 |
| |||||||
 | |  |
 | |  |
 |  |  |
 |
| | LinkBack | أدوات الموضوع | طريقة عرض الموضوع |
|
#1
06-29-2010
| |||
| |||
 يـَـَوْوْوْمِ اســًــودْ /~ احلى شي انك تقوم الصبح وانت مروق نعالك عند الباب والفوطه جنب المغسلة وباب الكراج يشتغل تحس انك في احد قرى بريطانيا ...... الزفلت تشوفه عشب اخضر والهندي على السيكل تشوفه ولد بريطاني اشقر يوزع جرايد الصبح ويقول (( قود مورنينق سير )) واذا سمعت خترشه عند الباب تقول هذا الحليب وصل ما تدري الا نشرات كارفور داسينها تحت الباب ....المهم الجو رايق كان هذا يومي وايامي كلها بهالروقان الين طحت في الاذاعة ..جا ملقوف وبرمج رادو السيارة على موجات fm ومن يومها اوصل العمل ونفسيتي وشكلي من الهواش كني جاي من سوق الغنم وملعوب علي بخروف سداس كله طلوع...المذيع يقراء الرسايل (( سوسو تهدي بنت خالتها اغنية الصد والهجران وتقول اسفه وسامحيني )) ورساله ثانية (( انا رايحة للامتحان ادعولي )) ينعن امك اعرفك انا عشان ادعيلك يالمملوحه الله من ثقالت الدم .... تحس انها فرفوشه واكثر اللي يسمعون هالرسايل يذوبون ويتخيلون شكلها لابسة جنز برمودا وكاب ومطلعة خصلة خيل وتبتسم وهي تركض ملتفته ووزنها 43 كيلو..ما يدرون ان هالحركات ما تجي الا من بنات مااعتنقو الاسلام الا عشان النقاب يغطي الشين .. دبا واظافرها طويله وحمر وهي تكتب هالرسالة قاعده تنشق مزكومه وماسكه الجوال بيدها اليمنى وتناظر يسار عشان توزن عينها العورى ...ونقطة ضعفها الوسط لو مدت الجوال من يدها اليمنى لليسرى يختفي الجوال مدة ثانيتين لانه مر في المنطقة المظلمة ..وشعر راسها خفيف وقصير تشوف فروة الراس كنها مريض بالسرطان في شهره الثاني من العلاج...عاد سوسو اللي زعلانه عليها بنت خالتها طيب وبعدين هذي اذاعة يسمعونها ملايين وش دخل امي انك اعتذرتي ولا لا ...فيه شي اسمه مسج بالجوال ولا ايميل ولا كلي تبن ...بعدين وش هالزعل اللي بتسامحك بعده بسبب اغنية يغنيها واحد صوته كنه يعلك قصدير .. عاد المذيع يتميلح يقول الله لا يجيب الزعل ياسوسو وان شاء الله بنت خالتك تسمعنا .... قلت الموضوع مهم ولازم نناقشه خلاص انا ما اتحمل زعل بنت خالت سوسو ولا ادري عن المملوحه وش صار على اختبارها قالت ادعولي ثم سحبت علينا ..رجعت الساعة ثلاث الظهر من الجوع كن فيه احد يمخش جدار معدتي باظافره وحايمه تسبدي ولا ادري وش صار على اختبارها ولا ادري هذيك سامحت سوسو ولا لا..قلت خلني اطلع اصلي العصر ويمكن اشتهي الغداء رحت اتوضئ في حمامات المسجد وسمعت صوت في الحمام رجال يتعصر قلت مساعده يالاخو ؟؟.......قال ياليت معي امساك احس بيطلع مني برميل غاز ...قلت خلاص اجلس كنك ساجد وطلع يديك من تحت الباب ورجليك كل وحده اضغط بها على جدار بشكل متساوي..واحاول واحاول ماش حالته صعبه ولا كأني مسوي شي قلت: يالاخو انت متأكد انه جايك نداء الطبيعه..على اللي سويناه المفروض يطلع عامودك الفقري عجزت والرجال بيموت بين يديني والمشكلة وش بيكتبون سبب الوفاة ..اول ما سلم االامام طلعت ومسكت المكرفون قلت ياجماعة الخير ابي فزعتكم ابغى انشط خمسة رجال ويتجمعون ورحنا للحمام والامام معنا ....بعد ما شرحت لهم الوضع اتفقنا على خطة.. قلنا له تستر ياورع ودخلنا عليه وهو جالس على الكرسي قلنا شف بنسوي حركة سريعة لاتعابط..والامام جالس يقراء سورة ( يس ) يقولون تيسر طلعة الروح لا قدر الله....مسكنا رجليه وصفطناها على فوق صار جالس على عظمة الورك ورفسناه في بطنه ....بعدها ما يحتاج اكمل ...وانا طالع شفت ذبانه مسرعة تنادي الذبان تقول بسرعة ياشباب لا يفوتكم احلى بوفية مفتوح كله حمص.. في المستشفى كان الرجال في غيبوبة بعد اللي صار له وطلع بعد ماحطو 7 غرز....وديته للبيت وبعدها صار يخلي اخوه الصغير يجلس عند الباب ....واذا رحت اصلي يقول: ااااخخخووووي ييييققوول لليش ما تجيي عنندي...عرفتوا نوعية هالبزران اللي يتأتئ ويناظر الارض وهو يفرك في اذنه رحمته بعد الصلاة دخلت عنده تعرفون هو جالس في سريره في المقلط تقول نفاس اضطريت اشوف البيت كله وش اقول لكم اول غرفة بنت عمرها سبع وسمينه مره راقده وتحرك يديها ورجليها كنها السلحفاة اذا قلبتها على ظهرها ... والغرفه الثانية ولد يلعط ارجل الكرسي ويقولي تااااااابي عاااااسكككريييييم....وولد عمره 12 جالس في الحمام ( الله يكرمكم ) فاتح الباب مفصخ وجالس يضحك .... كنك داخل مستودع استوكات الاوادم . جلست معه قلت سلامات وش فيها العائلة الكريمة قال السالفة بدت من رمضان الماضي الوالدة الله يخليها شوفها ضعيف وكانت بتصلح شوربة وهي مستعجلة فتحت دولاب المطبخ وبدال ما تاخذ الشوربة خذت اكل السمك يشبهه (..يقالك يبرر هالكارثة) وبعد الفطور بست ساعات وكل واحد انلحس اول تشخيص قالوا الدكاترة سوسه في المخيخ وانا الحمد لله الاضرار خفيفه تأثرت عندي عضلات الارداف صارت تنقبض وتتمدد من نفسها يعني التوقيت بمزاجها , قلت عشان كذا اشوفك بعض الاحيان في الصلاة ترقص ( دقني ) عاد انا رحمته وقلت للوالد قصة هالعائلة الضعيفة المريضة وكيف المجتمع تغير جارك ما تدري انه مهبول والوالد متحمس ويقول ايه ايه لا ااااه بس من شفت عينه تناظر بزاوية كنه يناظر واحد وراي دريت انه موهب معي بعد ما خلصت قال : خذ عشرة ريال وجب حجار للساعة الخراش ... ياليته كان يفكر في شي يستاهل هذا لو دخل اختبار القياس متى بيخلص اتوقع يجينا بعد اسبوع وطالع دقنه كنه جاي من سجن ...قلت مالي الا اني اتصرف واتصلت على الفكرية ومعهد النور وكل مكان قد دخله معاق بس مالقيت تجاوب وارتب لقاء مع قناة العربية ووافقوا بعد ما وقعت على تعهد انهم غير شريرين واتصل على صاحبي واعلمه وجت قناة العربية في الحارة ووقفوا برا بالفان حق النقل الفضائي صار اللقاء مباشر طلع لهم حاط الفوطه على خصرة ويفرك شعره بفوطه ثانية توه متسبح ويبتسم على باله عفويه وهو يقول تفضلوا تفضلوا يسمع بالكرم .....عملوا القاء معه في الشارع وكان اول سؤال ليش لابس الفوطه في لقاء مباشر قال ما دريت توقعتها اذاعة تجون تسجلون صوتي وتروحون... طبعا غير رقصة الارداف صار عنده مرض ثاني ما علمني عنه صارت غدد العرق عنده تطشر كنك فاغص اسفنجه.... من كثر عرق ابطه تقول عرق جبهه .....اذا طلع الظهر خلاص العرق تحت رجليه كنه طالع من مسبح واذا يبس تصير كومة طحين ابيض كنها بودرة الطباشير على رف السبوره...عيال الحارة صاروا يخلونه يركض في الملعب عشان يرطب التراب عن الغبار..وجسمه صاير يحوم التسبد رطب ..اذا لمسته كنك لامس قنديل البحر ...الغرفة اللي جالس فيها من الرطوبة تحس انك جالس في شقق مفروشه بالدمام..واذا جا الظهر تصير الرطوبة في اقوى مراحلها باب الغرفة ما عاد ينصك ( ينتفخ ) من قوي الرطوبة تحس انك جالس في أفم انسان.. بعد فترة صار راسه من الخلف بارز كنه خلفية تلفزيون ...اذا حلق صلعه تصير جلدة راسه طويلة ومرتخية تقدر تقبض عليها باصابعك الخمسة كنها جلدة الركبة اذا مديت رجلك ........جا يشاورني بحكم اني صديقه الوحيد والاخير ..قلت : رح خذ عمرة ...راح العصر ورجع من بوكرة ما كمل العمرة ..يقول : الناس تلاحقني تقول شوفو شوفو فيه خروف بربري في راسه...وعمال الصيانه يمشون وراه يسلتون عرقه.... قلت وش هاليوم المزفت ... بس اللي خلاني احافظ على صداقتي معه موقف صار قدامي وحلفت بالله اني اوقف معه حتى لو اتهموه انه ارهابي.... شفته هو واخوانه راكبين الجمس مع ابوهم عند اشارة وفيه اولاد في سيارة ثانية يصارخون يبه يبه شف شف راسه مايع ..وابوهم يقول : لا لا هذي بلونه تافخينها اكثر من اللازم ...ثم فتح ابوهم الدريشة يكلم ابوه يقول : انتبه وانا اخوك ترا اظاهر ولدك ناشب في راسه اخطبوط.. بعدها وقف ابوه عند مطعم يطلب شاورما ...نزلت معه وانا واقف جنبه وصاحبي يطقق الدريشة بيديه ويناظرني يقول: سديقي سيدقي ( صديقي ) واخوه الثاني قاعد يلعط في راسه واخته الثانية مركبينها مقلوبه فوق التنده ..قال ابوه الله يصلحهم هالعيال يحبون الشاورما ..ثم قال يامعلم عطني اثنين شاورما محلي ...جلست جنبه قلت ليش ماتاكلها في البيت ...قال: ياخي والله ما اقدر وانا ارتحت لك وبقولك الصدق اذا رحت للبيت وحطينا السماط كل واحد منهم يلقط شاورما بأفمه ويركضون بها في الشارع ...قلت طيب اقفل الباب ..قال : قفلته ولقيت هاللي تشوفه ( يقصد صاحبي) فاك الشاورما في كرسي الحمام ( الله يكرمكم) ومدخل راسه ياكل ...وينادي اخوانه يقول شوفوا شلون ياكل ابوي..وهو يسولف جلست اناظر الجمس وعياله مجتمعين على دريشة وحدة ويناظرون كنهم في حوض سمك . بعدها ياشباب قلت لازم اوقف معه انسان ماله ذنب في اللي صار له الله ابتلاه بمرض ماجا اليابانيين بعد القنبله النوويه..جته العن انواع الاعاقة وش اقول اهله حتى لو انهم كفار بسبب عنايتهم له يدخلون الفردوس..ياجماعة الخير انا اتكلم عن اعاقه ما احد قد شافها انتم تدرون ان ماله الا فتحة وحدة في خشمة وعلى الجنب كنه شكمان سيارة سباق ...ولا عيونه جلدة الجفن يابسه كنها قشر الجمبري , و الارداف وحدة اكبر من وحدة التورك في التحيات عنده اتوماتيك.. وشعر جسمه كنه بقايا اثل في وجار مطفى بمويه ...الشعره الوحدة غريبة سميكه من تحت وخفيفه من فوق كنها ذنب جرذي ... وغمص عيونه تشوفه على المخده مطشر كنك واطي مايونيز ماكدونالدز اذا كلمك بالتلفون تعرفه قبل ما يسلم تسمع صوت تنفسه كنك مركب مكرفون عند خشة خيل قاطع سبع اشواط وريحة افمه فيها من الخياس اول ما شميتها توقعت ان في افمه مقبرة ...ابوه شاري سماعات للتلفون بلاستيك عشان كلما كلم ينطل السماعة عقبه ..اظاهر عشان كذا ربي حاط فتحت خشمة على الجنب ..هذا لو يشم خياسه ينتحر انسان بهذه المواصفات ما يستحق الرحمة ؟؟ صح اني اذا جلست معه البس كمامات وواقي للجسم كني جالس على سطح القمر بس يظل نصف انسان .. اخر الليل رحت اتمشى على رجلي نفسيتي تعبت ما ادري وش صار على سوسو ووش سوت المملوحه بالاختبار ثم طينت باقي اليوم مع معاق ..جلست على الرصيف اتعجب من خلقة الله للانسان وكيف قوة تحمل نفسيته رجعت للبيت وانا افتح الباب ..اسمعه ينادي من دريشته سديقي سديقي قلت: كل تبن...واصفق الباب وادخل وانا في الغرفة ماش حسيت ضميري يأنبني طليت مع الدريشة لقيت امه سادحته على ظهرة ورافعه رجليه تغير حفاظته ثم قامت تلاعبه وهو مبسوط بوكرة الظهر جاني تلفون من ابوه يقول ابشرك سوينا عمليه ونجحت قلت ورا ما علمتوني نوقف معكم قال: تعرف ما ودك الواحد يعلم بكل شي ( اقضو حوائجكم بالكتمان ) قال الحمد لله الدكتور يقول ناجحة وعقليته راح ترجع سليمه يقول انه سحب كل السوس اللي في المخيخ واحتمال ضعيف يكون فيه بيض و يبي يكلمك اول واحد ..دمعت عيني ورحت للمستشفى ومسكت يده وهو يقول الحمد لله احس راسي خف وصرت افهم بس اللي الى الحين ما عرفته الاخطبوط يدخن بأي يد ؟؟؟!!! التفت على ابوه وقلت اظاهر فيه بيضه فقست انتهى  |
|
#2
06-29-2010
| ||||
| ||||
 رد: يـَـَوْوْوْمِ اســًــودْ /~ يسلموووووووووووووووووووووووووو |
|
#3
06-29-2010
| ||||
| ||||
| رد: يـَـَوْوْوْمِ اســًــودْ /~ يسلمووووووووووووووو
_________________   |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
