تبي تحب تبين تحبين .... طريقة مجربة!

[align=center]السلام عليكم

مساكم ورد وجوري جميعا

اول شي بكتب الضروف الي خلتني اكتب هالموضوع


صراحة وانا اذاكر البارح دخل اخوي الصغير (خلوودي) وانا قاعد اذاكر وهو يزاعق ويصيح من قلب انا خفت صراحة والولد كان ماسك يدة ويصيح انا على طول وديتة للمستشفى تقريبا المغرب ( طبعا خلوودي عمرة تقريبا 6-7 سنوات )

انتظرت بالمستشفى الين تقريبا الساعه ثنيتن الفجر بعدما جبسوة ( خلونا نتكلم براحة بدون فصاحة يعني )

اخذت خالد وطلعت البيت نزلتة بغرفة نومة , المهم انا حبيتة على راسة وانا بفكة مسكني مع صدري بيدة الثانية

تدرون وش قال لي بكل براءة ( مجوودي صح انت تحبني ) ياااااااااااااااااااااااااااااااااااه اول ماتحركت مشاعري حسيت بشي بقلبي مادري شوصفة بالضبط لكن المهم حسيت بدوخة ( قلت لةبكل مزحة وبراءة لا نا مااحبك )

قال( الا انت تحبني لوك ماتحبني كان ماوديتني المستشفى ولا شريتلي سندويتش ولا حبيتني قبل شوي )


يووووووووو خلوودي توة صغير شعرفة بالحب شعرفة بهالكلام انا صراحة قعدت اصيح ونزلت دمعه من عيني وجلست عندة الين نام وانا اناظر ابتسامتة بعد ماكان يصيح بالمستشفى


انا ماقلت هالقصة كذا عبث او جايبها من الخيال


انا قايلها عشان تعرفون ان في اشخاص يحتاجوون لحنانك وحبك داخل بيتكم
عندك خواتك عندك خواتك
عندك امك وابوك


ياخي ليش تدور عن حب في شخص برا العائلة انت ناقص تدخل شخص غريب بقلبك غير اهلك
لا والله مانت ناقص الا انت تبي تعبث بهالدنيا

هذا الكلام يخصك يالبنت ليش تفضحين نفسك وتحرجينها بشخص ثاني
عطي حنانك الي عندك اخوانك
عطية خواتك
عطية اقرب الناس لك امك

يعني الا تحبين شخص ثاني
ياختي جيبي لك قطو وحبية والله ابرك لك من هالشخص الي ماتلقين منة الا الفضيحة
واتحداك جيبي لي انسانة استفادة من هالكذبة


وبعدين الناس هاليومين انهبلوو صراحة
انا الي هو انا
كل ماجاني شخص قال انت تحب والا لا تعرف بنت ==> سلامات


يعني الي يحب لازم يعرف بنت
ياخي احب امي وابوي واخواني كلهم وامووت فيهم ولو يبون عيوني لهم والله



انا صراحة كتبت هالموضوع من واقعنا الاليم هالايام

الناس تغيرو والله



الولد الي المفروض يهتم باهلة صار يخلي كل شي عالسواق


والبنت صارت ماعاد تستحي صارت بكل مكان يعني بالعربي (وجهها قوي)



عالعمووم هذا الي عندي واللبيب بالاشارة يفهم)[/align]