تَرَى ما يحمل لسَانِه علـى كَتفِـه أبـدْ رَجَّـال=مصيبه كانك تشوف البطولـه بشيـن إفعالـك
مصيبه أنِّك على سُود الفعايـل بالغَبَـاء تِخْتـال=تِظنّ إِنِّك مَلكت الغيمْ ... و حَدِّكْ واطِـي اِنْعَالـك
وِش انتهْ قول لِي بَس ايشْ حقِير و تَافِه و مِحْتال=بليد و مُعدم و وَجْهِـك يلـوِّنْ غامِـق اِظْلالـك
سكتّ وقلت أعَدِّيها واعَرْف إنِّـي وسيعـة بَـال=حليمة لا مَلاني الغيظْ .. واتْرَفَّع عـن امْثَالـك
وشوفِكْ حيلْ تِتْمَادَى و يتْمَـادَى مَعَـاك انْـذال=و أنا ما هَمِّنِي و الله .. لا قَوْلِـك و لا انْذَالـك
أنا يا هيه مانِي اللِّـي تِهمّـه هرجـةَ الدجَّـال=و رجلٍ ما سِلِم عِرض النسَا مِنِّه تَـرى هالِـك
يجي لِك يوم.. تشوف الله و لا شيِّن قبَالِه حَـال=و تعرضْ قائمةْ فِعلكْ و تُوزَنْ جُملـة اعمالـك
دعيتَ الله و أنا ابّيتـه و كانـت قِبْلتِـه بقْبَـال=إذا جاتِكْ " صحيفة سُوء " تذكَّر واحضِـر ابّالـك
دعيتِه يرفع همُومي على الأحْـزَان و الغِرْبَـال=و ياخذ صدمةٍ فيني .. و يرْسِيها علـى جَالـك
تشوف اقْرَب قِريبَه لـك تدمِّـر أجْمَـل الآمَـال=تشوف إنَّ اليدين اللي عَطَيت .. بيـومْ تِغْتالـك
تحس إنَّ القَهَر حَارِق.. يجي لك كلّ يوم بحَـال=و تَقْدَعْ من يدينِه مُر.. و تشْرَب نَفْس فِنْجَالـك
عشان اتْعَرف لو طَالتْ على الظَّالِم كِثيـر ليَـال=بـأنَّ الله مـا يِهْمِـل و لـو يِمْهِـلْ بإهْمَالـك