 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
06-28-2010
| |||
| |||
 من يبادلني بالخشم الشقاوي..من عطاني خشمه الطيب وازيده سلااااااام مدخل /  / في احد صبااح الأيام الماطرة الغائمة الجميلة تقترب الكامير شيئا فشيئا إلى حي الربوه العظيم ونحو تلك المدرسة الابتدائية المنقرضة يقترب زوم الكاميرا اكثر فأكثر فأكثر نحو ذلك الشاب الكئيب .. شاب اصبح من فتات الماضي ومخلفات الحروب الاهلية .. شاب قد لعب به الزمن مالعب وطعنت شيفة الخلق في وجهه مالم يكن في الحسبان ومالم يطري على البال .. شاب يتملك حبة خال عند خشمه المقوس يظن المشاهد لها انه ذباب متكوم دمنة بعير.. شاب قد اصبح مصلطح انسان حرام يطلق عليه اصلا لأن المفروض اقرب كنية تطلق عليه انه جاموس بري ياكل من خشاش الارض في احد براري تكساس ذلك المخلوق هو المكنى عبااادي النكبه في ذلك اليوم مسكنا طريق الملك عبدالله ووقفنا عند أحد الإشارات ولقيت بجنبنا جمس يسوقه فلبيني ومليان بنات... طقيت عبادي بكتفي وانا فاتح عين وصاك عين واغمز وأقول له :تشوف اللي اشوفه وش رايك باللي بالجمس ... قال عبادي :والله يامربط مهب شين بس لو يحلق شنبه صار احسن .. جاوبته بالزبيريه ومخمس على جبهته تطايرت على اثرها الحشرات الساكنة في السيارة وقلت : الله يلعنك ما اقصد السواق اقصد البنات شف شف ذيك اللي تحط روج قسم بالله خدودها ولا خدود مايا نصري ولا ذيك اللي تأكل بسكوت ديمة شف الانامل بسسس مهب مثل اصابعك من كبرهن كأنهن رأس ضب. تنهد عبادي تنهيده عظيمه ورفع وجهه للغماره وقال : آآآهـ بسس يا مربط لو تسمع قصتي اسسكت بس لاتذكرني بالبنات .. أنا من عقب سالفة حصه وانا كاره البنات . قلت له : ليش طيب..؟ ومن هي حصة ذي . تنهد عبادي تنهيده قويه وسحب كل الأكسجين داخل السياره حتى ريالاتي طارن من مخباتي وقال بكل حزن يتعصره بعض الألم الممزوج ببعض التسذب كنت ياتركي صبيا قد بلغت البرائة مبلغها بي حتى كلمة البرائة انتحرت يوم درت إني بلغتها.. كنت رقيق المشاعر جميل الخلقة صح كان خشمي أكبر من سيقاني بس برضه كنت مثل من امثال الجمال الاهي في حارتنا .. كانت امي تقومني من النوم بعد ماتشب طرطعان "ام حمام" وتدعسه بخشمي وتفجرها وتصحيني علشان اروح اكب الزبالة وأنت بكرامة بسطل الشارع ... كنت متعود على هالشغله حتى قطاوة سطل الشارع عرفوني من كثر ما اسير عليهم ... كنت كل ماجيت اطلع من بيتنا اقول لـ امي: يماه الحين ليش ماتسجلوني بالمدرسة عمري 22 سنه ولا أعرف الا 3 حروف بس .. ودي ادرس وانهل من المعرفه والعلوم حتى اتخرج واتزوج يعني يرضيتس ياماما اعنس ولا احد يعرس علي .. فكانت دايم امي ترد علي :اقصر من خشمك ياوليدي همن نسجلك بالمدرسة ..!! حاولت مرارا وتكرارا اطيع شور امي واقص من خشمي فكنت احك خشمي بالاسفلت طول النهار لكن صار شارع حارتنا كله حفر من شدة ما احكه بالأرض .. حتى إني من زود الفسقة كنت اكتب بخشمي ذكريات على جدران جارنا ابو جلمبو .. تصدق ياتركي وأنا جاي من عند حارة الخزان بعد ماخربت ثلاثه من شوارعهم وأنا احكهن بالأرض مريت من عند فرامة اللحم حقت ابو طلال وناظرت ولا الهندي شاد حيله ويقطع لحم بالفرامة .. دخلت المحل بعد أن اخذتني العزة بالإثم وضربت الهندي بخشمي على رأسة وأغمي على ابو هنود واجي واوقف بكل شموخ قدام الفرامة وادخل خشمي تجاه سكين الآلة وانا اردد: اللهم اجعله صيبا نافعا يسقي الارض والحرث ... اللهم حوالينا ولا علينا .. يارب سترك يارب سترك ... وادف خشمي بقوه ويتضارب مع السكين ... وتقربش الآلة وحصل اللي ماطرى على البال ... خشمي يقضي على الآلة بكل قوه ويطرحها ارضا ...طلعت من الفرامة وكلي حزن وألم .. ومشيت وانا اشاهد اسنان السكين البريئه وقد تعلقت في اطراف خشمي ولسان حالها يقول : يلعن الدنيا ومافيها .. توجهت لبيتنا بعد أن اقبل المساء بظلامه الحالك ومررت من عند دشير الحاره وكالعاده بدؤوا بالذب علي اللي يقول هذا خشم ولا صدام ددسن .. واللي يقول ليش ماتسلف خشمك شركة ارامكو ينقبون به النفط .. واللي يقول ناقص سيارات تمشي بس ويصير خشمك نفق .... سفهتهم ودخلت بيتنا ولقيت جدي قاعد يناظر الدش وبيده الريموت وفاتح قناة ميلودي وسعابيله تقوطر على لحيته جيت طاير ابي احرجه قام صرف الوضع وحط قناة المجد وقام يهز رأسه ويقول : يا صالحاه إن ساحات الوغى تناديني .. وأريد أن أذهب لنصرة أخواني في العقيدة نعم سوف أنقذ امتي من الأشرار انا لها ياصالحه... قلت: ماشاء الله ياجدي ناقص المقدم العشماوي ويستضيفونك ببرنامج فتاوى على الهواء . إستدار جدي ووجه دميجته نحوي وقال بعد مامسح سعابيله بطرف قميصه :الحين ياوليدي حدد وضعك أنت اللي تحتسي ولا خشمك بعدين كم مرة قايل لك لادخلت للبيت خل خشمك يدخل قبلك همن إدخل أنت ... انصكت الدنيا بوجهي وقلت بنفسي : حتى أنت ياجدي تذب علي لكن من أشوف إنتاجك اللي لو اجتمعوا عليه العلماء كان صنفوه من فصيلة "الحمير البرمائية"وأنا غاسل ايدي إلى كتوفي ... رحت للسطح وأنا امشي بالدرج سمعت صوت أغاني وتصفيق رجعت للصالة وأشوف جدي يقلد فيفي عبده ورابط شماغه على خصره ويهز ويرقص وأخوي الصغير فاصخ حفاظته ويحركها بحركه دائريه مثل جماهير البرشا وجدتي تزغرد وتقول :عرس(ن) مبارك عرس(ن) مبارك حمدت ربي ورفعت إيدي للسماء وخشمي إرتفع معي ودعيت ربي ينقذني من هالعايله المنحطة.. همن طمرت للسطح وقعدت على فرشه حمراء وانبطحت بشكل مثير للفتنة لاطلق العنان لتفكيري في كيفية التخلص من حجم خشمي الزايد وبينما كنت متاملا السماء والنجوم إذ اسمع بصوت انثوي ناعم يناديني من بين اطلال سطح بيتنا :عبادي .. عبادي ... إلتفت يمين ويسار ابي اشوف من راعي الصوت وفجأه لقيت بنت جارنا ابو جلمبو حصه وهي مطلعة ضروسها بين حديد الدريشة وتحرك اصبعها السبابة . وقفت وقفت الأسد الجائع الثائر المتلهف للإنقضاض على غزالة في آخر القطيع وأناظر حصة .. وامشي خطوة خطوة ومع كل خطوة قلبي يدق يدق حتى وصلت قريب منها وقلت بكل دلع :عيون عباادي ... قالت حصوص : يالبى هالعيون تصدق دايم الصبح لاجيت اناظرك وأنت تذب الزبايل إن قلبي يرقل لاشفتك اقول وش هالولد الأنيق صح خشمك كبرك مرتين بس تظل اجمل مارأته عيناي ...!! فجأه..جا عبادي يبي يتنهد واجي اطبق على فمه بحركة سريعة وقلت له وانا اناظر صروالي اخاف ينفصخ : يرحم امك كمل قصتك الله ياخذك واخلص علينا ... أنت شكلك ناوي تهدم مستقبلي أكمل عبادي كلامه بعد تناوله رشفة من القهوة التركية الثقيلة وقال والدموع تنسدل كالمطر الغزير على وجهه اللي تسنه كفرات شاص آآآآآه يامربط بعد ذيك الليلة دق قلبي طبوله لأني اول مره احتسي على بنت حسيت بطعم الحياة حسيت إن في وحده فاهمنتي وتقرأ افكاري وتعرف وش ابي وش ما ابي .. تصدق بدينا كل ليلة نشوف بعض بالسطح واقطف لها ورده من مزرعة ابو رشيد كل صبح ولاجاء الليل اعطيها الوردة وتعطيني فطاير من حقات امها ... يعني تقدر تقول كنا نتبادل المصالح والحب بنفس الوقت مثل امريكا وروسيا ...وكنا نتبادل الضحكات طول الليل واحيانا من زود حبنا لبعض امد خشمي حتى يوصل دريشة بيتهم واخليها تلمسه وتلعب به وتنظفه بليفه وصابون تايد حتى يطلع يلق يلق ويبلص ولا رجعت للبيت اهلي يضحكون علي يقول شكل خشمك من بعيد كأنه قوطي نيدو ...</b> تطورت علاقتنا وزاد حبنا وعشقنا وهيامنا لبعض وصرت ما اتخيل حياتي بدون حصوص وهي ماتتخيل حياتها بدوني وكانت دايم تقول لي : عبادي دخيلك لاتطالع غيري وانا لو يصير عمري 50 بأنتظرك تتزوجني يابعد الدنيا... ياحياتي هي كانت تشوف فيني كل شي بحياتها يعني على بلاطة حبينا بعض تدري وشلون حبينا بعض ولا ماتدري ... صرت ما افكر إلا فيها ولا اتكلم إلا فيها صارت هي حياتي هي دنيتي هي كل شي بالنسبة لي ... أخذت حصة كل تفكيري أخذت قلبي أخذتني بكبري أنا وخشمي ... قاطعته بلقافه كالعادة قائلا : غريبه وشلون اخذت خشمك ؟؟ من كبره تحطه وسادة لك لاجيت تنام وعلى طاري الوسايد ابيك تسلفن خشمك يومين بكشت به وأرجعه ... لم اكمل جملتي إلا ورجل صويلح تصفق وجهي ويتطاير انفاسي داخل الكرسيدا وقال خشمه لي : لا تقطع سالفة عبادي وخله يكمل الموضوع ولا قصم لا اعطيك ضربة اخليك تفقد عذريتك وأنت بعز شبابك . تداركت وجمعت انفاسي اللي تناثرن كالأشلاء داخل السيارة وقلت بكل مصالة: ماشاء الله خشم وفحل بنفس الوقت .. وأنا اقول ليش عبادي يجي الصبح للجامعة وهو يفوحج .. استطرد عبادي في حديثة بعد تناوله سيجاره كوبيه وقال والنخارير تنهمر من على فوهة خشمة استمرينا يامربط على هذه الحال أنا وحصوص لمدة تزيد على السنة عشت فيها اجمل ايام حياتي حتى أتى ذلك اليوم المشهود .. كنت كعادتي متجها للسطح محملا بالشوق واللهفة إلى عشقي حصة .. تاركا اصوات الغناء والرقص في صالة بيتنا فتحت باب السطح ولقيت حصة كعادتها تنتظرني ومعها صينية مليانة فطاير مشيت حتى وصل خشمي دريشه بيتهم وبدت حصة تزحلق الفطاير على خشمي حتى يدخلن فمي وأثناء هاللحظات الرومانسية فاجأتني حصة وقالت: عبادي ودي ألمسك ودي اقبلك ودي ارتمي بحضنك وأنسى هموم الدنيا ودي اعيش بداخلك . باللحظة هذي يامربط نسيت الدنيا وأخترت الحل اللي إلى اليوم مالقيت حل له ...! سكت عبادي لبرهة ثم كمل مشواره وقد بدأ على محياه الخوف فقال اخترت إني اشفطها بخشمي . ايه وش تناظر شفطتها بخشمي ومن يومها وأنا ما ادري عنها هي ميتة هي حية اخترت اريح ضميري وأرتاح من حالة الحب الهايجة اللي اجتاحتني في الأوقات ذيك .. اخترت اسكنها في داخلي اخليها ساكنة فيني في عالمي في جواي ...!!؟ << من شاف هبال عبادي وانحرافه وصلابة خشمه طبح من الدريشه وحط نعوله بحثلته وعض ثوبه وشرررررد مخرج /  التعديل الأخير تم بواسطة !مربط الجـن! ; 06-28-2010 الساعة 11:59 PM  |
|
#2
06-29-2010
| ||||
| ||||
| رد: من يبادلني بالخشم الشقاوي..من عطاني خشمه الطيب وازيده احم احم حركات موضوع جديد امم لي باااك < اكشخ انا اول وحده
_________________ 
|
|
#3
06-29-2010
| ||||||
| ||||||
| رد: من يبادلني بالخشم الشقاوي..من عطاني خشمه الطيب وازيده طقيت عبادي بكتفي وانا فاتح عين وصاك عين واغمز وأقول له :تشوف اللي اشوفه وش رايك باللي بالجمس ... بسم الله ماشاء الله تبارك الرحمن وربي بغيت اصدق إلا شعره ..تسلم الايادي على كتاباتك الحلوه < ياقلك تمدح . اقتباس:
ههههههههههههههههه ههههههههههههههههههههههه حرااااااااااااااااااااام كلش عادي تشبه فيه إلا صدام سياره  <  اقتباس:
اقتباس:
اقتباس:
هههههههههههههههههههههههههههههههههههههههههههههههههه ه اما شفطها بكبرها كله هههههههههههههههههه هههههههههههههههههههههههههههههههههههههههههههههههههه ههه . . ياااااااااااربي تسلم الايادي على الطرح مربط و لا عدمنا جديد ودي لك خ ــــفاآيا ..~
_________________
|
|
#4
06-29-2010
| |||
| |||
| رد: من يبادلني بالخشم الشقاوي..من عطاني خشمه الطيب وازيده ، وعليكم السلام ورحمة الله وبركاته صبآحك عطآس شخصٍ مزكم ومسآك كحة وآحدٍ مسخن هع >>>صبآح ومساء ولا أحلى منهن مو ؟!! شسمه مجرد حجز مكآن بالدرجة الأولى >>>ههههههههه طيآرة وإلا وشهو دمت بطيب 
_________________ ،  ، أختي الغالية صحوبة ربي يحرم يدآتك نآآآآآر جهنم يارب  |
|
#5
06-29-2010
| |||
| |||
| رد: من يبادلني بالخشم الشقاوي..من عطاني خشمه الطيب وازيده وعليــكم الســلام والرحـمه .. اقتباس:
 رحمـتـه بريء  يـآحرآآم قصـته مؤثره جـداً ، طيب مآ بحثو عنـهـآ تحت آلآنقـآض ..؟ يعطيـك ـالعـافيه ع الـتسذب ..!
_________________ ..  سُبحآنْ آلله وبحمدِهـ ، سُبحآنْ آلله آلعضُيم لآ حوِل ولآ قوةْ إْلآ بآلله  .. |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| 29 فينيش مصارعة | ـALONE IN THE DARK | المصارعة الحرة | 20 | 07-27-2010 03:58 PM |
-الدورات
التدريبية بجامعة نجران-
العرض العادي
