قلت الوداع وجاوبت دمعة العين
تجرح بساتين الخدود النديــه

وغضت وشفت بعينهاالحزن حزنين
وصاحت على الفرقا انا مو قويه

وجاوبتها ارجوك تكفين تكفين
واللــه دمعــك يشعل النار فيه

وقالت تعاهدني عهاد المحبين
الله يخون اللي يخــون خويه

قلت ابشري واللي خلق لا تظنين
حراااااااام ماغيرك عشقت آدميه

وقصت شعرها وقلت انا وش تسوين
قالت ابي من شعري لك هديه

ونادتني الغربه على الهم والبين
احسب الايــــــــام روحه وجيه

وفي كل ليله ترتسم بين رمشين
خيالـــــــــها بين الرموش الشقيه

غربة سنه في ذمتي غربة سنين
متى على الله يلتقي الحي حيه

خلاص هانت مابقى غير يومين
خلاص قفت غربـــــــة جرهديه

ورجعت وشوقي في خفوقي براكين
ورجعت انا كلي لهـــــــا جــــــاذبيه

وسألت ما ردوا وانا اصيح هي وين؟
وكلن نثر من داخل العيــــن ميه

وفي معمعة حزني تلقيت رمحين
قالوا توفـــــت غافلتها المنيــــه

وفي غرغرتها ماذكرت غير حرفين
تشهـــــد باسمـــــك شفاة البنيـــه

وتزاحمت في داخلي الف سكين
والحــــــزن يطويني ثنانين طيه

صدمه وجابتني على الارض نصفين
وشلون راحـــــت دون ذنب وخطيه

تكفون دلوني على القبر هالحين
ما عــــاد فيني للصــــــبر مقدريه

ووقفت اطالع قبرها بين نصبين
وجلست اضم اغلى النصايب عليه

واصيح وش بك يا غلااااااااااي ما تردين
اشتقت همس شفاهـــــك النرجسيه

وش فيك جيت من السفر ما تهلين
ما هي بلك عاده ولا انتي رديه

وحاولت في لحظه اجرح الدين
وازيح تربة قبرها في يديه

وبالغصب شالوني حشى تقل مسكين
واصرخ بهم واللــــه واللــــــه حيـّه

وقفت وتهاوت بي جميع العناوين
والحـــــزن يلعب داخلي سامريـــه

ورجعت لدروب الشقا قبل عامين
مدري من اللي صار فينا ضحيـــه

.................................................. ............
منقول
واتمنى تعجبكم

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي