انا كنت ساكن عند جدتي انا وعيال عمتي كلنا

وبصراحه عيال عمتي كلهم خكاريا ومدلعين وانا كنت الشرير بينهم
وكنت اموت بشي اسمه ((النمر المقنع)) افلام كرتون اذا تذكرونه

وكنت متأثر بالمصارع ((العضاض)) بقوه

وطبعا من زود الحماس الي فيني بعد الحلقه ماياكلها الى عيال عمتي
كلهم يروحون ضحية الحماس انواع واشكال العضات
الى درجة انهم مايطلعون من الغرفه الى وهم مخرمين لا والي زاد الطين بله

كان فيه حلاو اذا تذكرون يجي معه طقم اسنان الي فيه انياب
<===عزالله راحت عليهم


المهم اني ادمنت العض وصارت تمشي بدمي وصرت ادور اي شي اعضه

وقدمت اوراقي على مكتبة جرير وقالولي وش بتشتغل قلتلهم خرامه وهم الي يشوتوني مع الباب

وبديت اعضض عيال الحاره ماخليت احد ماسويتله عاهه مستديمه
وفيه واحد من عيال الحاره عضيته مع خشمه وخرمته وصارو يعيرونه (( صفيرة جيب الشاص))
لأنه اذا جاء يتنفس تسمع صوت التصفير مع الفتحات الي بخشمه

وخواتي مايروحون يخرمون اذانهم بالمستوصف كنت امسكهم وحده وحده واطقلهم طقم تخريم اذان على كيف كيفكم

وكان عندنا دجاجه في البيت وتجيني الحاله وامسكها واعض رجلها وانقطعت وصارت الدجاجه
الضعيفه برجل وحده اذا بغت تمشي تطامر بس شريت لها عكازه
<=== لايكثر بس


ومره رحنا للكويت وحضرنا حفله للفنان عبد الكريم عبدالقادر وكان في بدايته ويوم غنى وداعيه وتجيني الحاله
واطمر لم المسرح واجلس اعضعض وجه عبدالكريم حتى تشوفون وجهه مخرم الحين تقل مرمي بشوزر

وكنت متعدد المواهب ماكنت اخرم بس كنت ادخل اللدبابيس بفمي وكنت ادبس بعد
<=== اثنين في واحد

المهم ابوي تدخل لحل مشكلتي ووداني لم شيخ يقرى علي
وانا عند الشيخ اقوله انا مابي جني بس الي فيني موهبه وهو يقول الي فيك جني مفترس لازم يطلع
ويبدا يتفل علي ويرشني بالماء ويقول اطلع
وانا اقول مابي جني انت ماتفهم وهو ملزم وزود التفال علي
وانا اقوم واطقله خرمين برقبته وادبس خشته بركبته وانحاش

وبعدها ووداني لم دختور مصري نفسي اسمه مصطفى جمعه وكان اصلع حتى لدرجه اني شفت نمل حاطين
صاله تزلج بصلعته بس كاتبين افتتاح الصاله قريبا <== ايه هين بس



المهم قال الدختور سلامات ماله ابنك الصغير وقاله ابوي السالفه
قال الدختور بسيطه ياحج ده مرض معروف في علم النفس اسمه الفك المفترس
<=== ول يالمصري الكذبه ماتعووق ابد


وهو جالس يكشف علي واقوم واعضه بجبهته وافتح له فتحتين في جبهته ويفقد الذاكره الدكتور لانه دخل هواء لمخه
وقلب من دختور نفسي الي دختور نساء وولاده
<=== ابوه هالمصري حتى وهو فاقد الذاكره دبر عمره


وبعد محاولات ابوي الي بائت بالفشل
جاني في احد الايام وانا جالس اخرم كفرا عيال جيراننا قالي
اتحداك تخرم الحديده هذي وانا اتحمس واعضها وتنشب سنوني بالحديده
ويربط ابوي الحديده بسلسه ويربطه بالددسن ويدعس ويمعط طقم سنوني من افمي
<===والله الابو الارهابي


وراحت سنوني وصرت حتى الطماطه ماقوا اعضها ومن بعدها صرت أليف
<== ماصرت متوحش صرت من الثدييات


النهايهthe End

الفائده من القصه:
اذا جوك عيال لاتوريهم النمر المقنع ورهم قرية التوت عشان تلقى واحد منهم داخل في العصاره مسوي سيد جزره

_________________

ههههههههههههههههههههههههههههههههه


قريه التوت هاه تبغاهم بكره يطلعون خكاريه مثل عيال عمتك لا روق ابغاهم يطلعون رجال عليهم العلم هههههههههههههههههههههههههههههههه

يسلمووووووووو على القصه الفلللللللللللله اخوووووووووووووووي


ننتظر جديدك

هههههههههههههههههههه

انا ابنى بيتفرج على دكستر و جاكى شان و طرزان و توم اند جيرى ده الكارتون المفضل لديه
من خبراتك تتوقع انه يكون عامل ازاى؟؟؟؟!

_________________
[size=5][align=center]«®°·.¸.•°°·.¸¸.•°°·.¸.•°®»بسم الله الرحمن الرحيم«®°·.¸.•°°·.¸¸.•°°·.¸.•°®»[/align]وَجَاهِدُوا فِي اللَّهِ حَقَّ جِهَادِهِ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمينَ مِن قَبْلُ وَفِي هَذَا لِيَكُونَ الرَّسُولُ شَهِيداً عَلَيْكُمْ وَتَكُونُوا شُهَدَاء عَلَى النَّاسِ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ فَنِعْمَ الْمَوْلَى وَنِعْمَ النَّصِيرُ

[align=center]صدق الله العظيم[/align][/size]

هههههههههههههههههههههههههههههههههههههههههههه

الله يرجك

رهيبة القصة >>> احسني اركض وانا اقرى من زود الحماس

ترى أذكر كل الرسوم اللتي ادرجتها اعلاه احم احم >>> زين طيب وش نسوي لك

ههههههههههههههههه هذي موتتني ضحك

>> انا كنت مسالمة احب النمر المقنع تامر وما احب عزام ثقيل دم

_________________

أما الدكتور المصري ماشاالله عليه .. شاطر عرف ايش .. الداء(بعيدعنك)الي عندك .. ولا النمل شئ تاني ..

يسلمووووووووووووووو عالرجة الحلوة و الله لايحرمك منها..خخخخخخخخخخخخخخخخخخ..

و مشكوووووووووووووووور عالموضوع الفلة ..

و لا تحرمنا من جديدك ...

_________________
[CENTER]

لا تسألوني وش جرى في حياتي
خلوا همومي بالحشى مستقره
الصمت ثوبي والمواجع مأساتي
والحزن كله وسط قلبي مقره
لو استعيد بواقعي ذكرياتي
احيا واموت في الثانية الف مره
همي يجيني من جميع الجهاتي
وتجاوز حدود الكون والمجره