله لايحرمني منك طول العمر بدر : هاه هاني الدكتور وش قال بتطلع اليوم ولابكره ترى ملينا وحنا بعيدين عن بعض هاني : والله يابدور أني مليت أكثر منك وأنا تحسنت وحالتي هالحين أحسن قول لدكتور يطلعني الدكتور : بتساسرو وبتأولو أيه وبعدين أنا سامع أسمي بدر : بصراحه يادكتور ..هاني تحسنت حالته ويبي يطلع الدكتور : أيوه أول كدا أنا عارف أنته اللي تبيه يطلع لانه وحشك كتير ويدل عليك بكاك وخوفك عليه ربنا يخليكو لبعض بدر : أكيد بخاف عليه يادكتور هاني روحي اللي أتنفسها هاني : الله يخليك يابدورتي ولا يحرمني منك يالله يادكتور طلعني تراني إذا طولت هنا راح أنخنق وأموت الدكتور : لا . لا . يكفي بتخلي السيد بدر يعيط مره تانيه أصلا أنا ياهاني كاتب لك خروق بس بشرط تجلس في البيت ترتاح على الأل يومين بالكتير هاني . صدق والله يادكتور وأنا حاضر واللي تبه راح أسويه بدر : لا . لاتخاف يادكتور أنا راح أهتم فيه ولا راح أخليه دقيقه هاني : قام وجمع ملابسه وفتح الباب وكان فرحان وطلع مع بدر وراح لبيته ونزل وقال أقلط بدر حياك البيت بيتك بدر : لا هاني أخليك هالحين ترتاح وسلم على أهلك وتجلس معاهم وبكره أن شاءالله أمرك يالله مع السلامه هاني : فمان الله يالغالي فتح الباب ودخل ومعه الورد والحلوى ولقاهم متجمعين في الصاله وسلم عليهم وجلس يسولف ياسر: وش هالحركات هذي والورد الحلو أكيد من بدر هاني : ضحك أجل عندي أحد غير بدر ياسر : يالله من قدكم الله يهني كل حبيب بحبيبه هاني : أمين يالله أنا بروح أنام تعبان ومرهق ولا تهنيت بالنوم في المستشفى $$$ الجزء السابع $$$ دخل بدر على أمه وسلم وقال يمه أشوفك بلحالك وين فريده وفايزه أمه : أخذهم أبوك وداهم عند عمك صالح يقولن ملينا ونبي نغير جو بدر : طيب يمه ليه مارحتي معهم تغيرين جو أمه : لاياوليدي مابي أروح وأخليك بروحك وبدون عشا بدر : الله يهديك يمه وش هالكلام اللي أسمعه وبعدين أنا رجال ولا ينخاف علي ولا بتحطيني طفل وتخافين دايم علي هاه يمه أمه : ضحكت لاياوليدي أنت رجال ونعم الرجال بعد بس أخاف عليك من الزمن وش أسوي بقلبي ياوليدي أنا أحبك بدر : خلاص يمه قومي ألبسي وخلينا نروح لعمي أنا مشتاق لعيال عمي ناصر وثامر أمه : خلاص يابدر إذا هذا يريحك مشينا ركب بدر وركبت أمه جنبه وقالت بدر يمه ماقلتلي وشلون صديقك هاني بدر : لايمه أبشرك بخير وهالحين طلع من المستشفى تصدقين يمه ماقدر أعيش من دون هاني أمه : الله يخليكم لعين ترجيكم بدر : أمين أمه : بدر هالحين عمرك20سنه وراك ماتتزوج وتفرح قلبي وتخليني أشوف عيالك قبل ماموت بدر : بعد الشر عنك يايمه وطولت العمر كله لك أن شاءالله لاتقولين هالكلام ترى بزعل منك والعمر الطويل ماندري لمين وبعدين الزواج ماني مستعجل عليه وأنا توني صغير على الزواج أمه : لاياوليدي منت بصغير اللي بعمرك متزوجين وعندهم عيال بدر : يمه تبين الصراحه أنا مافكربالزواج هالحين وبعدين أنا وهاني متفقين متى مافكرنا بالزواج نتزوج مع بعض وبليله وحده أمه : ضحكت وقالت بعد حتى الزواج فكرتو فيه أنه يكون مع بعض والله أن أمركم غريب بس يابدر وأنا أمك أنا خايفه أن بنت عمك تروح عليك وهي ماشاءالله عليها جمال وأخلاق وتحب الناس وأنا أبيها لك مابي أحد ياخذها غيرك بدر :ضحك يمه إذا كان لي نصيب في بنت عمي باخذها وإذا كان مالي نصيب فيها ماراح أخذها والأنسان مايعلم وين نصيبه ولاتستعجلين يمه وكل شي بوقته حلو أمه : خلاص نحجزها لك عشان ماتروح عليك بدر : يايمه ياحبيبتي الزواج قسمه ونصيب وبعدين ماودي أربط بنت عمي فيني وأخذ ذنبها والنصيب مايكله الذيب أمه : الله يعينا عليكم يالشباب كل شي تأخرونه لبعدين ولا تفكرون فيه بدر : ضحك يالله يمه وصلنا لبيت عمي أخذتنا سواليفك الحلوه اللي ماتمل يبيلي أفضي نفسي يوم كامل وأجلس معك أمه : ضحكت متى ياوليدي أشوفك جالس معي تسولف بدر : قريب يمه بس لاتستعجلين أمه : ضحكت ردينا على ياطير ياللي أصلا ماتقدر تبعد عن هاني بدر : لا يمه وأنتي الصادقه أجلس معك إذا كان هاني في الجامعه لأني أكون فاضي وماعندي لاشغل ولامشغله يالله يمه خلينا ننزل دقو الباب ناصر : فتح الباب وتفاجئ ياهلا بولد العم اللي مانشوفه بدر : ياهلا فيك ياناصر ناصر : كيف حالك عساك مرتاح بدر : الحمد لله ناصر : كيف حالك عمتي أم بدر وشلون صحتك أم بدر : الحمد لله ياوليدي أنا بخيردامك بخير ناصر : تفضلو حياكم الله البيت بيتكم تو مانورالبيت بدر : البيت منور بوجودكم ماقلتلي وين ثامر ناصر: ثامر وأنا أخوك ماعاد فاضيلنا يجهز لعرسه بدر : أشوى خوفتني ظنيت فيه شي إذا كان على كذا أمره يهون ويحقله يسوي كذا أو أكثر هذا عرس مو لعبه هالحين وين راح ناصر : راح يحلق وبيجي أهه الطيب عند ذكره ثامر : السلام عليكم بدر : وعليكم السلام ثامر : عاش من شافك بدر : عاشت أيامك ثامر : تصدق يابدر وأنا جاي أشوف سيارتك وماني مصدق نفسي وقلت لا. لا. هذا أكيد وأحد ثاني من خويا ناصر أكيد السيارات تتشابه بدر : ضحك . أنا تراني أتغلى بشوف معزتي عندكم بس ياللأسف مافكرتو فيني ناصر : أفا ياولد العم ماهقينا تشك في معزتنا لك وماياقف معك وقت الشده إلا عيال عمك هذي مايبيلها كلام بس يمكن تقول حنا نسوي زيك ماتجينا مانجيك بدر : هو صحيح أن عيال العم مايقصرون بس هاني أكثر تدرون ليه . لأن هاني ماراح ألقى مثله في الوجود ويوقف معي في الشده قبل الرخى أنا أسف إذا زعلتكم مهب قصدي بس هذي هي الحقيقه ثامر : يعني نفهم من كلامك أذا هاني كل شي حنا ولا شي بدر : أنا قلت لاتفهموني غلط أنا أوضح صورة هاني قدامكم عشان تعرفون ليه أنا أقضي كل وقتي معه لأنه أنسان رائع وكلمة رائع قليله في حقه ولأن صعب الواحد يلقى صديق مثله يمكن تلقى صديق كفو يحبك ويكون معك دائم بس وقت الشده راح يتخلى عنك ولا يقول لك أعذرنى أنا ماقدر أسويلك شي هذا صعب علي بس هاني مستحيل يتخلى عني لو أقول ياهاني ساعدني سواه مهما يكون من غير مايسأل يدق بيمينه على صدره ويقول أبشر أزهلها مالها إلا إرجالها صدقوني ياعيال عمي أنا عاشرت ناس كثير بس مثل هاني مالقيت في هالزمن تلقاهم قليل الأفياء أكثرهم حقين مصلحه ولا تسليه بس أنتم فيكم خير وماتقصرون وأكيد الظفر مايطلع من اللحم ناصر : الله يخليم لبعض وتدوم صداقتكم بدر : أمين هذي أحسن دعوه ثامر : هالحين هاني وينه وكيف حاله وشلون قدرت تجي وتخليه بدر : هاني في بيته له أسبوع وهو تعبان ومنوم في المستشفى بس طلع اليوم ومحتاج راحه كم يوم ناصر : وش فيه بدر : أبد شويت حمى وكحه ناشفه وألتهاب في حلقه كل هذا من ترويشته اللي أخذها قبل يطلع معي للبر والظاهر أخذ لفحة هواء ناصر : ليه ماخبرتنا عشان نقوم بالواجب بدر : مدري حسيت أني مرهق ومافضيت وكل همي شفاء هاني يالله أللي راح راح وبكره نروح نزوره في بيته ثامر : أبقولك يابدر شي بس مدري هذا وقته ولا لا بدر : قول ثامر : وش رايك تسوي مقلب في هاني وهالحين وهو تعبان عشان نثبت بدر : أيه بس هاني تعبان هالحين وبالطريقه هذي أخوفه ثامر : هاني مافيه ألا العافيه وأنا ودي أشوفه وهو تعبان يقدر يساعدك ولا لا بدر : أكيد هذي مايبيلها كلام ثامر : يالله دق عليه وقول أنا في ورطه قول أي شي بس أهم شي يكون كبير بدر : قولي مثل أيش ثامر : قول وأنا جاي في الطريق مسرع صدمت واحد وطاروالشرطه شافتني وأخذت رقم السياره وهالحين تطاردني ودخلت في حاره تكفى ياهاني ساعدني أنا وحيد أهلي ومالي غير الله ثم أنت أنقذني تعال بسرعه أنا في الحاره الفلانيه أخذ سيارتي وعطني سيارتك وشوف وش رده إذا وقف معك في هذي نعرف أنه ونعم الصديق بدر : أخذ الجوال ودق على هاني الساعه كانت وحده وهاني في غرفته يقراء جرايد ودق جواله وشافه بدر وضحك وقال مرحبا بالغالي بدر : رد وهو يمثل أنه مرعوب وخايف وقال هذا مو وقته الكلام الحلو ياهاني ألحقني أنا في ورطه هاني : وشهو ورطه خير اللهم أجعله خير قول خوفتني بدر : قال القصه زي ماطلب ثامر بضبط تكفى ياهاني ساعدني هاني : ضرب بيده اليمين على صدره وقال أبشر ولا يهمك مالها إلا رجالها ومافيه أغلى منك حاول تتخبى وتضيعهم لين أجيك دقايق وأكون عندك زي البرق بدر : ضحك وقال مبروك ياهاني نجحت في الأختبار وصراحه بيضت وجهي قدام عيال عمي هاني : ساكت مصدوم وقال أي نجاح وأختبار وعيال عمك وش السالفه يابدر بدر : أنا أقولك هذي كلها لعبه تخطيط وتدابيرمن عيال عمي يقولون سوى مقلب في هاني ولازم يكون قوي بس بصرحه أنت كنت عند حسن ظني فيك مشكور على وقفاتك معي عمري ماراح أنساها يالله ماودي أطول عليك نام وأرتاح هاني : أنت طيرت النوم مني بدر : ماعليه أهم شي أني كسبت قلبك وصرت أنا ملكك هاني :أنت كل شي لي بالوجود ياراعي الطيب والكرم والجود بدر : لا هذا كثير علي هاني : وتستاهل أكثر بدر : خلاص ماقدر عليك غلبتني بطيبك وحبك هاني : الله يدوم الصداقه والمحبه بينا بدر : أمين يارب العالمين يالله مع السلامه ياهناي هاني : مع ألف سلامه يابدور وسلملي على الشباب اللي عندك بدر : أن شاءالله يبلغ شباب هاني يسلم عليكم الله يسلمه .. سلملنا عليه هاه سمعتهم ياهاني يسلمون عليك هاني : الله يسلمك ويسلمهم سكرو الخط ناصر : مبروووك نجاح الخطه بدر : الله يبارك فيكم والحمد لله أولا وأخيرا ثامر : بصراحه ماشاءالله عليه ونعم الصديق بدر : أنا قايل هاني مافيه مثله وقليل اللي تلقاهم زيه واللي يعرف هاني لازم يحبه بس الله يخليه ويقوي صحته ناصر : أمين بدر : ثويمر ماقلتلي متى الزواج ثامر : تبي الصراحه مدري وما حددت أنا أجهز في بيتي وأكمل اللي ناقص وبكره لازم أسافر عشان أكمل الأثاث يمكن أخليه في العطله الطويله أحسن عشان أخلص كل شي على مهلي بس هاه لازم تحضر عرسي أنت وهاني مابيكم تغيبون عنه مهما تكون الظروف بدر : أبشر ولايهمك بس لازم أنا وهاني كروت دعوه خاصه ومميزه ثامر : غالي وطلب رخيص وغيره بدر : سلامتك ثامر : أبيكم تكونون أول الحاضرين وأبيكم تبيضون وجهي عند نسايبي وأبي العرس يصيرأحسن عرس في الشرقيه كلها بدر : بسيطه نحط أحسن مكياج ماركا وبكذا تصير أحسن واحد ثامر : لاياشيخ تنكت أنت وجهك أنا قاعد أتكلم بجد وأنت قاعد تتغشمر بدر : بجد ولا عم ثامر : وبعدين معك يابدير تراك زودها بدر : خلاص ولا يصير خاطرك إلا طيب أبشر راح أبيض وجهك قدام الرجال ونخليه عرس ماصار ولا أستوى وراح نكون سنايدك وعضدك وأضراعك الأيمن وغيره توصينا على شي أمر وتدلل ماعندي أغلى من عيال عمي ثامر : لا وأنت الصادق هاني أغلى بدر : ضحك لا هين هاني له مكانه خاصه جدا أما أنتم لكم مكانه غير وكل واحد مكانته تختلف عن الثاني ثامر : زين أن لنا مكانه لو 5بالميه بدر : ليه تقول الكلام هذا شاكين في معزتكم ثامر : لا بس أخاف هاني أخذ كل شي حتى مكانتنا عندك بدر : لا ماتوصل للدرجه هذي وبعدين ماأسمحله ياخذني من هلي وربعي كل شي وله حدود يالله أترخص عن أذنكم والله طولنا والسواليف أخذتنا وهالحين تلقى الوالده تعبانه وتبي النوم عاد الكبارفي السن مايتحملون السهر مع السلامه ودق على أمه وقال يالله يمه مشينا أنا في السياره أمه : زين ياوليدي أنك مشيتنا بدر : طيب ليه مادقيتو علي يوم خلصتو أمه : مادري وأنا أمك قلت يمكن أنك ماخلصت سواليفك ومانبي نعجل عليك بدر : خلاص يمه طلعو تأخرنا أمه : خلاص هذاني جايك ركبو السياره وراحو لبيتهم دخل بدر غرفته ونسدح على السريروطلع بدر جواله ودق على هاني بيشوف هو نايم ولاصاحي هاني : فتحه من أول دقه وقال مرحبا بدر : سلام عليكم هاني: وعليكم السلام بدر : على طول من أول مكالمه تلقط الجوال ياخوي أرفق عليه لايتكسرفي يدك تراني ماني طاير ومخليك وتأكد إذا طرت راح أخذك معي هاني : ضحك خايف على الجوال ولا علي لأني متهور وليا شفت رقمك جيتك طاير تدرى ليه لأني إذا شفت رقمك تضيع الأسامي بدر : ضحك ماكنت أتوقع الحب يسوي كذا بس ماقلتلي ليه مانمت لألحين وش تسوي قول بلا لف ودوران بسرعه جاوب هاني : أولا ماقدرت أنام لأني أفكر فيك وثانيا وأخيرا أقراء في كتاب تعلم اللغه الأنجلزيه بدر : ماشاء الله عليك أيه نسيتني أقول نام عشان بكره بيجيك ناس مهمين هاني : أوكيه بدر : سلملم هاني : الله يسلمك سكروالخط $$$ الجزء الثامن $$$ في الصباح دق بدر على هاني بدر : سلام هاني : وعليكم السلام والرحمه بدر : صباح الخير هاني : صباح النور والسرور بدر : وين أهلك صاحين ولا نايمين هاني: لا نايمن تو الساعه بدري بدر : طيب أفطرت ولا أجيب لك فطور هاني : لا ماله داعي تعب نفسك وبعدين ياسر طلع يجيب لنا فطور مشكورماقصرت يعطيك العافيه بدر : لاشكر على واجب هناي لاتنسى ترى العصربيجيك ضيوف هاني : لا ماراح أنسى والله يحيكم بدر : يالله سلام هاني : مع السلامه وبعد صلاة العصر دق بدر على هاني وقال سلام هاني : وعليكم السلام بدر : هاه هيوني أنت فاضي ولامشغول هاني : لا .. فاضي وحتى لوني مشغول فضيت نفسي للغالي وضيوفه بدر : ضحك هذا العشم فيك يا أغلا من الغلا هاني : وينكم أنا جالس أنتظركم بدر : جاين في الطريق هاني : الله يحفظكم سكروا الخط بدر مر عيال عمه وضرب بوري طلع ناصروثامروسلمو على بدر وركبو سيارتهم وأتوجهو يم بيت هاني ووصلو ودقو الباب وفتح هاني وسلمو هاني : تفضلو حياكم ناصر : يزيد فضلك دخلو المجلس وجاب هاني القهوه وصب لهم وقال أخيرا شرفتونا وشفناكم ثامر : الله ياالدنيا كل واحد يلوم الثاني ويعاتبه ويقول ماعاد نشوفكم هاني : أجل متعادلين في القطاعه ضحكو وبدر مبسوط بشفاء هاني ودقوها ضحك وسواليف لين أذن المغرب وبعدها قال بدر ياشباب ترى بكره كلكم معزومين عندي بمناسبة رجوع هاني لنا بالسلامه ماأحد يتغيب هاني : يابدر ماله داعي بدر : إلا له داعي ونص وخلاص أنا مرتب كل شي سمعتو ياشباب ناصر : عساك على القوه ياولد العم ثامر : يالله شباب خلونا نلحق الصلاه في المسجد طلعو وتوجهو للمسجد وصلوا وبعد الصلاه قال ناصر يالله مشينا بدر : رحو أنتم أنا بجلس عند هاني شوي مشتاق لسواليفه ثامر : يالله مع السلامه هاني : الله يسلمك وراح هاني وبدرللبيت يكملون سواليفهم لحد الساعه 12رجع بدر لبيته ودخل غرفته وده ينام وفجاه فتح جواله ويناظر رسايل هاني وتذكررسائل الماضي وقال صدق لقالوا الدنيا صغيره وفتح على الصور والفديو وتفرج على صور هاني وهو نايم وهو ياكل وهو يركض وغيرها من الصور لأن هاني يصور بدر بأي شكل وصار كل واحد يصور الثاني وتذكر شقاوتهم وصورهم يوم كانو في البر وفتح على الفديو فتح على صورة هاني وهو نايم يشخرضحك بدر على الصوره لأنها فعلا مضحكه لان هاني كان تعبان ومرهق ومن الصباح مانام أتعبه الصيد وفي وقت الظهيره حط هاني راسه وراح في سابع نومه وصارت فرصة بدر أنه يصور هاني وهو بالحاله هذي صورة فديو لأنه مقهور من تصرف هاني يوم صوره صورة فديو وهوطايح على الأرض ومتعوروهو يصيح وهاني يضحك ويصوره ويقول الرجال يتحمل الألم بس منظر حلو أصورك عشان أتذكرك وبعد ماصحى هاني من النوم فتح بدر على الفديو وقال هيوني شوف صورتك وأنت في سابع نومه بصراحه شكلك حلو وأنت نايم وتشخر هاني : زعل وقال لا يابدر مو للدرجه هذي تصورني وأنا نايم لا وبعد تاخذها فديو مايصير يابدر على الأقل خذها صوره بدر : ضحك البادي أظلم وأنت قايلها بعظمة لسانك تذكر يوم زعلت عليك يوم صورتني وأنا طايح على الأرض متعور وأنت تضحك وتصورني و تقول حلو الواحد منا أنه يصور مواقف محرجه ويتذكرها مع مرور الزمن وقلت لي صورني على كيفك يابدر والحين أنا صورتك على كيفي والصوره هذي بالذات معجبتني وأحب أتذكر تعبك يوم القنص وشخيرك هاني : يعني كذا هين يابدير وبدا كل واحد يصور الثاني على إي شكل منها اللي تضحك ومنها الحلوه وبعد ماخلص بدر من التفرجه دق على هاني هاني : مرحبا بدر : سلام عليكم هاني : وعليكم السلام بدر : هيوني أنت مانمت هاني : لاقاعد أفكر فيك وجلست أتفرج على صورك بدر : ضحك هاني : وشفيك تضحك أنا ماقلت شي يضحك بدر : أدري وأنا أخوك أنك ماقلت شي يضحك بس أضحك لأني أنا هالحين قاعد أتفرج على صورك وبالذات صورتك وأنت تشخر فياسبحان الله في نفس الوقت نتفرج على صور بعض هاني : تصدق أني بعد قاعد أتفرج على صورتك وأنت طايح ومتعوربصراحه صورتك تضحك بدر : لا ياشيخ عاد أنت اللي صورتك تضحك أكثر مني هاني : يالله كلنا صورنا تضحك بس حلوه صح بدر : صح حلوه ونخليها لذكرى يالله نام ترى مابقى على صلاة الفجر إلا ساعتين ترى السهر مو زين هاني : وأنت صادق النوم أريح عشان ماتروح علينا الصلاه يالله تصبح على خير بدر : وأنت من أهله كل واحد نام وفي وقت الأذان صحى بدر وتوضاء ودق على هاني هاني عطاه مشغول هذي كلمة السر اللي بينهم عشان يقومون للصلاه إذا صحى الأول يدق على الثاني والثاني إذا صحى يعطي مشغول وهذي دايم طريقتهم عشان يحافظون على الصلاه متفقين بينهم كل واحد يحط المنبه على الصلاه واللي يقوم الأول يدق على الثاني $$$ الجزء التاسع $$$ مرت الأيام سرعه ومابقى إلا شهرين ويتخرج هاني من الجامعه بدر مولود بكليه واحده وهالحين يحس بألم فيها بس ماخبر أحد بالمرض لأنه مايحس فيها إلا في النوم وأحيانا في الأوقات الثانيه بس خفيف نغزه وتخف وماوده يخوف أهله ويخوف هاني له شهر وهو على هالحال ولا أحد حس فيه لأنه مو واضح عليه أي شي وفي يوم من الأيام دخل بدر المستشفى الصباح لأن حالته زادت سوء وطلبو تحاليل أهله عشان يشوفون التطابق ويشوفون أقرب واحد تكون كليته مناسبه طلع هاني من الجامعه وراح للبيت فتح الباب وتفاجئ بالخبر المحزن سمع ياسر يقول يمه بدر فيه فشل كلوي بس المشكله كيف نعلم هاني وفجأه طاحت كتب هاني من أيده والدمعه تنزل من عينه وقال لا مستحيل بدر فيه فشل كلوي كيف ماحسيت فيه وليه ماقالي وطلع بسرعه وسكر الباب ياسر : هاني وقف بروح معك وطلع ياسر وركب مع هاني وراحو للمستشفى هاني : أه يالقهر بدر تعبان وأنا أخرمن يعلم ياسر : هونها ياهاني وتهون والصبر مفتاح الفرج وهم بياخذون التحاليل ويشوفون مين راح يطابق لكليته هاني : طبعا أنا راح أعطيه كليتي وماراح أسمح لأحد يعطيه غيري وصلو المستشفى دخلو ولقوا أهله متجمعين وعيال عمه سلمو عليهم والكل ينتظر تحليله هاني: راح لغرفت التحاليل يحلل وهو يدعي في نفسه أن كليته تناسب كلية بدر طلعت التحاليل وكلها غير مناسبه إلا ناصر وهاني ناصر: خلاص أنا اللي بدخل غرفت العمليات ياهاني هاني : والله العظيم مايدخل إلا أنا ياناصر وخلني على كيفي ناصر : بس ماله داعي وحنا موجودين نوفي ونكفي وبعدين لو يدري بدر كان هاوشنا كان يقول ليه تخلون هاني يتبرع لي هاني : أنا قلتلك وخلاص السستر : يالله مين يتبرع أنت ولا هو هاني : لا أنا ياسستر ناصر : لا أنا ياسستر السستر : خلصوني مين ولا أقول تعال أنته دخل هاني غرفة العمليات وشاف بدر باللبس الأخضر وفي غيبوبه تامه سلم على راسه ودعه ودمعته على خده وقال يابدور سامحني إذا أخطيت في حقك يمكن يكون هذا اللقاء الأخير يمكن لاسمح الله أموت يابدر ولا عاد أشوفك بس مو مهم أهم شي أنك تقوم بالسلامه ويخليك لأهلك أما أنا أنا عارف أنك ماراح تنساني من الدعاء وهذا أهم شي عندي ودعتك الله اللي ماتضيع ودأعه يالغالي دخلوه غرفة العمليات ولبسوه ودعى ربه أن بدر يقوم بالسلامه وترجع صحته له مره ثانيه يارب . يارب . يارب الكل ينتظر على أحر من الجمر ويدعون ربهم أنهم يقومون بالسلامه ومرت ساعتين وهم ينتظرون وبعدها طلع الدكتور وقالو بشر يادكتور أبشركم حالتهم مستقره وهم بخير بس يبيلهم شويت راحه الكل تطمن وكانوا فرحانين سلامة بدر وهاني وقامو بالسلامه وسوو أهل بدر وأهل هاني حفله كبيره مع بعض بمناسبة سلامتهم ورجوعهم لهم وبعد أيام رجع هاني للجامعه وكان مابقى على الأختبار إلا أسبوع أختبر ونجح بتقدير أمتياز طلع وراح لبدر وبشره بنجوحه بدر : صدق والله ألف ألف مبروك الله يفرح قلبك دنيا وأخره هاني : أمين بدر : وهالحين وش بتسوي بعد ماتخرجت هاني : بصراحه أنا فكرت مليون مره أخذ بعثه برى السعوديه ودي أخذها في بريطانيا بدر : أفا ياهناي وتتركني لوحدي تبي تفرقنا في الدنيا تبي تروح وتخليني هاني : هذا اللي متعبني والتفكير شاغل بالي ليل ونهار ومدر ي وش أسوي بس مافيه غير حلين الأول أني أروح وأتركك أما الثاني أني أخلي البعثه هاه وش رايك يابدرأختر أحسن واحد وشهو بدر : كلها مو حلوه بس لاتشيل هم ياهيوني أنا راح أقنع أهلي أسافر معك هاني : لا مايصير أنك تسافر معي وتخلي أهلك لوحدهم بدر : السواق عندهم يكفي إلا إذا أنت ماتبيني أسافر معك هذا شي ثاني هاني : لا يابديرأنا مو قصدي أني ماأبيك والود ودي أني ماأبتعد عنك وأخليك بدر : خلاص خلني أحلها بنفسي هالحين أبروح لأبوي وأفاتحه في الموضوع يالله خلني ألحقه قبل مايطلع من البيت . سلام هاني : ضحك سلام الله يحفظك يالغالي بدر: فتح الباب ودخل زين أني لحقتك يبه أبي أفاتحك في موضوع مهم أبو بدر : خير اللهم أجعله خير أكيد تبي فلوس بس هالمره تبي مبلغ كبير صح بدر : لا يبه أهم من الفلوس أبو بدر : فيه شي ياولدي أهم من الفلوس بدر : أيه يبه هاني عندي أهم من الدنيا وأهلها أبو بدر : وش فيه هاني بدر : أبد سلامتك هاني مافيه إلا العافيه بس هاني تخرج وأخذ أمتيازوهالحين يبي ياخذ بعثه في بريطانيا وأنا أبي أروح معه ماقدر أخليه لوحده في الغربه ودي أوقف معه زي ماوقف معي هاه وش قلت يبه أبو بدر : وشهو هاني بياخذ بعثه وأنت تبي تروح معه لا يابدر أنا ماني موافق وإذا تبي تساعده زي ماتقول ساعده في أي شي إلا السفر معه بدر : بس يبه ...... أبوبدر : خلاص أنا قلت رايي وإذا رحت من ورانا راح نزعل عليك وإذا زعلتنا زعل ربي عليك فكر في كلامي زين بدر : يعني يبه هذا أخر كلام عندك أبو بدر : أيه .. حنا نحبك يابدر ومانبيك تبعد عنا وتروح وتخلينا حنا نخاف عليك ..لاتزعل إذا منعناك من شي بدر : هذي هي المشكله خوفكم علي هو اللي بيضيعني وسكت والدمع في عيونه وطلع وسكر الباب وركب سيارته ومايدري وش راح يسوي وصار يبكي ويضرب الدركسون من القهر مايبي هاني يسافر ويخليه ومايبي هاني يجلس ويخلي البعثه ويضيع مستقبله توجه للبحر نزل وراح يمشي فيه بليا شعور هاني عند وقت الغروب دق على بدر ومايرد وقال غريبه بدر مو من عوايده أدق عليه ويطنشني معقول ماخلص سواليف مع أبوه أحسن أدق على البيت وتطمن دق على البيت رد أبوبدر هاني : السلام عليكم أبو بدر: وعليكم السلام هاني بدر فيه شي هاني : وشهو بدر مهب عندك أنا أدق عليه ومايرد ياعمي وش صار بينكم أبوبدر : قال أنه بيسافر معك ورفضت وأنا مابيه يروح حنا ماعندنا غير الله وهو تكفي ياهاني أنك تدوره وتقنعه أنه ينسى السفر هاني : خلاص ياعمي أنا راح أخلي البعثه ومعاد أني مسافر أنا أبروح أدوره وإذا لقيته راح أبلغكم يالله مع السلامه أبو بدر : الله معك راح هاني للبحروعارف أنه راح يلقاه لأن بدر يحب البحر شاف سيارته نزل هاني من السياره وشاف بدروهو وسط البحر وما يشوف إلا راسه بس وصاح وهو يناديه طلع أغراضه من ثوبه ونزل في البحر بسرعه وحط يدينه على فمه ويسبح بسرعه وينادي بدر. بدر.بدر حرام عليك اللي تسويه في نفسك بدر. بدر . بدر. بدر : سمع صوت هاني وناظره وشافه وهو جايه ومابقى إلا شوي ويوصله فكر بدر وقال في نفسه لازم أخذ نفس وأغطي راسي بالماء ودي أشوف ردت فعله دخل بدر راسه في الماء وهاني شافه وهو يدخل راسه وصاح وقال لا يابدر حرام عليك اللي تسويه في نفسك وصار يسرع وهو متجه يم مكان بدر ويوم وصل طلع بدر راسه وهو يضحك هاني : كان خايف ومرعوب على بدر وقال كذا يابدر تسوي فيني تخوفني عليك بدر : ضحك ودي أشوف ردت فعلك وأنت تبكي علي زي مابكيت عليك في المستشفى يوم أحسبك مت هاني : لا يابدر هذي مواقف صعبه مافيها أختبار وبعدين بغى قلبي يطيح في بطني من الخوف بدر : ضحك هاني : يحقلك تضحك علي لأني أنا الخايف مهب أنت بدر : ماعليه تعيش وتاكل غيرها هاني : ليه سويت كذا يابدير بدر : بصراحه أبوي منعني من السفر معك وكنت مقهور هاني : ماعليه أعتبر كل شي منتهي لأني يوم دريت عنك كرهت البعثه وحلفت أني ماروح بدر : لا ياهاني بكذا راح تضيع مستقبلك هاني : مستقبلي هو أنت وبس بدر : ضحك صدق والله راح تجلس معي ولا راح نتفرق هاني : أيه صدق والله لايفرقنا دنيا وأخره بدر : أمين غيروا ملابسهم ركبو سياراتهم ورحو ايم بيت هاني دق هاني على أبو بدر وقال أبشرك بدر لقيته عند البحر وهالحين هو على سيارته وبنروح لبيتنا وبدر الليله بينام عندي لانه متضايق مايقدر يرجع بعد اللي صار وخله يرتاح عندي وبكره يجيكم أبو بدر : الله يبشرك بالجنه ويرضى عليك دنيا وأخره وأنا ماعندي مانع أنه ينام عندك وصلوا البيت دخلوا في المجلس هاني : حياك ياللي خوفت قلبي بدر : يضحك وجلس في المجلس وقال المواقف حلوه تذكر يو م خوفتني بالثعبان هاني : أيه أذكر هذي مواقف ماتنسي وجلسو يسولفون لين وقت النوم نامو في المجلس هاني : راح في سابع نومه لأنه قام من الصباح بدر : عيا يجيه النوم وصارت الأفكار تلعب فيه يمين وشمال وتذكر لو الواحد منا يفارق الثاني وش بيصير فكر في نفسه وقال الواحد مايضمن عمره ولا يدري متى يومه أحسن شي أني أرسل هذه الرساله عشان يتذكرني ولا ينساني مع السنين وفعلا أرسل الرساله على جوال هاني وطلع وسكر الباب وراح لبيته لأنه وده ينام في غرفته عجز ينام عند هاني وبعد مادق المنبه في الجوال على صلاة الفجرصحى هاني من النوم وناظر في مكان بدر ومالقاه وظن أنه راح يتوضاء وأخذ جواله وشاف مكتوب على الشاشه الرساله الوارده وفتحها وقراها مكتوب فيها بعد موتي ؟ بلل تراب المقابر بالدموع وأحضن أطياف الرحيل سامحني حللني أذكرني حب ساكن بالضلوع بعد موتي ؟ أحضر ليلة رحيلي شاركهم في مغيبي لاتغيب علمهم من تكون !! قل أنك ساكن دايم في عيوني بعد موتي ؟ (تلقاني في الجنازه) وبجنازتي أبيك أول الحضور وإذا غطاني التراب أبيك أخر من يمشي وعلى قبري أبي شمعه تضويها بصمت وأبي دموعك على خدك تبلل تربة رمالي وأبيك ((تكتب دنياه تابوت وروحي فيه مدفونه)) أدور الموت وماأقوي أعيش من دونه ((وإذا قبروني وأندفنت)) مر شمال أن كان ودك تمرر مر على قبري وشوف محله وأن كان ودك فوق قبري تصلي إليا دعيت هل الدمع كله وقول أجمعني فيه يارب العالمين جسم كلاه الدود وصلك يبله وعند الوداع خط على القبر حرفين (( مرحوم ياللي صاحبه ماحصله )) أحفظ هالأبيات مني تراها هديه لك وحدك مامعك ثاني لأنك غالي ياهاني وصيه لاتنساهااااا أحفظهااااا ورددهااااا وخلهااااا دوم على فمك أمانه لامت لاتمسح رقم جوالي خله محفوظ وأرسل عليه لاضاق بالك خله عندك لاشتقت لأيامي أرسل لي وطمني عن أحوالك أرسل لو مايجيك رد يااااااالغاااااااالي صدقني توصلني وأنا في قبري لحااااااالي لاحتجتني ومالقيتني اقبااااااااالك دق على رقمي وقول وش اللي مضاااااااايقك قول وش اللي فيك جعل الضيقه ماتجيك وأنا أسمعك من عيني وعلى راسي وأن ماسمعت صووووتي ومالقيت مني جوووواب أعذرني ياااااالغالي أنت أدرى باأسباب سكوتي ورسالتي هذي أحفظها ولاتفكر تمسحها وإذا فيوم مت أمانه عليك تفتحها وتقرا كل كلماتي )( فماااااان الله ياااالغاااااالي)( وبعدها سكر الرساله ودق على بدر بدر : عطاه مشغول يظن أنه بيصحيه للصلاه هاني : دق مره ثانيه بدر : نعم ياخوي أنا صاحي هاني : ليه مانمت عندي وش هالرساله اللي مرسلها بدر : بصراحه عيا النوم يجيني عندك وقلت أروح أحسن وبعدين الرساله مافيها شي حبيت أرسلها عشان صواديف الزمن هاني: ياخوي فال الله ولا فالك وجعل يومي قبل يومك بدر : ياهيون ليه تتهرب عن الموت وليه نلعب على بعض إنا ماراح نتفرق ياهاني إذا مافرقتنا الأيام راح يفرقنا الموت وهذا شي واقع لازم نعرفه والموت حق علينا هاني : هو صحيح كلامك بس مانبي نتذكر أي شي واللي يجيبه ربي راضين به يابدور ياحبيبي شيل من راسك هالأفكار الشينه وخلنا نعيش اليوم لاتفكر في بكره وربك يحلها يالله بروح أصلي روح يابدير صل وأذكر ربك يالله مع السلامه بدر : مع السلامه سكرو الخط كل واحد منهم راح يصلي صلاة الفجروبعدها رجع هاني وهو يفكر في رسالة بدر وفتح جواله يدور على ((رساله رد)) على رسالة بدر وأرسل هذه الرساله لبدر أرجي السنين المقبله تنصف الحاااااااال عقب السنين اللي مضت لي حزينه مشيت كل دروب الأيام رحاااااااال طال الشقا والحزن طالت سنينه وكل من نشد عني يقول وش هي الأحوااااااال أخفي الدمع أجامله بالردوأقول زينه الرساله وصلت بدر وقراها وقال أه يالدنيا وش فيك تفرقين الأحباب الله يعين قلوب المحبين $$$ الجزء العاشروالأخير$$$ في أيام العطله زان القنص وكثر الصيد وزانت طلعات البريه وفي يوم الأثنين كان الجو رائع وقرر بدر وهاني ياخذون عزبتهم ويطلعون راحو لأحسن مكان وبعيد عن الزحمات وبدو يرتبون العزبه ويسون الفطور وبعد ماأفطرو راحو على جيب هاني يدورون الأرانب وبعد ماشافوها نزل بدر من الجيب يبي يصيدها لأنه سبوق ويحب الركض وهاني عكسه مايحب يركض لانه يتعب المهم بدا بدر بطرد الأرانب وهاني يحدها على بدر بالسياره وصادو 10 أرانب وخمسه حباري وتغدو على بعضها الساعه 3 وبعد الصلاه كملو قنصهم وصادو 4 غير الأولى وأوشكت الساعه على5 والشمس قربت على المغيب هاني : يابدر الصيد يكفي خلاص تعبت تعال أرتاح وخلنا نرجع لديره بدر : لاياهاني خلني أصيد هذا أخر واحد حاول أنك تحده علي هذا خطير بس لازم أمسكه هاني : خلاص يابدر هذا راح يكون الأخير وماراح أسمحلك تصيد ثاني فاهم بدر : خلاص بس حاول أنك تحده علي وبدا بدر بطرد الأرنب الأخير مادرى أن يومه هو الأخير هاني : ضحك على تفحيط بدركأنه يسوي خمسات فكر هاني وطلع جواله وفتح كاميرة الفديو ويصور بدروهو يركض بشكل غريب وهو مقهور ويتحدى الأرنب ويقول جايبك جايبك وين بتروح مني وفجأه كانت المفاجأه الكبرى لف الأرنب يم السياره ولف معه بدر ونسى أن فيه سياره قدامه وهاني ماحس ومايدري وشلون لفت السياره على بدر ضرب بدر بصدره على السياره من قدام وطاح على الأرض ودمه مغرقه هاني : وقف السياره ونزل ركض يم بدر وهو يصيح وأرتمي عليه أرفعه بيدينه وهو يحركه بدر. بدر . بدر ردعلي لأتخليني بروحي في البر وقام يبكي ويصيح ويلتفت يمين ويسار يدور أحد يساعده بس لاحياة لمن تنادي طلع الجوال ودق على أخوه ياسر ياسر : مرحبا هاني : صوته مخنوق ومايقدر يتكلم ياسر : ألو هاني رد علي هاني : ألحقني ياياسر بدر مات صدمته بسيارتي من دون ماقصد ياسر : طيب وينكم في نفس مكانكم الأول هاني : أيه ياياسر بسرعه الله يخليك ياسر : زين أهدى أنا جايك هاني: يناظر بدر ودمه مغرق وجهه وثوبه وقال ليه يابدر أنا قلتلك خلاص مانبي صيد بس أنت أصريت ليه تروح وتخليني في الدنيا وحيد رد علي لاتسكت وصار يبكي ويحرك بدر ويصيح ليه ياموت تاخذه مني ليه وراح أخذ الشنطه حقت الثلج وفتحها وكب كل الأرانب اللي فيها وقال تحرم علي أكلك من بعد راعيك تنعافين ماعاد أبيك وراح وكسر سيارته وقال ليه تصدمين بدر أه يالقهر لو أمسكك يالأرنب لعذبك وأقطعك قطعه قطعه اللي تعبت بدر معك وعذبتني وزدت العذاب وصار ويضرب بيدينه الأرض وقام يمشي ويقول بصوت كله حزن تابع |
|
#8
06-05-2010
| ||||
| ||||
| رد: الشمس قربت ع المغيب والبدر أختفى وأظلمت الليالي الشمس قربت على المغيب وأنا ~ هايم في عبراتي ~ أه يالقهرالبدر أختفى وأظلمت ~ اللياااااااالي ~ أه يالقهرأجرالصوت بالصوت ~ وأزيد في وناتي ~ على فراق الحبيب وعلى اللي ~ جرااااااااالي ~ راح الحبيب وراح اللي أغلى ~ من حياتي ~ ماني مصدق عيني معقول راح ~ الغاااااااالي ~ وضاعت فرحتي وأحلامي وكل ~ أمنياتي ~ فقدته وبفقدته ضاع كل الأول ~ والتااااااااالي ~ قمت أبكي وأصرخ وأزيد في ~ صرخاتي ~ وصرت وحيد في الخلا ~ الخاااااااااالي ~ ياناس ساعدوني وقولولي وش ~ السواتي ~ ماقدر أتحمل بدر ميت وأشوفه ~ أقباااااااالي ~ في موت بدر كن قرب لي ~ مماتي ~ ضاعت حياتي وأنقلبت كل ~ أحواااااااالي ~ وليا جاء نومي وغطيت في ~ سباتي ~ يطري خيالك يابدر علي وتمر ~ في باااااااااالي ~ وأقوم من نومي وتزيد لوعة ~ معاناتي ~ وأن جلست بين العرب كني ~ لحاااااااالي ~ وأن قمت أمشي تثقل على ~ خطواتي ~ وليا شافوني الناس قالوا صابه ~ خبااااااالي ~ أه يالقدر أخذت مني أجمل ~ ذكرياتي ~ ماكنت أفكر أن الموت ياخذك ~ قتاااااااالي ~ بس ماراح أنساك وبدعي لك ~ في صلاتي ~ أبدعي لك بالرحمه وأطلب ~ الواااااااااالي ~ وصيتي ياهلي ليا مت وأعلنو ~ وفاتي ~ تدعون لنا وتصدقون لبدر بكل ~ ماااااااااالي ~ لعل ربي يغفرذنوبي وكل ~ زلاتي ~ ويسكنا في الفردوس ويجمعني ~ مع الغااااااااالي ~ جاء ياسر وسلطان ومهند وشافو هاني في حاله مايعلمها إلا الله وشافو الأرانب مرميه على الأرض وشافو السياره مكسره وقال ياسر ياهاني اللي قاعد تسويه مافيه فايده وبعدين أنت رجال وتتحمل لاتسوي كذا عيب تبكي وش خليت للحريم هاني : أنا السبب أنا اللي صدمته أنا اللي ذبحته بيدي بس بدون قصد أه يالقهر وجو يم بدر وغسلو الدمان اللي على وجهه وشالوه في السياره هاني يبكي ويقول رد علي يابدر ولا خذني معك أخذو بدر وكانو بيحطونه في جيب هاني هاني : رفض وقال لاتحطونه في السياره اللي قتلته حطوه في سيارتكم حاول سلطان يمسك هاني ويهديه وركبه السياره وراح معه على الجيب وتوجهو للمستشفى ودخلو ودخلو بدر الغرفه يشوفون دقات قلبه لقوها توقفت طلع الدكتور وقال للأسف بدر مات لازم نبلغ الشرطه تاخذ الإجراءت دق الدكتور على الشرطه وبلغها جت الشرطه تاخذ الأزم وأخذو هاني معهم وسجنوه في السجن على ذمة التحقيق ياسر : يبكي على حال هاني ودق على أبو بدر وقال السلام أبو بدر : وعليكم السلام ياسر : بدر مات يطلبك الحل أبو بدر : وشهو بدر مات ليه ومتى وكيف ياسر : أنت تعال للمستشفى وتفهم كل شي أبوبدر : طيب أنا جاي أم بدر : أغمي عليها ونقلوها للمستشفى وجاها جلطه في الجهه اليسرى ماتتحرك أما أبوبدر : دخل على بدر وشافه مدد على السرير وسلم عليه ودعه وهو يبكي وقلبه محروق على فراق ولده طلع من الغرفه وياسر مسكه وجلسه على الكراسي ياسر : عظم الله أجرك يابوبدر أبوبدر : أجرنا وأجركم بس ماقلتلي كيف مات ياسر : هاني وبدر كانو يقنصون أرانب وبدر يركض ويصيدها وهاني يحد الأرانب لبدر وبالطريقه هذي صادو 10أرانب وبالأخير صدم هاني بدر بالسياره من دون قصد وهالحين هاني بالسجن ونبيك ياعم أبو بدر تنازل أنت تعرف معزت هاني وبدر مع بعض وهذي هي القصه أبو بدر : وشهو أتنازل هذي حقوق بدر ماأتنازل عنها مهما كانت الأسباب وبعدين أكيد هذه لعبه من هاني عشان نصدق كذبته تلقاه تخاصم مع بدر وفكر يذبحه ياسر : لا ياعم لاتظن ظن السوء وتظلم هاني أنت لو تروح وتشوف حالة هاني وعذابه على فراق بدر كان صدقت وبعدين هاني وبدر أصدقاء من عشرسنين كيف تقول عنهم كذا وأنت تعرف كل واحد يحب الثاني اكثر وكلا يشهد على حبهم أبو بدر : تنازل ماني متنازل ياسر : الله يسامحك ياعم نلقاها في الأخره وفي يوم الثلاثاء صلو على بدر ودفنوه هاني : يبكي وحالته حاله ويقول سامحني يابدر ماقدرت أنفذ وصيتك اللي في رسالتك ماقدرت أحضرجنازتك ولاقدرت أجي يم قبرك وسبحان الله كانك حاس بموتك الله يرحمك يالغالي أه يابدر لو تدري عن أمك وش صار فيها وعن أبوك اللي يبي ياخذ رقبتي بمكان رقبتك يحقله وجسمي كله فداك لأني أنا السبب سامحني يابدر وبكي بكاء يكسر الصخربعد مافتح صورة بدر الأخيره قبل وفاته وماكان يدري أن صورته هذي راح تكون الأخيره هذي قصيدة هاني كتبها في بدر وهو في السجن يقول فيها يابدر الدمع مايفارق عيني والنوم يابدر عيا يجيني يابدرثوب الحزن كاسيني والدمع في عيني غاشيني وهمي سرى بين الشرايني والجرح يألمني كأنه سكاكيني يابدر قول تكفى مين يداويني ترى أعصابي أنهارت وتفجرت براكيني يابدرمن بعدك ضاعت أسنيني وعاشت الأحزان يابدر فيني الهم والحزن صار يشقيني والموت أخطفك من قدام عيني و فرق يابدر بينك وبيني و رحت يابدر من بين يديني وقمت أجر الصوت وأناظرشمال ويميني يابدر كيف اليوم تتركني وتخليني والله يابدر حر الألم يكويني أرجع يابدر لو تزعل وتجافيني أه يابدرجت الناس فيك تعزيني وصار القلم يكتب مرثيه فيك ويواسيني قلي ياموت ليه تاخذه وتخليني وليه تخليني في الدنيا وحيدا حزيني أبو ياسر : راح يم أبو بدر دق عليه الباب أبو بدر : فتح الباب أبو ياسر : السلام عليكم ابو بدر : هلا أبو ياسر : تبيني نتكلم على الباب أبو بدر : تفضلو حياكم أبو ياسر : الموت حق وكلنا بنموت بس مايصير اللي قاعد تسويه أبو بدر : خلصت أنا ماسويت شي كل اللي سويته أني راح أخذ حق ولدي أبو ياسر : خلاص راح أعطيك مليون بس تنازل أبو بدر : لامليون ولاغيره وكنوز الدنيا كلها ماتسوى بدونه أبو ياسر : طيب قلي وش تبي وأنا أسويه أبوبدر : أبي روح بروح وهذا أخر شي عندي ياسر : يالله يبه الظاهر الكلام ضايع معه الشكوى لله أبو ياسر : إنا لله وإنا إليه راجعون لاحول ولاقوه إلا بالله وجاء موعد القصاص بعد صلاة الجمعه والشرطه أستدعت أبوبدر وقالت هاه بتنازل مابقى إلا ساعه على القصاص أبوبدر : لا ماراح أتنازل الشرطه : هاني أكتب وصيتك هاني : وصيتي أقولها في ساحة القصاص بس هالحين ودي أروح لخالتي أم بدر فعلا راح ودخل على أم بدر وجلس تحت رجلينها لانها جالسه على كرسي متحرك وهو يبكي سامحيني ياخاله أنا ماكان قصدي بس غصبا علي أم بدر : الدموع في عيونها شافت هاني وتذكرت بدر ومسحت بيدها اليمني على راسه وقالت بصوت مهب واضح مسامحتك ياولدي الموت حق وسامحنا وسامح أبو بدر الله يهديه طلع وهو يبكي لأنه تذكر بيت بدر تذكر أيامهم الحلوه كيف راحت في غمضت عين وبعد صلاة الجمعه والكل حاضر جلس هاني وهو مغمض عيونه بين الناس وقالو عندك وصيه تبي تقولها هاني : أيه عندي قصيده أبي الكل يسمعها ياروحي اليوم جاك طلابه جوك بالسيف لرقبتك يقصون مادرو ياروحي أنك أغلى أحبابه لوبدريدري ماطلب اللي يطلبون مادرو أني صفحه من كتابه وأنحرقت يوم الناس فيه يعزون مادروأن الموت ياروحي ماهابه ومادرو بعدفراقه صرت مجنون بس الموت حق والنفس غلابه ياهلي تكفون علي لاتبكون ترى قلبي حزين وروحي منصابه وصيتي ياهلي لامت مدفون حطوني جنبه ومساوى بترابه وأدعولنا ياللي لربكم تصلون يابوي أرجوك الحزن صك بابه وياسر بعد الله لك سند وعون يابوي الجرح عميق وزادصوابه من بعد بدر ضاقت علي الكون ماغير أتبع أثره وأطرد سرابه ياهلي أبيكم علي ترضون جعل قبر بدر تمره سحابه وتبرق البرق وتهل عليه المزون وبعد ماخلص القصيده أمتلت عيونه دموع وقهر في صدره وقصوه بالسيف وطاح وأنتثر دمه وأختلط بدمعه الكل تأثر في قصيده وفي موته ناصر وثامرأخذو عمهم وراحو ثامر : حالته حاله متأثر في وفاة بدر وهاني وكان يجهزلعرسه بكره يوم السبت بس صار اللي صار تذكر بدر يوم يقول أبشر ياثامر راح أكون أول المعازيم مادرى أنه راح يكون أول المتوفين ياسر : تأثر في وفاة هاني كيف راح قدام عينه ولا قدر يسوي أي شي كان البكاء راح يهد حيله أخذوه أصدقاءه مهند : أصبر ياياسر ترى الصبر زين ودعيلهم بالرحمه ياسر : أخذ جوال هاني وجوال بدر وضمها على صدره وتفرج على الصور ومقاطع الفديو وبكى بكاء مر ودق من جوال هاني على جوال بدر وكان ملقب بدر هاني بلقب روحي يتصل بك ودق من جوال بدر على هاني وكان هاني ملقب بدر في جواله قلبي يتصل بك يالله رحتو ماكأن الله خلقكم بس أنا السبب أنا اللي كنت أحسدهم على صداقتهم سلطان : يارجال خاف ربك وأستغفره وش هالكلام اللي تقوله ياسر : هذي هي الحقيقه أجل كيف يرحون مع بعض وتنتهي صداقتهم سلطان : لاتشرك بربك ياياسر والموت حق وكل واحد بيذوقه مهند : هو صادق أخوي سلطان وبعدين موت هاني أريح تدري ليه لأنك أنت شايف حالت هاني وشلون صارت في ثلاثة أيام وهو في السجن ماهان عليه فراق صديق العمر كيف لو أنه عايش كانت تصير حالته من سوء إلى سوء لين يموت ياأخي أحمد ربك وأرض بقضى الله وقدره ياسر : أحمد الله والنعم بالله ولاحول ولاقوة إلا بالله إنا لله وإنا إليه راجعون سلطان : يالله نخليك ترتاح مع السلامه ياسر : الله معكم جلس ياسر يتفرج في جوال هاني ويقرى الرسائل وفجأه شاف قصيده مرثيه في بدر كاتبها هاني وهو في السجن وهي تقول يابدرعيني بعد فرقاك تبكيك وأصبح بقلبي جرح عيا يطيبي يابدركم نفس من الناس تغليك دنيا تخوف مايفقد بها إلا الحبيبي بكيت يوم شفت الكفن يطويك ودفنوك بعد صلى عليك لخطيبي ماغير أبكي وأهوجس وأطريك صار الهواء حولي كنه لهيبي بروح لو أني تمكنت أبفديك كل شي فيني عقبك صويبي كريم تعطي ماتملكه يديك وعطفك على البعيدقبل القريبي طيبك لفعل الخيريابدرحاديك ونظرة الناس فيك ماتخيبي ياليتني يابدر أقدر أجيك روحي ماعاد يفيدها طبيبي يارب اسألك بأعظم أساميك عساه بالجنه وحسن النصيبي وجعل النوريابدر بالقبرغاشيك وعسى النبي يابدر لك صحيبي وبعد ماقراء القصيده بكاء وأخذ القلم يكتب قصيده مرثيه في هاني وهي تقول ياليل كيف الدار من بعد راعيه هاني غاب وأنطفى نوره ماصدق أن بيجي يوم وأرثيه ولاعاد أشوفه ولا أقدر أزوره أصعبشعورلاصرت أكتبه وأنعيه هاني اللي مديده جسوره أمشي مع الناس ودمعي أداريه والنفس في غيابه مقهوره أكتب حروفه وتذكر طاريه وكل حرف جاءمعه ألف صوره أنا أشهد أن عزالمجد كاسيه وأناأشهدأن الطيب درعه وسوره ذكراه يشهد له ويشهد ماضيه وكل الناس في معرفته فخوره تواضعه ولينه وبسطت أياديه صراحته صدقه ورقة شعوره راح الحبيب والعين تبكيه راح بقص السيف يوم جارجوره كل الأماكن في البيت تناديه وكل الناس بعد فرقاه مقهوره يأرض أنا أسألك بالهون ضميه ويالله تيسرله حسابه وأموره ويارياح سوقي السحاب وصبيه في القبر لين الصخرتنبت زهوره وأسألك يارحمن تثبت خطاويه وعلى الصراط أنك تسهل عبوره وفي جنة الخلد يارب تجازيه يقطف ثمرها ويلقى صبوره يارب يامعبودفي الوتر أدعيه أشوف ليله في منامي سروره وتحفظ أبوي تاج عزي وتبقيه وتحسن عزى قلبه وتجبر كسوره أبو ياسر : حزين بفراق ولده هاني ومقهور بس مع كذا كان صبور وراضي بقضاء الله وقدره أما هناء : تبكي على مين ولا مين على أخوها هاني اللي فقدته وفقدت حبه لها ولا على حبيبها بدر الأنسان اللي حبته من كل قلبها فيالله ماأقوى الجراح جرحين في قلب الله يقويها ويصبرها كانت تبكي وتقول أه ياجرحي الدامي أه ياقلبي المجروح أه ضاعت أحلامي ليه في الزمن الطيب يروح وبعدها أستغفرت ربها وصارت العائلتين في حزن ومأساه والكل جاء يعزيهم وحالتهم يرثى لها فياسبحان الله أصدقاء في الدنيا وجيران في القبور إ نا لله وإنا إليه راجعون فعلا قصه محزنه وكان سببها سياره $$$$$$ أنتهت القصه$$$$$$$ [[ملاحظه]] عندي أمنيتين الأمنيه الأولى : أتمنى أن تاخذوالحذر من لعب السياره والأسلحه وأنتم شفتو بدر كيف راح بسبة السياره طبعابالخطاء وغيرهم كثير راحو بسبب الخطا الأمنيه الثانيه : أتمنى أن القصه أعجبتكم وأستفدتو منها وأياكم والظلم فأن الظلم ظلمات يوم القيامه وأنتم شفتو كيف أبو بدر ظلم هاني وراح ضحيت غلطته [[ إنا لله وإنا إليه راجعون ]] |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| مواقع النجوم آية من آيات الله | saad_saad_1962 | المنتدى الاسلامى | 20 | 05-15-2010 06:54 AM |
| صورة زهره عباد الشمس , ورد عباد الشمس ,صور ورد , صور زهرة , صور زهرة عباد الشمس للتصميم | ellaithy | إبداعات وتصاميم الأعضاء | 3 | 04-04-2010 03:37 AM |
| حكايتي مع الشمس | رشاالتميمي | منتديات الفسحة العامة | 8 | 03-19-2010 08:08 PM |
-الدورات
التدريبية بجامعة نجران-
العرض العادي
