بــســـم اللــــه الرحــــمـــن الــرحــيــم ...,,,

السلام عليكم كيف الحال جبت لكم موضوع منتااز ان شاءالله انه منتاز الموضوع هاذا يخص تماسيحنا الجديدين نبي

نعلمهم على الحركات المشفره يعني يمكن تستمر الحرب فــ لازم نعلم الجيل الجديد >>> تكفى يالمعاصر ع العموم

نترككم مع الحدث .............,,,,,...........,,,,,..............,, ,,,

إذا كنت جديد على المصرقعين والمهابيل بشكل عام اتبع الآتي :-

1- قراءة مواضيع المصرقعين المميزين والتركيز على النقاط التي تجذب القارئ وهذي تعرفها عن طريق الردود شف وش اللي عجب القارئ بالموضوع وركز عليه

2- اقراء المواضيع وفصفصها حتى لو كانت طويلة ولا تملل منها واذا قصدك الفاتورة سو قطع للاتصال واقراء على كيفك وبعدها رجع الاتصال او احفظ الموضوع عندك بالجهاز واقراه متى ما كنت فاضي

3- لا يمنع تقليد بعض المصرقعين بطريقة كتاباتهم بافكارهم بس ماهو تسرق الموضوع كله وتجي تقول اقلدهم
<== تحسون اللي يسويها من جد خبل

وانت تقلدهم علشان تصقل موهبتك هذا اذا كانت عندك موهبة واذا ما كانت عندك موهبة فانت بتصقل جبهتك اللي كنها مواقف سيارات يهيهيهيييييييييييه

4- تقبل جميع الردود بصدر رحب حتى لو كانت تحمل بعضا من التعليق الجاف او النقد زي ما يسمونه او اذا عللق احدهم عليك بقووة فكن عاقلن وتقبلها ورد عليه التعليقة بس من دون تجريح يعني ترد عليه بفن >>>> كلام سليم ^_^

===================
اذا بغيت تكتب موضوع فكر بها الامور هاذي قبل ماتكتب


أول شيء خل هدفك من الموضوع الوناااسة وسعة الصدر وبس .


ثاني شيء للتميلح بس من دون هدف اخر.

ثالث شيء فكر بالصعود بموضوعك الى المميزه .

رابع شيء بالشهرة وتكون مشهور عند كل الاعضاء ويعرفونك ويعرفون نكك يحفظوونه بعد ويصيرون يدخلون على مواضيعك حتى لو انها بالعام والا بالرياضة لانهم يبي يحسون انك مسوي شيء يعني حاش في احد ولا شي >> احد = سحليه نياهاهاها لا يعني اقصد اذا دخلو المنتدى وشافو موضوعك يجونك مطفين النور يدرون انك جايب العيد ولا مسوي شي ...,,
واكتب اللي براسك ماهي مشكلة اول مرة راح تخطي ويكون موضوعك ثقيل دم بس مع الوقت راح تلاقي نفسك تطورت تطور ماهو صاحي

========================

اذا نجحت واثبت نفسك وصرت معروف بالهستره وبالـ ايه اتبع هالطرق التاليه :-


1- خلك حريص على عدم التكرار في افكار المواضيع لانهم راح يدرون ان اللي عندك وقف وما راح تجيب شيء جديد

2- اترك عنك سرقة الافكار من فلان وعلان

3- لاتحرص تنزل موضوعين او ثلاثه في اقل من اسبوع لانك تستهلك نفسك في وقت قصير والاعضاء راح يملونك كل يوم وانت بوجههم خلك شوي تسوي شوق لمواضيعك ويحترونها متى تجي

4- احترام الاعضاء والتعامل مع العضو الجديد مثل التعامل مع العضو القديم لانه
بيوم من الايام بتصير او بيصير عضو قوي او قويه ويمكن تكون احسن منك وتخسرها بسبة هالحركات
5- حاول ترفع مستوى مواضيعك الى اقصى حد ممكن لان ماهو صعب انك تصل القمة الصعب هو انك تبقى فيها << متعوب على الكلام هاذا ^_^


في النهايه اقول لكم مع السلامه


برررررررررررب